عرض للطباعة
اخوانى الأحباب الأفاضل السلام عليكم ورحمة الله تعالى وبركاته
الحمد لله وفقنى الله لشراء كيا كارنز 2015 هاى لاين والحمد لله السياره ممتازه
ولكن هناك بعض الاستفسارات من حضراتكم وسامحونى لو هتعبكم يعنى :shine[1]:
هل هذه السيارة بها وحدات رفع ولو الاجابه لا هل من الممكن تركيب وحدات رفع بها فى التوكيل بدون التأثير على ضفيرة الكهرباء
سؤال اخر لو سمحتم اشعر بدبه فى المطبات خصوصا فى الخلف فهل هناك حل لها ام ان هذا الأمر طبيعى مع اننى لا اراه طبيعيا ابدا
واخيرا جزاكم الله خيرا وسامحونى اتعبتكم معى
السلام عليكم ورحمة الله وبركاتة
مرحبا أخى الكريم
ألف مبروك وربنا يباركلك فيها
الهاى لاين طبعا فيها وحدات رفع
ولو مش شغالة هتلاقيك ضاغط على اللوك بتاعها (زرار فى وحدة تحكم رفع وخفض الزجاج بيمنع التحكم فى الزجاج الا من خلال السائق علشان لو فى أطفال )
وبلنسبة للخبطة فى المطبات والكسر دا طبيعى فى الكيا لأن عفشتها ناشفة
اه فيها وحده رفع تقريبا فى كل فئات تقريبا
جزاكم الله خيرا ولكن هل هذا مؤكد حيث اننى لا استطيع تشغيلها فى حال وجودها وايضا عندى لو سمحتم سؤال اخر هل بها انذار وكيف اشغل الصوت الخاص به وجزاكم الله خيرا
اين انتم يا اخوانى
يا جماعه هل اجد ردا علي سؤالى من خبراء الكيا جزاكم الله خيرا
اقتباس:
المشاركة الأصلية كتبت بواسطة nooooorelgana
وعليكم السلام عليكم ورحمة الله وبركاته
أولا مبروك عليك وربنا يعطيك خيرها ويكفيك شرها
أنا معايا موديل 2010 ومافيهاش وحدات رفع
وكنت ناوى اجيبه واركبه فى التوكيل رفضوا بحجة انه بيعمل مشاكل فى دايرة الكهرباء
مع ان أحد الأعضاء الكرام كان ركبهم فى عربيته خارج التوكيل
فى الغالب لو عربيتك فيها وحدات رفع هاتشتغل تلقائيا لما تقفل العربية بالريموت
دبدبة العربية من الخلف ممكن يكون طبيعى لأن التعليق الخلفى للموديل الجديد يختلف عن القديم وأعتقد الحل انك تقلل ضغط الكاوتش الخلفى شوية
أقترح تقرأ الموضوعين دول ممكن يفيدوك كتير
http://www.nilemotors.net/Nile/445113-a.html
http://www.nilemotors.net/Nile/383289-2014.html
شكرا يا اخى الحبيب الفاضل على ردك الطيب
انا معايا هاي لاين 2014 وكيل
مافيهاش وحدات رفع
شكرا اخى الحبيب علي الاهتمام ... سؤال آخر لو سمحتم يا اخوانى على حد علمى المتواضع انها ليس بها إنذار أيضا وفى الحقيقه انا مش مصدق هذا الأمر ولا نستوعب إطلاقا ازاى سيارة ثمنها 220 الف وليس بها وحدات رفع ولا إنذار ... ما علينا .. السؤال بقه يا أحبائي فى الله هل لو ركبنا وحدات رفع وأانذار فى هذه السياره يؤثر علي السياره وتحديدا يمثل حمل علي ضفيرة الكهرباء بها ... وان كان لا يؤثر هل ممكن تدلونى على كهربائي محترم يعمل لى الكلام ده بره التوكيل ولا يفضل اعمله داخل التوكيل ....... فى انتظار ردكم الكريم وجزاكم الله عنى خيرا
اين انتم يا اخوانى الاحبه .. برجاء الرد علي سؤالى
السلام عليكم ورحمه الله
اخى الكريم الانزار فى الكيا بيشتغل لم الباب يتفتح من غير الريموت
وبيكون صوته صوت الكلاكس بيشتغل ويفصل
مفيش مشكله من تركيب وحده رفع اشترى ماركه كويسه ومتقلقش
اخى الحبيب اشكر لك اهتمامك وردك العطر علي سؤالى ... هل من الممكن ان تدلنى علي ما هى افضل الانواع واسعارها ومن اين يمكننى شراؤها ويا سلام ان دللتنى علي كهربائى محترم لتركيبها ربنا يجعل ذلك في ميزان حسناتك
السلام عليكم ورحمه الله وبركاته
مرحبا اخى
فى نوع اسمه spy وتمنه من ٢٠٠ الى ٢٥٠ تقريبا والمصنعيه ٥٠ جنيه
وانت بتشترى اسئله هل الازار بيترفع كله مع بعض ام واحد واحد
لان لو بيرفع مع بعضه هيسبب حمل على البطاريه والضفيره
راكب عندى بيرفع واحد واما يخلص يرفع اللى جمبه وهكذا
وسامحنىً مش هقدر افيدك فى اللى هيركبهولك لان محل اقامتىً دمياط مش القاهره
وتحت امرك لو احتجت حاجه
اخى الحبيب الفاضل lancer 06 اشكرك جدا على اهتمامك وردك الطيب على سؤالى ولكن انا حاولت افتح السياره بالمفتاح وليس بالريموت ولكن لم يحدث اى شئ ولا اى صوت فهل نعمى ذلك انه ليس عندى انذار فى السياره علما بأنها هاى لاين وكيل
السلام عليكم ورحمة الله وبركتة
مرحبا أخى
عندى كارينز 2011 هاى لاين وجى فيها انزار لما بيتم قفل سنتر السيارة من خلال الريموت
وبجرب فتح الباب بالمفتاح من غير ما أضغط على الريموت بيتم تشغيل الأنزار
أشترى وحدة رفع وجهاز إنزار spy وركبهم هيقوم بنفس الوظيفة
لكن المفروض ان عربيتك مجهزة بـ إنذار ضد السرقة
نظام إيمو بليزر ضد السرقة
سيدي العزيز انا معايا نفس عربي تك هاي لاين بس ٢٠١٤
لو تم فتح الباب عن طريق المفتاح او الريموت الإنذار مش حايشتغل
لو عاوز تجرب الإنذار شغال ولا لاه سيب الزجاج مفتوح وإقفال بالري موت او المفتاح
وبعد خمس دقائق مد ايدك وافتح الباب من جوه
حلاقيم الإنذار اشتغل
وممكن تطفي العربيه وانت قاعد فيها وتعمل نفس التجربة حتلاقي الانذار اشتغل
أتمني اكون عرفت افيدك
وشكرا
اقتباس:
المشاركة الأصلية كتبت بواسطة hhendmos
معقولة دى؟
يبقى الانذار مالوش فايدة خالص
لاحظ انه فتح العربية بالمفتاح والانذار ما اشتغلش
يعنى ممكن اللص يفتح الباب بمفتاح مصطنع
أو يكسر الزجاج ويمد ايده ويعمل unlock للقفل وبعدين يفتح الباب من الأكرة الخارجية من غير ما يحس بيه جهاز الانذار ؟؟
مفروض الانذار يشتغل لو باب اتفتح بأى وسيلة بخلاف الريموت
يا ريت الأخ صاحب الموضوع يجرب ويفيدنا
السلام عليكم ورحمه اللهاقتباس:
المشاركة الأصلية كتبت بواسطة khaled_nowaihy
مرحبا اخى الكريم
اى عربيه ممكن تتفتح ابسطها بكسر الزجاج وبعدها هما ممكن الفاعل يلغى الانزار بكل بساطه
الانذار دا ما هو الا تحذير
لكن الفكره ان العربيه مش هتدور لا بمفتاح اخر ولا عن طريق الدفيره
لان الشفره اللى فى المفتاح مش موجوده
أتفق مع حضرتك تماما
فعلا الايموبيليزر هو صمام الامان للحماية من الاستيلاء على السيارة
النقطة اللى عاوز التأكد منها هى ان الانذار لا يعمل لو الباب اتفتح بالمفتاح
دى نقطة ضعف كبيرة لو صح
انا عندى مركب spy بيعمل انذار لو الباب لم يتم فتحه بالريموت