اسعار السيارات الجديدة بعد التخفيض

**essa** · 22-11-2008 06:51 PM

هو سعر الفيرنا فعلا نزل الفين جنيه ؟
ولو فعلا السعر نزل يبقى نزل فى كل المعارض ولا معارض معينه ؟

**monty99** · 22-11-2008 07:14 PM

احسبوها جيدا هل هو انخفاض ام ان اسعارها لم تتغيير
لان الاسعار بالدولار اصلا وماحصل اصبح الدولار اقوى نسبة لليورو
مثال بسيط 100 جنيه كانت كم تساوي قبل شهرين وحالين كم تساوي مقابل الدولار
وستستنتجون النتيجه

**amirhamed** · 22-11-2008 07:37 PM

ممكن دي تبقى تصفيات موديلات اذا كانت موديلات2008 او انعاش للسوق اللي هدي خالص في الفتره الاخيره نتيجه مخاوف الناس وده برده يدل ان التوكيلات بتكسب كتير او بتبالغ في اسعار العربيات

**شريف** · 22-11-2008 07:49 PM

المشاركة الأصلية كتبت بواسطة monty99

احسبوها جيدا هل هو انخفاض ام ان اسعارها لم تتغيير
لان الاسعار بالدولار اصلا وماحصل اصبح الدولار اقوى نسبة لليورو
مثال بسيط 100 جنيه كانت كم تساوي قبل شهرين وحالين كم تساوي مقابل الدولار
وستستنتجون النتيجه

بس الدولار لسة على 5.51

يعنى الفرق عمرة مهيذيد عن 500 جنية

**Ahmed.kamel** · 22-11-2008 07:59 PM

تعرفوا اسعار ال A5 خليجي بفائتها المختلفة والاليجانس والهاف اليجانس بقت بكام دلوقتي ...

**شريف** · 22-11-2008 08:41 PM

المشاركة الأصلية كتبت بواسطة ahmedmohamedkamel

تعرفوا اسعار ال A5 خليجي بفائتها المختلفة والاليجانس والهاف اليجانس بقت بكام دلوقتي ...

كام ياباشا فرحنا

**ezzatfox** · 22-11-2008 10:01 PM

اولا بالنسبة لسعر الدولار دة مش هيفرق معانا لاننا لا نستورد سياراتن امريكية من الاساس الا فيما ندر و لكن السيارات الاوربية هى اللى سعرها هينزل جامد بسبب انخفاض اليورو حوالى 12% خلال شهرين و عندك فيات و اوبل و رينو و غيرها .. دة اولا .. ثانيا بقة و دة الاهم هو ان سعر الخامات التى تدخل فى صناعة السيارات قد انخفض بشكل كبير مثل الكابلات و النحاس و الالومنيوم و الحديد و البترول اللى هو الطاقة اللازمة للتصنيع و المستخدم فى النقل .. و غير كدة فى اشارات كتير تدل فعلا على ان هناك انخفاض قادم مثل التصريحات التى تخرج من شعبة السيارات كل كام يوم و اخر تصريح كان كالاتى :
طالب أعضاء مجلس إدارة شعبة السيارات الوكلاء بعدم الإسراف في استيراد كميات كبيرة من السيارات في ظل عدم استقرار الأسعار خلال هذه الفترة الحالية ووجود تراجع في بيع السيارات بنسبة 40%.

وطالب عفت عبد العاطي رئيس الشعبة البنوك بأن تعطي قروضا بضمانات لتنشيط سوق السيارت في مصر‏ ، كما طالب بأن تكون المعارض في مداخل ومخارج المناطق أو أطراف المدن أو المناطق الشهيرة والبعد عن المناطق الشعبية.وذلك حسبما جاء في صحيفة "الأهرام" يوم السبت.

‏جاء ذلك خلال اجتماع الشعبة برئاسة عبد العاطي لبحث مشكلات ركود السيارات ، وعدم استقرار الأسعار خلال هذه الفترة‏.

من جانبه ، قال وليد توفيق نائب رئيس الشعبة العامة للسيارات بالاتحاد العام للغرف التجارية إن الفترة المقبلة ستشهد انخفاض أسعار السيارات لأن أسعار الخامات انخفضت بشكل كبير بالإضافة إلى انخفاض أسعار البترول.

وحذر توفيق الوكلاء من استيراد كميات كبيرة في ظل الأزمة المالية العالمية الراهنة ، "حتى لا يحدث ركود في ظل انخفاض مبيعات السيارات في مصر‏".

كما طالب المجلس باستخراج التراخيص الخاصة بالمعارض على أن يتم تحديد المعرض بما لايقل عن‏60‏ مترا مربعا على أن يكون بين كل معرض وآخر مسافة لا تقل عن‏200‏ متر من جميع الجهات‏ ورأس مال المعرض مليون جنيه‏.