استفسار في مطابقة البصمة في اسكندرية

**thegoodhacker** · 09-09-2010 03:06 AM

انطلب مني مطابقة البصمة من مروري القديم رحت والمهندس طابق البصمة فعلا و كتب الكلام ده ومضي وما حطش ختم .... رجعتله علشان يحط الختم قال مش محتاجة .... و كان معايا حوالي 6 اشخاص برضه عملوا مطابقة بصمة و برضه نفس الموضوع المهندس ما ختمش المطابقة .... هل كده مظبوط ولا الموظفة بتاعة المرور الجديد حتقولي لازم ختم ؟ ياريت الرد من الاسكندرانية اللي عملوا المطابقة دي قبل كده احسن انا قلقان جدا و حافضل قلقان لغاية بعد العيد .......منهم لله البعدا دول قرفوني

**husseinsalah** · 10-09-2010 10:12 AM

لازم ختم المهندس وختم ضابط المرور (رئيس الوحدة) لانك فى الاصل رايح بجواب مختوم من المرور اللى انت عاوز تنقل لية

**thegoodhacker** · 10-09-2010 12:15 PM

المشاركة الأصلية كتبت بواسطة husseinsalah

لازم ختم المهندس وختم ضابط المرور (رئيس الوحدة) لانك فى الاصل رايح بجواب مختوم من المرور اللى انت عاوز تنقل لية

لا احنا في اسكندرية مش بنروح للمرور القديم اللي عاوزين ننقل منه بجواب لا ده احنا بنروح بورقة الفحص اللي عليها البصمات اللي اتخدت في المرور الجديد .... اعتقد كده فيه اختلاف في الاجراءات بين القاهرة والاسكندرية ... و شكرا علي ردك

**ameen_ra** · 11-09-2010 01:05 AM

المشاركة الأصلية كتبت بواسطة husseinsalah

لازم ختم المهندس وختم ضابط المرور (رئيس الوحدة) لانك فى الاصل رايح بجواب مختوم من المرور اللى انت عاوز تنقل لية

مين يااستاذ اللي قال لك المعلومة دي

**husseinsalah** · 28-09-2010 12:44 AM

المشاركة الأصلية كتبت بواسطة ameen_ra

مين يااستاذ اللي قال لك المعلومة دي

اسف يا جماعة اصل حصل عندى لغبطة لانى كنت بقالى اربع ايام دايخ فى الحوار دة ياعنى هيست فى الرد

انت لما بتعمل فحص المهندس بيقلب ورقة الفحص ويكتب صيغة كدة للمرور الاصلى للعربية بطلب مطابقة بصمة وبعدين يختم على كلامة بالختم بتاعة ويقولك خالى الظابط بختم على الكلام دة بردة واطلع على المرور التابع لة العربية واعمل مطابقة بصمة وتعال لى تانى فحضرتك تروح بورقة الفحص واللى مكتوب على ضهرها الجواب لمهندس الفحص بالمرور الاصلى للعربية ويكتب رد على انة طابق البصة وانها صحيحة ويختم برضة بالختم بتاعة ويقولك برضة اختمها من الظابط وترجع تااااااانى لمهندس الفحص للمرور الجديد (ويبصلك بأرف ويقولك هات العربية افحصها تانى ويمقق عينة فى رقم الشاسية والبصمة ولسان حالة بيقول يار ب الاقى غلطة وبعد ما تجيب العربية ويفحصها يقولك طلع العربية برة وتعال لى وتطلع العربية وتجيلة تانى وتقولة خلاص طلعت العربية ممكن حضرتك تختملى الورق علشان اقدر اكمل مارسون نقل الملكية فيرجع بضهرة ورا على مسند الكرسى ويبحلقلك ويقولك هو انا فحصت عربيتك اصلا هات العربية اشوفها تانى )
والله العظيم دة اللى حصل معايا فى مرور حلوان