استفسار عن لوجان 2016 .. لا تبخلو بالرد--اسألة بسيطة عموما

**Hany Saad** · 18-08-2015 11:05 AM

المشاركة الأصلية كتبت بواسطة hesham fawzy h

دبرياج بيفصل عالى و لازم تاخد بالك علشان متكولش طقم دبرياج بدرى

يعنى اية بيفصل عالى ؟؟

كعادة أغلب السيارات و خصوصاً الأسيوى، أول ما تبتدى تشيل رجلك من على الدبرياج حاجة بسيطة بيكون رجع التعشيق لمكانه و باقى مشوار البدال ملهوش لازمه و فيه ناس بتريح رجليها على الدبرياج و البدال فوق دون تأثير
فى اللوجان، البدال محتاج يرجع مشواره كله علشان تمام التعشيق، فلو فضلت مريح رجلك سنه على البدال و انت سايق (زى ما كنت متعود) الأسطوانة بتحلق بدرى بدرى

تحياتى

**Hegazio** · 18-08-2015 02:59 PM

المشاركة الأصلية كتبت بواسطة hegazio

حبيبي يابو هاني..تمام كده
السؤالين الجامدين بقي:
* حد معاه او جرب الاوتو و المانيوال الشكل الجديد..عشان يقول هل فرق الاداء لصالح الاوتو ملحوظ ولا ﻷ؟
هل كفاءة تبريد الاوتو ملحوظ انها افضل من المانيوال ولا ﻷ؟

و اخيرا..بعد استبعاد ال ميتسوبيشي اتراج..فكرت في السوزوكي سويفت ديزاير سيدان ؟؟

فين بقي اجابة السؤال ؟

**Hany Saad** · 18-08-2015 04:19 PM

المشاركة الأصلية كتبت بواسطة hegazio

فين بقي اجابة السؤال ؟

أنا معنديش المعلومة الأكيدة و يا ريت اللى جرب الأتنين فى نفس الظروف يقولنا
على العموم أنا بعد أسبوع كده ممكن أعمل الأختبار ده علشان عربية مراتى مانيوال و تكييف بكر و فيه زميلى فى الشغل معاه أتوماتيك هاى لاين و تكييف اتوماتيك

بالنسبة لموضوع السويفت، أنا برده معنديش معلومات كافية عنها و لكنها شحيحة فى السوق فطبعاً هتتعبك قطع غيار و إعادة بيع بمقايس السوق المصرى

مش عايز أقولك اللوجان ماسكة سعر إزاى فى إعادة البيع ;)

تحياتى

**Hany Saad** · 21-08-2015 09:37 PM

المشاركة الأصلية كتبت بواسطة ehabhusseini

شكرا لكل المشاركات الجميلة لكل من شارك
انا ناوى احجزها من التوكيل فى يناير القادم باذن الله لما اجمع القرشين
هل فى احتمالية ان سعرها يرفع ؟؟؟؟؟وهب التوكيل رخم فى التسليم من حيث المدة واللون وخﻻفة

فى احتمالية ان السعر يرفع لو الدولار رفع و ده شىء وارد لكن محدش يقدر يجزم
التوكيل الى حد كبير ملتزم بميعاد التسليم و بيسلمك اللون اللى انت عايزه، انا حجزت فى اواخر مايو تقريباً و استلمت فى نصف اغسطس....يعنى مدة الحجز ٢-٣ شهور و خلال المدة لو ظهرلوا عربية لون تانى بيكلمك يمكن تغير رأيك بخصوص اللون اللى انت عايزه مقابل انك تستلم بدرى

تحياتى