الموضوع: من هو أفضل كهربائى لسيارات اللادا خصوصا 2110 ؟

مبدئيا لم اسمع من قبل ان فى كهربائى متخصص لادا اى كهربائى او ميكانيكى بيشتغل فيها
هاقولك على سر كده حطه حلقة فى ودنك
شوووف اى سواق تاكسى معاه لادا او 124 واساله حضرتك ساكن فى المنطقة؟ قالك ايوه ساكن قوله بتصلح العربية بتاعتك عند مين؟ هايقولك على الميكانيكى والكهربائى الى بيتعامل معاه

يبقى خير وبركة من ربنا لو الاثنين طلعوا من نفس المنطقة الى انت ساكن فيها .خد نمرته وروح قوله انا من طرف الاسطى فلان صاحب التاكسى
واى مشكلة تقابلك اسال سواق التاكسى عندهم خبرة ملهاش حل فى اعطال وصيانة واصلاح العربيات
وابقى قولى عملت ايه

زى ماقالك اخى jotime شوف اى حد معاه نفس عربيتك او عربية قديمة واسأله

كمان يريت تقولنا ايه المشكلة عندك لو نقدر نساعدك ونستفاد

المشاركة الأصلية كتبت بواسطة jotime

مبدئيا لم اسمع من قبل ان فى كهربائى متخصص لادا اى كهربائى او ميكانيكى بيشتغل فيها
هاقولك على سر كده حطه حلقة فى ودنك
شوووف اى سواق تاكسى معاه لادا او 124 واساله حضرتك ساكن فى المنطقة؟ قالك ايوه ساكن قوله بتصلح العربية بتاعتك عند مين؟ هايقولك على الميكانيكى والكهربائى الى بيتعامل معاه

يبقى خير وبركة من ربنا لو الاثنين طلعوا من نفس المنطقة الى انت ساكن فيها .خد نمرته وروح قوله انا من طرف الاسطى فلان صاحب التاكسى
واى مشكلة تقابلك اسال سواق التاكسى عندهم خبرة ملهاش حل فى اعطال وصيانة واصلاح العربيات
وابقى قولى عملت ايه

شكرا أخى jotime لردك الكريم
ولكن المشكله ان قله عدد السيارات فى هذا الموديل وكثرة الحساسات فيه تجعل كثيراً من الصنيعيه - اللى عندهم ضمير طبعاً - يتهربون من العمل فى هذه السياره لذلك احتاج إلى كهربائى يكون تعامل مع هذا النوع من السيارات ويكون أمين

المشاركة الأصلية كتبت بواسطة new_man2010

زى ماقالك اخى jotime شوف اى حد معاه نفس عربيتك او عربية قديمة واسأله

كمان يريت تقولنا ايه المشكلة عندك لو نقدر نساعدك ونستفاد

شكرا اخى new_man2010 على ردك الكريم اما ما احتاجه هو تقوية نور السياره العالى والواطى وتركيب لمبات شبوره
دون لعب فى ضفيرة السيارة

عندك حق فى كلامك
وزى ماقوتلك شوف اى سواق تاكسى واساله
وحكاية تعليه النور وما الى ذلك الموضوع سهل اى كهرباى يعمله بدون لعب فى الضفيرة ومش هانروح بعيد اساله الاول هاتعمل ايه عشان احسب حسبتى ووادبر حالى وهل يكون فى شغل فى الضفيرة ولا لا؟
وخد معاك صديق يكون فاهم وعنده خلفية وابقى قولى عملت ايه
ربنا معاك

انا معايا لادا 2105 ومكنش تقريبا عندى نوووووووووووور !!

المهم عملت الاتى:

اشتريت كشافين بـ 260 جنيه

لمبتين المانى 260 بـ 90 جنيه

2 لمض اشارات و 2 للنور الواطى اللى بينور مع التابلوه بـ 10 جنيه

كهربائى نضيف ركبلى الحاجات دى كلها وظبطلى النور واخد مصنعيه 30 جنيه

النتيحة الضلمه بقت نهار والحمد لله