إيه سبب رفض النساء لإنها تكون زوجة تانية
عارف سبب رفض الزوجة الأولى
أنا عقدت النية بس ياريت أعرف اللي بيتزوجوا إتنين بيقنعوا الإتنين إزاي ؟
عرض للطباعة
إيه سبب رفض النساء لإنها تكون زوجة تانية
عارف سبب رفض الزوجة الأولى
أنا عقدت النية بس ياريت أعرف اللي بيتزوجوا إتنين بيقنعوا الإتنين إزاي ؟
جزاك الله خير يا أستاذ هلال ..
بس أنا زوجتي راحت بإختيارها لبيت أهلها وطلبت الطلاق بدون سبب
وقلتلها هيوصلك الرد إن شاء الله وكلمتها بعد كدا مطلبتش الطلاق تاني
مش هطلقها ومش هظلمها بس أنا عندي رغبة شديدة في الزواج التاني
فمش عايز أظلم نفسي وأعيش في ندم بقيت عمري
ربنا سبحانه وتعال قال " ﴿َأَصْلِحُوا ذَاتَ بَيْنِكُمْ﴾.
بتنقية نفوسكم من النقائص، من الأدران، من الأمراض، هذه الأمراض هي التي تعذِّب صاحبها يوم القيامه
حاول تبحث عن المشكله مع زوجتك وإن شاء الله ستجد لها حل
بدون أن أسألك ما هى المشكله ولكن إبحث أنت عن حل فإن لم يكن لديك حل إجلس مع أحد الشيوخ وإشرخ له الوضع
وإن شاء الله ستجد حلاً
وخصوصاً إذا كان لك أولاد من زوجتك لازم تدور على حل
سؤال واحد لى هل عندك أولاد من زوجنك ؟ كم عمرهم ؟
اسمح لي
لازم نتنازل أحيانا لكي تستمر الحياة
كلنا في بداية زواجنا فابلتنا مشاكل وسمعنا كلمات الطلاق كثيرا
ولكن دائما يتدخل أصحاب الحكمة لاصلاح الامور ، وتستمر الحياة
وانا لا أعتقد أنك ستكون سعيدا عندما ترى بنتك يربيها شخص غيرك
ربنا يصلح أحوالنا وأحوالك
طبعا الزواج الثاني مشروع ومن حقك ولا يستطيع أحد أن يلومك
ولكن أسرتك الحالية أولى بالرعاية
تحياتي
مش فاهم يعني ايه تتجوز واحدة تانية ؟؟ اي نعم الدين محلل الكلام ده بس ده كان يطبق ايام الرسول مش اليومين دول
حافظ على بيتك احسنلك وخلي بالك من كلام الناس
توكل على الله تعش وتنتعش
الناس زمان كانت متربية وعندها مبادئ .. كانت البنت الى تترمل او تتطلق بدرى اهلها ميسيبوهاش وﻻ يهدالهم بال إﻻ لما يجوزوها تانى..احنا فى ازمة اخﻻقية كبيرة لها ثﻻثة محاور اولها ان ماعادش اﻷقارب بيفكروا زى اهل زمان بسيبوا الوحيدة على حالها ويتلهوا فى حالهم وينسوا لحمهم..إﻻ من رحم ربى والتانى ان العفيفات مسجونات بعفتهن و غالبا ما يصيب النساء الغيرة منهن فيحجمن عن ذكر سيرتهن فتكون النتيجة ان الطاهرة العفيفة تظل تغدو وتروح سنوات دون ان يشعر بها احد فهى ﻻ تبدى اى زينة و ﻻتجيد لفت اﻷنظار..وهذا صب فى اتجاة فتنة كبيرة اصابت الأخريات من تحت قاعدة انتى لو مدردحتيش مش هتﻻقى حد يبصلك..فبتكون نتيجتها المؤلمة ان من ازالت برقع الحياء وتعالت صحكاتها ورفعت التكليف مع اﻵخرين وتقربت لعريس صاحبتها ..صاحبة فرصة كبيرة للإستقرار..اعلم ان الله هو العدل وﻻ يترك احدا ..ولكننا مقصرون فى عدم تذكية من نعرف من الصالحات لمن نعرف من الصالحين كما اننا مقصرون فى استهجان السعى للزواج الثانى وما فعل صاحب السعى الا التسنن واﻹقتداء بالحبيب والسلف الصالح.. لقد اصبح مبدأ التعدد اﻵن غريبا مع ان فية حلول الكثير من المشكﻻت فالمرأة تحتاج فى حياتها لرجل ينصحها ويشعرها بقيمتها وخصوصا حين تمارس اموموتها وما فيها من تعب لذيذ يؤنسها ويستوعب طاقات الرحمة الفطرية لديها .. التعدد لة رجالة بمعنى انة يعتمد بصورة اساسية على شخصية الرجل والتزامة وعلى تدين زوجتية ويتطلب طول البال وتوسعة الصدرو إقتداء بسيرة النبى والراشدون من بعدة مع زوجاتهم..إذا نجحت فى اقناع الزوجة الأولى ان تلك ارادة الله فى أرضة وهذة سنتة فى خلقة فإذا نجحت فى انتزاع موافقتها على الأمر مع الإحتفاظ بها فاقدم علية و إذا لم تنجح فاعد التفكير فى الموضوع من اولة وصلى استخارات بنية الهداية للرأى السليم
حاول ترضيها و كلنا بنتنازل علشان خاطر الدنيا تمشى.
الواحد لو هيفكر فى الجواز التانى بعد كل مشكله يبقى كلنا هنتجوز تانى مع ان انا بقى ليا تفكير تانى و هو ان فكرة الزواج غير قابلة للتكرار نظرا" لما اصبح عليه الزواج الآن.
الزواج الثانى مشروع ولكن فى رايي يجب ان يكون له سبب .
ان زوجتك لا تنجب مثلا - بها امراض عضوية - لا تقم برعايتك - لا تلبى رغباتك - كثرية المشاكل ولا تسعد معها .
اما ان تتزوج بغير سبب فمتهيالى ده بيبقى ظلم لنفسك قبل زوجاتك .
وخد بالك ان فى الزواج باكثر من واحده تشترط الله تعالى العدل ولا فواحدة .
أخويا اتجوز التانية وفضل مخبي على الكل لمدة سنة (هو عايش برة)، وبعد ما أولاده من الأولى خلصوا امتحانات أعلن للكل الخبر. #أخويا_بطل :)
الرجل يعيش فى الخبر بالسعودية و واضح تأثره بما يراه
الثقافة هناك هى تعدد الزوجات و ده شيىء عادى جدا عندهم و يمكن الزوجة بتخطب الثانية لزوجها
الثقافة عندنا مختلفة فلا أنصحك إذا كانت زوجتك الأولى مصرية
باختصار شديد لو انت عندك المقومات الشرعيه من ماكل ومشرب وعدل وقوه بدنيه ان حضرتك تتجوز تانى انا هاقول لحضرتك باقيلك 3 وتوكل على الله
والافضل طبعا ان حضرتك تكون حريص على تطبيق الشرع على نفسك الاول يعنى مثلا زوجتك الاولى تكون بتعاملها زى ما سيد الخلق كان بيعامل زوجاته من موده ورحمه ولين
وصعب جدا انك تعدل ومع ذلك لم يحرم الله التعدد ولكن له ضوابطه الشرعيه التى اقرها الله ورسوله
وفى الاول والاخر انت اكتر واحد فى الدنيا
تعرف اسباب طلبك للزوجه التانيه سواء كانت اسباب عاطفيه او نفسيه اوجسمانيه
وعلى فكره زوجتك شرعا مالهاش انها ترفض لان التعدد سنه وان كان لها حرية الاختيار واتمنى الا نكون كبنى اسرئيل عندما قال فيهم الله عز وجل اتؤمنون ببعض الكتاب وتكفرون ببعض وربنا يوفقك فيما يحبه ويرضاه
معلش اعذرني بس ده عشم ابليس في الجنه و خصوصا في حالتك
منهم لله بقى اللى شوهوا الدين وخلوا المراه عباره عن حتته لحمه مش اكتر واحده ماشى اتنين ميضرش تلاته لو عاوز أربعه يبقى زياده الخير خيريين
الواضح انه مبقاش فى حاجه لها قيمه حتى المرأه وبنرجع نقول على نفسنا مسلسمن
الدين ده حصل له تشويه اكتر من اى دين تانى
لو كل واحد عامل مراته على أنها اخته حاجات كتير قوى هتتغير للاحسن فى كل البيوت
الناس تبطل فتى باه..لا الدين ولا القانون يمنع انه يتجوز تانى ثم انه مسألناش عن رأينا في الجواز الثانى ولا عارفين الدافع له..هو بيسأل عن الطريقه اللى يوصل بيها فقط
ومنهم لله اللى عاوزين يفصلوا الدين على مقاسهم ..اللى ميعجبهمش يقولوا ده مش من الدين او كان زمان !
هوا الجواز التاني بقى كخة و ظلم للمرأة الاولى ولا ايه ... الشرط في الجواز العدل و مش المقصود العدل في المشاعر العدل في الانفاق فان استطاع فلا حرج ... ايه القصة مش فاهم الدين لكل زمان و مكان بس احنا اللي بنقاوح
﴿وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ، وَآتُواْ النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا﴾
ولو اني مختلف معك في افكارك
لكن اؤيد بشده الزواج الثاني
بعيد ا عن كلام مجلس المراءه القومي
وشله العوانس اللي مغرقين اﻻعلام
وبيعارضو الزواج باكثر من واحده
وماعندهمش مانع من علاقات سريه للرجل
بس بشرط عدم الزواج الشرعي
بل بيطالبو بقانون لمنع التعدد
التعدد من التشريع مش جريمه
اي راجل اجدع راجل
لو ست ملعب اشتغلته هايقع في لحظه
طب ليه
طالما الشرع اباح والماده واﻻمكانيات تساعد
نحرم شرع ربنا ليه
في مقوله سمعتها
مسكين الرجل صاحب الزوجه الواحده
ان مرضت مرض معها ان حاضت حاض معها ان نفست نفس معها
لا جدال في ان التعدد مشروع
و توجد صور ناجحة له خارج مصر
اما في مصر فقلما نجد صورة تعدد ناجحة
اما زوجة ثانية في الخفاء
او زوجة كالمعلقة و اخرى تعيش مع الزوج
ثم ينتهي الامر بطلاق احداهما
و غالبا تتوقع الجديدة او من بقيت... قيام الزوج بالتعدد عليها...فيحدث ما يحدث
تتجلى المشكلة في مصر في ان نمط الحياة فيها لا يتسع للزواج اصلا
هو حضرتك فاكر انك لما تتزوج التاني هترتاح من قرف الاولي - لا والله دا انتا هتشيل همين فوق بعض ويمكن هم تالت - الثانية للضروروة فقط يعني الاولي مش مكفياك لسبب فيها ومتقولش الفتنة واني اخاف الا اقيم حدود الله
دي حاجات بشروط قاسية اولها العدل
"وان خفتم الا تعدلو فواحدة"
فكر كويس ومتمشيش ورا شيطانك الرجيم واستخير كتير جدا قبل الخطوة دي - الزواج من ثانية في هذه الزمن كالقابض علي الجمر
اما بقي عاوز تقنعهما اواي فده اصعب شئ لكن الصراحة مهمة جدا او انك بقي تخبي علي الاولي لغاية مالفاس تقع في الراس وتخلف من التانية مثلا وتحط الاولي امام المر الواقع عليها او انك تخبي علي الاتنين وتعيشلك سنة سعيدة وبعد كده هيعرفو وتعيش اسوأ ايام حياتك
انا كنت فاكر ان رفض التعدد خاص بالست المصرية بس طلع الراجل المصري كمان
شوف الستات لو قلت لهم ماشي مع واحده في الحرام هيقولولك نزوة و تغدي وان الله غفور رحيم اما بقى لو قلت هتجوز تاني ساعتها هتكون ابو جهل اللعصر ولانك مستحيل مستحيل ((في نظرهم يعني )) ان تعدل فانك مصيرك النار خالدا فيها مخلدا ابد الابدين ولعنة الله عليك وعلى اللي يفكر يتعاطف معاك
الجديد بقى اللي انا عرفته من الموضوع بتاع حضرتك ان الرجاله بردو لها نفس تفكير الستات هههههههههههههههههههه
أنا لو من البداية تزوجت عن حب مكنتش فكرت في الزواج التاني
شخصيًا كنت رافض تمامًا فكرة الزواج الثاني لإني عارف مشاكله
ولكن أنا عندي بنت عندها 9 شهور ودي اللي ربطاني بزوجتي الأولى
فأنا أمام خيارين ... إما إني أطلقها لإني مش عارف أبقى كويس معاها ومش مرتاح
أو أتزوج وأبقى كويس معاها وبنتنا تتربى وسطنا ووقتها هيكون عندي قدرة إني أحتملها
وموضوعي مش عن الزوجة الأولى تحديدًا .. و زوجتي مش مصرية على فكرة
أنا مايل ميل شديد لوحدة وبفكر أتزوجها ولكن مش قادر أوصل لأي رد منها
ومن خلال قرائتي لشخصيتها فهمت إنها مش هتقبل تكون زوجة تانية
أو مش عارف بصراحة إيه فكرتها عن الموضوع
المهم إني لمحت وصرحت وهيا زي الصندوق المغلق مفيش أي رد واضح وصريح منها
متجاهلة تمامًا رغم إني متأكد إنها فاهماني ..
و مش عارف أكلمها بشكل مباشر ومش قادر أخد كلامها العام على إنها رفض ليا أنا شخصيًا
أو يمكن محتاج أتكلم معاها وأفهمها وبعدين تبقى ترفض براحتها بس بعد مانتكلم
فأنا مش عارف طريقة إقناع المرأة .. وخصوصًا لو رافضة المبدأ دا ..
لكن لو هيا إقتنعت .. زوجتي أمرها أسهل .. يعني أكيد هتزعل بس هيا من حقها تعرف لإن وضعي اللي تزوجتها عليه ( هيتغير )
ولكن مش من حقها تعترض ولا من حقها ترفض ولا من حقها تقول رأيها حتى هيا من حقها تعرف وبس
بغض النظر عن سؤالك وطريقه حياتك
وتفسير البعض للدين من القبول او الرفض شرعا
الا ان السبب الاهم والاكبر فى رفض النساء الزوجه التانيه
1 - المسلسلات المصريه
2- نظره الاقارب للزوجه الاولى على انها معيبه
اجتماعيا فى مصر الزواج الثانى نادر جدا جدا جدا جدا و بالتالى الست المصرية ترفضه
الغيرة موجودة فى كل النساء لكنها زيادة عند المصريات و المجتمع و العرف و الظروف الاقتصادية و جهل الزوج بالدين فى صفها
يعنى اشترط العدل بين الزوجات
ما تفاصيل كلمة العدل بين الزوجات؟
الرجل فى الغالب لا يعرف هذه التفاصيل فيظلم نفسه او يظلمها
بسمع دايما مقولة بتقول لو متجوز واحدة هتتخانق معاك لو متجوز اتنين هيتخانقوا عليك وتعيش ملك زمانك
( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا )
سؤال معلش عشان انا عندى رأى بس قلت اسأل الاول
هوا مين اليتامى اللى فى اول الاية الكريمة و ايه علاقتهم ببقية الاية؟
شوف بالنسبة للتانية فهي موافقة والا مكنتش اتكلمت مع راجل متزوج وبيعرض لها بالزواج دول زي السهم هتقولك متجوزش علي ضرة وصرف امورك فهي حاساك واقع
اما الاولي فبما انها ليست مصرية فدي بقي وضعها اسهل مما لو كانت مصرية بحكم اختلاف الثقافات بينك وبينها ودي اقناعها الصراحة
قلها انا فكرت وعاوز اتجوز عليكي تنصحيني بايه لو بدات من حيث انتهيت انت معناها انها مش عاوزه تتغير ومش فارقه معاها
اما اذا قالت ليه وازاي وفكرت امتي ومين دي وانا مصيري ايه ومصير بنتك ايه فمعناها انها ممكن تتغير لانها حست بالخطر
فاصبر عليها وساعدها ع التغير وشيل موضوع الزوجة التانية من دماغك
وشروط التعدد مش قاسية ولا حاجة
العدل بس و مش مطلوب قدرات مادية معينة
أي سكن وأي دخل المهم يكون بيعدل بينهم
مش مطلوب من المعدد إلا العدل
يعني الموجود يتوزع بحسب إحتياج كل وحدة
والمبيت
يعني الزوجة مش هيتغير في حياتها أي حاجة ولا هتحس بأي فرق
مجرد عدد أيام تواجد الزوج في البيت هتبقى يوم ويوم بدل يوميًا
أنا مش فاهم خاربين الدنيا ليه على موضوع التعدد
أنا متزوج من حوالي 4 سنين وشوية مش لسه في بداية حياتنا
ومش هسمحلها تاخد بنتي لو الأمور وصلت للطلاق و هيا تزوجت هاخدها طبعًا مش هسمح لحد غريب يربيها
وأنا مش مهمل في أسرتي .. بيتها مفتوح في أي وقت تيجي أنا ماقلتلهاش تمشي
هيا قالت كلمة قدام والدي وأنا ماتكلمتش معاها بخصوصها خالص بس لما رجعنا لقيت نفسي منفعل فقلتلها مسافر شغل
وأنا مكنتش مسافر كنت هنام في أوتيل لإني مكنتش عايز أتخانق معاها
فهيا قالتلي طيب أنا مش هقعد لوحدي عايزة أروح بيت أهلي
قلتلها طيب ووصلتها للمطار وتأكدت إن أهلها في إنتظارها وتأكدت إنها وصلت
وبكلمهم وببعتلهم مصاريف عادي ومحلصش بينا أي مشكلة
بس ماقلتلهاش تعالي فهيا قالتلي إنها عايزة تتطلق عشان أروحلها وأجيبها
بس أنا مش هجيبها
هيا راحت بنفسها عايزة تيجي بيتها مفتوح .. مش عايزة براحتها هيا حرة ..
عن نفسي قلبي إتغير من ناحيتها ومش مهتم أوي برجوعها
و في فترة غيابها أنا تأقلمت على العيشة لوحدي