,المفروض بدل ما ندور على كرامتنا بره البلد،ندور عليها هنا الاول داخل البلد
عرض للطباعة
,المفروض بدل ما ندور على كرامتنا بره البلد،ندور عليها هنا الاول داخل البلد
والله احنا بنحب الكلام عن الحق نفسه
شعب بتاع كلام وبس
يا اخي الفاضل هل انت قرأت المشاركات السابقة كلها
اشك
لأن انا وضعب عدة احكام حدثت في السعودية وكان هناك حكم بــ 2500 جلده للشباب بتوع فتاة الطائف
وشاب جلد 50 جلده لأنه لم يسمع كلام والده وغيره وغيره
وهما سعوديين مش مصريين
وياريت تقرا المشاركات جويس لأن ده ليس كلامي وانما كلام منقول
بدل ما انت حضرتك تتهم بدون علم كامل بما كتبته
ركز في المشاركات واقرأها قبل ان ترد على احد
لأنه ليس سباق في الرد او تنفيس لشئ في النفس
مش عارف الاخوة اللي انبروا يدافعو عن السعودية و السعوديين بكل استماتة عايزيين يوصلونا لإيه بالظبط .
أنا مريت من السعودية مرة أثناء سفري بر تصوروا بس مرور و تخيلوا قلة الأدب في التفتيش الأخ السعودي اللي فتش شنطتي فتشها ب ( رجله ) حط رجله و بيقلب في الحاجات اللي معايا و طبعا انا واقف هفرقع منه و مش قادر اتكلم و الا مش هخلص . و لما خلص اعطاني ورقة و قال لي يلا ( يالمصري )و كأنها شتمة تقدر تمشي فسألته أخرج ازاي من المكان فقال لي اديني الورقة اللي اعطيتها لك و بالفعل اعطتها له مرة تانية . قال لي علشان تبقى صاحي و متسألش سؤال زي ده تاني ( كأني أذنبت ) مثلا خليك قاعد لما أسامحك و اعطيك اورقة و بالفعل اعطاها لي تاني بعد حوالي نصف ساعة . تصوروا موظف حقير أنا مرضيش انه يشتغل عندي بيقول لي كده .
و أثناء رجوعي نفس الشئ كنت آخر واحد طالع من منفذ الأردن و دخلت السعودية و قال لي الموظف ( أبو دم خفيف ) انتظر لما يجيبوا الكلاب البوليسية علشان يفتشوك قلت له كل العربيات اتفتشت من غير كلاب قال لي ( كيفي ) و فضل مقعدني تقريبا 4 ساعات و لا كلاب جت و لا يحزنون و طلع هوه الكلب الوحيد اللي فتشني .
و السؤال المتكرر الآن عن الدولة اللي بتطبق شرع الله . هل طبقوا الشرع ده في قضية الممرضات . و لا علشان أسيادهم كانوا هيوروهم العين الحمرا لو كانوا عملوها .
يكفي ان جيرانهم الخليجيين بيقولوا عنهم قولة مشهورة ( أطهر أرض و أنجس شعب ).
و في أي شرع 1500 جلدة ؟؟؟
و اللي بيشكك في ان الأمراء لهم سطوة و يقدروا يغيروا أحكام القضاء السعودي الشرعي ( النزيه ) بالتليفون عارفين هناك يعني ايه أمير و يا ريت ميغالطوش نفسهم .
الله يسامحك يا اخي على هذا الأسلوب الراقي
افتر ان حضرتك اتهمتني باني ظالم وبفتري على الناس
وشككت في نيتي في التقرب لله
وللأسف انا ولائي للحق وليس عصبية وهمجيه ما انزل الله بما من سلطان
من لا يعلم هؤلاء الذين حكموا ومقدارهم العلمي
فله الحق انه يفتي بحق
للأسف بلدنا خلتنا نعتقد ان كل شئ فيه فلوس وان كل شئ ممكن يتباع
وللأسف هذا لا يحدث في القضاء السعودي لأن القضاه هم علماء شرعيين نجل لهم كل الاحترام والتقدير فوق اي احد
وهذا ولائي وان كان مش عاجب احد فيخبط دماغه في الحيطه لأني ماليش دعوه به
فانا مضربتش حد على ايده علشان يقتنع
وانما زي ما حضرتك شايف ان لك الحق انك ترد على كلامي وان كلامي طالم
فانا ارد على كلام اراه طالم من اوله لأخره على علماء من الواجب على كل مسلم يتبع شرع الله ان يظن فيهم الظن الحسن وان كان يشك هو في نفسه لأنهم ورثة الأنبياء
وهذا مما نتعبد به لله
بلا قرف الواحد قرف من الهمجيه والحميه
اخواني اتركوها فأنها منتنه والله
أنا عندي طلب لكل الإخوان اللي بيشجعو السعودية و بيعتبروها دولة الإسلام ..
يبقى فيه موضوع خاص بمشجعي آل سعود و عزبتهم و يكون في مواجهتهم الناس اللي عاشت في السعودية وشافت بعينها الإسلام السعودي ..
وساعتها نقدر نشوف رأي معظم الناس اللي سافرت السعودية .. ويا سلام لو اتعملت احصائية فيما يخص هيئة الأمر بالمعروف والنهي عن المنكر ورأي الناس عنها ..
طبعا الكل هيقولي ليه متعملش انتا الموضوع ده .. هقول انا لا افضل اني اعمل موضوع ومكنش كفأ بمتابعته علشان انا لا املك الوقت الكافي لمتابعة موضوع شائك و فيه كلام كثييير .
اخي وليد نحن لا ندافع عن اشخاص بأعينهم
وانما نتكلم على العام
ومتهيألي حضرتك ممكن تيجي مصر وانا أخليك تكره نفسك من مواقف انيل وازفت من اللي حضرتك بتحكي عليها
بس احنا بننسى بس
يعني تفتكر الشعب اللي اكل عيش من بواقي اكل ابهايم في الخارج ده كده ميه ميه
تفتكر العساكر المصريين والظباط وامناء الشرطه مفيهمشي حد بيعمل انيل من اللي حضرتك ذكرته
للأسف اللي بيته من زاجاج ميحدف الناس بالطوب
واظن ان بيتنا من ورق وليس من زجاج بس
ولكن حميه والله
انا عندي طلب اظرف من كده بقه
ان كل واحد مش عاجبه الكلام ومش عاوز يناقش بطريقه مهذبه وداخل يهزر وبس
انه يفتحله موضوع يعمل فيه اللي هو عاوزه فيه ويريحنا
انا مش فاهم والله هو اللي بيدخل يقول وقت ومش وقت ومش فاضي
طيب يعني نعمل ايه احنا مش فاهم
احنا ناس فاضيين ريحونا بقه
r
قول الكلمتين دول لنفسك عشان تفتكر ازاى انت معارض لكل الناس
حضرتك حتى مش شايف ان انت بتردد كلام فى شرف راجل فاضل انت ماتعرفوش
و بتقول عليه انه مارس الفحشاء
حضرتك عرفت منين من موقع سعودى؟؟
وهما شافوهم ولا ايه؟؟؟
و على فكره مافيش بلاغ ضده من اى حد
بلاش ثقه عمياء فى كل واحد قالوله شيخ
الواحد بعد ما شاف الكلام دا و الناس دي و المدافعين عن العك دا !! ميقدرش غير إنه يقول ، الحمد لله على نعمة القضاء المصري :) و رحم الله السنهوري.
ومش بعيد كمان فترة نلاقي حد بيطالب إننا نتحول لمصرستان ونلاقي رجال الهيئة في الشوارع عندنا وراكبين مكن صيني ههههههههههههههههه.
بجد الموضوع دا يتضحك عليه مش أكتر....ان الناس متخيلة ان حكم 1500 جلدة هو حكم انساني و عادل....ولواحد من دينهم و من بلدهم.
شيء مقرف. و اخر مرة اخش الموضوع اللي جابلي اكتئاب دا بجد...وربنا يارب مع الدكتور و عائلته و ما الله بظالم للعباد.
شكرا جدا على زوقك العالي .. والمفروض ان كلام حضرتك هو سفير لطباعك وأخلاقك .. وأتمنى ان يكون كلامك السابق مخالف لطباعك الحقيقية لأن ما سمعته عنك ممن قابلوك مخالف لما يدل عليه طريقة كلامك السابقة.
لعلمك الشخصي أنا كلامي السابق جدي تماما ومش هزار زي ما حضرتك فهمته .. وأتمنى ان حضرتك لو كنت فاكره هزار تغير طريقة قراءتك ليه ثاني ..
و لك مني جزيل الشكر والاحترام