مفاتيح النيسان صنى سوبر صالون

**ehabspc** · 18-11-2008 09:13 AM

السلام عليكم و رحمة الله

ممكن بس يا شباب أعرف مفاتيح النيسان صنى سوبر صالون عبارة عن إيه

انتوا عارفين إن أخوكم جبتها مستعملة 2008 و الراجل صراحة إدانى مفتاحين ( أسود + أحمر ) و ريموت واحد اللى هوة بيفتح و يقفل الأبواب و يفتح الشنطة و يشغل الكلاكس

هوة كدة مظبوط و لا المفروض فيه مفتاح مدمج فيه ريموت؟؟؟

و لو حبيت أعمل مفتاح مدمج فى ريموت هل لازم أغير السنتر كله و لا عادى بيتبرمج ؟؟؟

و هل المفاتيح مشفرة و لا عادى يعنى ممكن أطلع عليهم؟؟؟

و بالنسبة لوحدات الرفع إيه رأيكم و كمان سمعت إن فيه حاجة تضم المرايات إيه رأيكم فيها؟؟؟

معلش يا إخوانى بتقل عليكم بس أنا عارف إنكم مش بتبخلوا بأى جديد

و ربنا يكرمكوا و يسترها معاكم و معانا

**Kareem Khattab** · 18-11-2008 04:46 PM

المفاتيح و الريموت كده مظبوطين العربيه بتيجي بدول بس
و مفاتيح الصني مش مشفره ممكن تطلع عليهم عادي

**ehabspc** · 19-11-2008 08:36 AM

متشكر أوى لحضرتك يا أستاذ كريم

انا كدة اطمنت أوى خصوصا إن ناس زملاء قاللولى أن فيه مفتاح بريموت ناقص بس كدة أنا اطمنت من كلامك

ممكن بس سؤال تانى؟؟ لو حبيت أطلع مفتاح و أركب عليه ريموت هل كدة لازم أغير السنتر و لا فى طريقة برمجة لأى ريموت عشان يشتغل مع سنتر العربية؟؟؟

يعنى هل ممكن أشترى ريموت فردانى شيك كدة من اللى يتركب عليه مفتاح و أبرمجه مع السنتر ؟؟؟

و متشكر أوى لحضراتكم

**salma2003** · 20-11-2008 08:22 AM

اسال مجرب وممكن تسال فى التوكيل

**Dr. Elsaadani** · 20-11-2008 09:02 AM

المفتاح اللى مدمج داخل الريموت خاص بجهاز الانذار الجديد اللى سيادتك لازم تشتريه

مكان المفتاح بيكون فاضى فيه وبتعمل عليه نسخة وبيتثبت داخل الريموت

انصحك لو حتعمل كده يكون داخل التوكيل ( السيارة جديدة وفى الضمان) علشان الكهرباء بتاعة العربية متضبطة على اللى فيها حاليا

مبروك

**sab3aawy** · 20-11-2008 09:58 AM

برضه للمعلومات ، المفتاح الأسود هو اللى بيفتح الشنطة، الأحمر ما بيفتحهاش، والشنطة فيها سقاطة داخلية تسمح ب او تمنع فتح الشنطة من زرار التابلوه او بالرميوت ، بس نصيحة متجربهاش غير لما تكون متأكد ان المفتاح الأسود تحديدا فى يدك برة الشنطة لأن فى الحالة دى هو الشئ الوحيد اللى هيفتح الشنطة

**ehabspc** · 20-11-2008 03:46 PM

ربنا يبارك فيك يا أستاذنا و ميحرمناش من خبرتك

على فكرة أنا كمان لسة قارى موضوع حضرتك عن الفتيس الأوتوماتيك

صراحة موضوع و لا أروع

بس معرفتش هوة فتيس الصنى سوبر صالون Cvt ؟؟؟ و لا إيه

و ربنا يكرمك يا عمدتنا