الموضوع: مخالغة فاميه و لوحات غير مطابقة

الواسطة دايما ربنا والحمدلله
انا الحمدلله شغال في جهاز مهم تابع لرئاسة الوزراء و طول عمري ماشي بالعربية كدة من يوم ما جبتها وما كنتش باقف في لجنة ولا كمين و لو وقفت باطلعله الكارنيه و الامور بتمشي زي ما بتمشي حاجات كتير في البلد وانا عارف انها غلط بس نعمل ايه بقي كله بيقول يالا نفسي و انا مقتنع تماما مليون في المية انه غلط
اليوم المنحوس ده كان واحد سالف مني العربية وانا اديتهاله بحسن نية ونسيت تماما انه ما ينفعش حد يمشي بيها غيري وانا اساسا عامل حساب كدة من زمان
اتسحبت منه بقي الرخصة في كمين في بلد جنبنا هنا من واحد بشهادة اللى شغالين في الداخلية انه أو** واحد في الداخلية كلها مش بس المرور , لانه بيمشي اللى ليه معاه مصلحة بس اما لو واحد حتي زميله في ادارة تانية او مش هايخدمه ولا بيعبره اصلا , المهم انا جيت بقي كلمت حد ما علشان يشوفلي الموضوع و ندفع الفلوس في وقتها بدل ما تدخل نيابة و ايام رايحة و ايام جاية و بتاع فكلمت لواء جيش عندي في الشغل تقريبا رئيسي المباشر وقولتله اسم الظابط هو جاب رقمه بطريقته و كلمه من رقم برايفت وبيعرفه بنفسه و بتاع و بيحكيله علي اللى حصل رايح البيه التاني قفل السكة قال يعني الخط قطع وقفل موبايله تماما طول اليوم و لما اتفتح ما بقاش بيرد علي ارقام غريبة !!! ما تعرفش ليه الرخامة دي بس هو كدة و خلاص
المهم اللواء قاللي بزعل انت بتحرجني مع ناس قليلة الذوق و انا ما ينفعش اكلم حتي رئيسه اقوله قفل السكة في وشي وقالي مشي الموضوع ميري علشان بعد كدة تتعلم تسلف عربيتك لحد .
حاجة تانية انا مش مغير معالم النمر ولا حاجة يا باشا انا عاملها اسود و الكلام كبير و دهبي وواضح مع علي بعد جدا و من علي قرب كمان يعني مش موضوع تغيير معالم
هو تقريبا الواد صاحبي اللى استفزه او عمل حاجة خلته يقفش في موضوع النمر وان عليها نسر.

هي الفكرة إن موضوع النمر ده ملوش معنى إنه يتغير وبيبقى مستفز للناس وحُط نفسك مكان الظابط , ماظنش إنه عمل حاجة غلط معاك لانك مخالف فعلا , ان شاء الله تخلص على خير