ما هى متوسط تكاليف اعمال تكسير البلاط والسيراميك القديم؟

**hunted22** · 12-08-2015 09:45 AM

السلام عليكم ورحمة الله

إذا سمحتم انا بصدد عمل ترميمات بشقة صغيرة (مكتب بالدور الأول <مفيش ارضى>) وهى سيراميك بالمطبخ والحمام وباقى الشقة بلاط عادى.
انا عايز اكسر السيراميك والبلاط ومواسير المياة وانزلهم بمدخل العمارة واجيب عربية تتخلص منهم. هل حد اتعامل فى موضوع زى كده ويعرف تكاليف التكسير والتنزيل فى حدود كام؟ علما بإن مساحات السيراميك والبلاط بوجه عام فى الشقة فى حدود 85متر صافى تقريبا، (45 ارضيات و40 حوائط). وان الشقة مكونة من مدخل صغير (زى طرقة او استقبال صغير) وحجرة وحمام ومطبخ (فى حجرة داخلية كمان لكن هاسيبها زى ما هيا)

جزاكم الله خيرا

**amr011111** · 12-08-2015 09:47 AM

المنطقه فين

**أبو_يوسف** · 12-08-2015 03:16 PM

ماتفكر تستخدم ايبوكسي الأرضيات على البلاط مباشرة بدل ماتكسر وتركب..
بس معرفش أسعاره ايه

**hunted22** · 12-08-2015 03:52 PM

المكتب ده فى اسكندرية. انا عارف طبعا ان الأسعار هتختلف عن القاهرة واى محافظة تانية بس انا عايز اعرف المتوسط لأنى مش عارف اى حاجة عن تكاليف الموضوع ده. ولو فى حد من اسكندريه عنده معلومة ياريت
بالنسبة للإيبوكسى كنت بحثت فى الموضوع ده وأنصح الناس بتجنبه لأن فى مركبات بتستخدم فيه بتسبب السرطان (بعض المصلبات الأمينية) وهو ليه اضرار تانية، وفى مصر معندناش اى معايير جودة او جهة موثوق منها تأكدلك عدم اضرار المنتج بالصحة

**amr011111** · 12-08-2015 04:45 PM

هوه فى القاهره نقلة العربيه بـ 150 جنيه فممكن الموضوع عندك يحتاج عربيتين فهتدفع للعربيتين 300 جنيه
بالنسبه للتكسير فتكسير بلاط الارضيه سهل جدا وهيكر بعضه فتكسير كل البلاط وسيراميك الحوائط هيبقى فى حدود 400 جنيه والتنزيل قول 300 جنيه
طبعا الكلام ده ممكن يتعمل باقل من كده بس هى ديه الاسعار اللى تعتبر مرضيه ليهم علشان يشتغلوا
وممكن لو المنطقه شعبيه يبقى اقل من كده

**wallace** · 12-08-2015 06:14 PM

المشاركة الأصلية كتبت بواسطة amr011111

هوه فى القاهره نقلة العربيه بـ 150 جنيه فممكن الموضوع عندك يحتاج عربيتين فهتدفع للعربيتين 300 جنيه
بالنسبه للتكسير فتكسير بلاط الارضيه سهل جدا وهيكر بعضه فتكسير كل البلاط وسيراميك الحوائط هيبقى فى حدود 400 جنيه والتنزيل قول 300 جنيه
طبعا الكلام ده ممكن يتعمل باقل من كده بس هى ديه الاسعار اللى تعتبر مرضيه ليهم علشان يشتغلوا
وممكن لو المنطقه شعبيه يبقى اقل من كده

أظن أكتر لأن الأرضية سهلة مقولناش حاجة واي حد يعملها لكن الحوائط صعبة عشان عايزة نحات يجيب البلاط والمحارة ويسلم الشغل علي الطوب لسهولة عمل سيراميك اخر بعد كدا وطبعاً دي حاجة متعبة ومقرفة شوية فأظن هتكلف مبلغ أكبر ممكن كلوا في حدود 800 وبالنقل 1000

**hunted22** · 13-08-2015 02:11 PM

شكرا يارجالة
بس كان ليا سؤال. بالنسبة للتحميل على العربية(يعنى من مدخل العمارة لفوق العربية). هل بيبقى تبع النحات ولا تبع العربية ولا بجيب انا ناس تحمل وحسابها برا التكاليف دى؟