رجالة مساء الفل المفروض ان فكرة المنتدى مبنية على اننا بنساعد بعض وكل واحد فينا عنده معلومة او خبرة فى جزئية معينة او لو حتى مر بتجربها بيوصلها وبينقلها للجميع عشان الاستفادة والمفروض كل واحد عنده معلومة ميبخلشى بيها على غيره عشان ممكن يكون سبب انه يلحقه من مشكلة او ورطة كبيرة ممكن تحصله ويساعده فى حل مشكلتة
والاهم انه يلحقه من الوقع فى دائرة نصب وغش وجهل الصنيعية لانهم بيعملوا غسيل مخ لناس كتير قوى وفى ناس بتسلم نفسها تماما للصنيعية وبتضيع نفسها وبتضيع عربيتها وفلوسها
هذا كان عتاب منى ليس اكثر مش بهاجم حد انا بس عاوز نساعد بعض وننقل خبراتنا لبعض واسف لو طولت
واتمنى التوفيق لقسم الاوبل اللى انا منتمى ليه
انا بقى عند استفسارين واتمنى حد يساعدنى فيهم
انا عربيتى استرا موديل 2000 ماتور 1200 cc
. اول حاجة اليومين دول بدأت الاحظ ان الباور تقل شوية مش عارف بقى الزيت ولا الطرمبة فيها حاجة عاوز اعرف اعمل ايه بالضبط
. الحاجة التانية الغيار الاول والتانى بس بيعضوا معايا عكس باقى الغيارات وعلى فكرة المارشدير عادى جدا مفهوش اى عضه والدبرياش عندع عالى يعنى مفيش مشكلة فى الاسطوانة فهل المشكلة فى زيت الفتيس ولا ايه بالضبط
اسف انى طولت مستنى رد الاعضاء المحترمين والناس اللى بتفهم وشكرا للجميع