عندي 3 مساعدين ضاربين زيت من 3 شهور ياترى ده خطر ولا ممكن امشي بيها كام شهر كمان؟؟

**m-sabry** · 19-08-2015 03:24 PM

لما الميكانيكي قالي ان 3 مساعدين ضاربين زيت ووراني الزيت اللي متسرب. سألته ياترى ده خطر وممكن يؤدي لحادث مثلاً؟ فرد وقال لأ.. انا عاوز أفهم منكوا ايه الخطر في كده ؟؟ اللي انا فاهمه ان العربية كده ماشية على السوست بس.. صح كده؟؟
وياترى السوست لوحدها مش كفاية؟ وايه أهمية المساعدين وخطورة عدم وجودهم؟؟
انا بقالي كده اكتر من 3 شهور !!!! ياترى كده فيها مشكلة ؟ والعفشة ممكن تبوظ مثلاً ؟؟ سبب التأجيل بصراحة هو الظروف المادية فياترى أهتم بالموضوع يعني واجيب فلوس من اي حتة واغيرهم ولا استنى براحتي لحد ما ربنا يفرجها عليا (يمكن 3 شهور كمان مثلاً) ؟؟

**miam0502788391** · 19-08-2015 04:00 PM

3 مرة واحدة
لأ طبعا متسناش
وياريت تغير الاربعه مرة واحدة
لأن اكيد المساعد الرابع ضعيف
عندك kyp اليابانى و المنرو اتحاد اوربى ممتاز

**m-sabry** · 19-08-2015 04:49 PM

ان شاء الله هغير الاربعة..بس بسأل بس عن خطورة الموضوع وايع وظيفة المساعدين بصفة عامة وايه المشكلة لو مشيت من غيرهم.. السوست لوحدها متنفعش ؟؟

**عﻻء سالمان** · 19-08-2015 06:46 PM

المساعدين شايلين اللود او الحمل عن شاسية العربية ولما بيضعفوا الشاسية بيشيل احمال معاهم و ممكن لحاماتة تتفتح ولما تلحمها برة مش هترجع زى الفابريكة والعربية تبقى معيوبة كأنها عاملة حادثة

**abou-yahia** · 19-08-2015 06:53 PM

المساعد وظيفته الرئيسية انه ممتص للصدمات

ليه تاثير مباشر علي راحه الركوب

وتاثيرات مباشره بدرجات متفاوته علي ثبات العربيه خاصه في المنحنيات

وتاثير غير مباشر علي اداء الفرامل

**م أحمد** · 20-08-2015 11:01 AM

وظيفة المساعد هى خمد ذبذبة العربية فى المطبات و ما تبقاش زى المرجيحة حرصا على راحة الركاب و اجزاء التعليق

هل ممكن تمشى بمساعد ضارب زيت ؟

ممكن ....بس بشرط

تيقى حريص جدا فى المطبات و تاخدها براحتك .....و تنسى اى سرعة عالية لان اى مطب و لو هوا هيمرجح العربية

و حد الخطر فى المساعد البايظ انك تسمع صوت خبطة فى المطبات ، هنا لازم يتغير ..و فورا ...لان الشاسيه بيضرب راس المساعد و بداية الطرق على الشاسيه هى تمهيد لحدوث شروخ فى الشاسيه

برضه المشى على مساعد ضعيف لفترات طويلة بتعمل إجهاد على السوست و تلاقى العربية مع التحميل بتهبط بسرعة او مكفية للامام او الخلف و هى واقفة

و حاجة مهمة ابعد عن موضوع الاستيراد فى العفشة بوجه عام و المساعدين بشكل خاص...و فى حالتك الاربع مساعدين كلهم لازم هيتغيرو

**m-sabry** · 20-08-2015 03:26 PM

شكراً جزيلاً لكم جميعاً على المجهود والردود المفصلة ... ان شاء الله هغيرهم على طول.. وربنا يسترها علينا وعليكم وعلى الجميع..

**Colin Chapman** · 01-09-2015 03:49 PM

المشاركة الأصلية كتبت بواسطة m-sabry

لما الميكانيكي قالي ان 3 مساعدين ضاربين زيت ووراني الزيت اللي متسرب. سألته ياترى ده خطر وممكن يؤدي لحادث مثلاً؟ فرد وقال لأ.. انا عاوز أفهم منكوا ايه الخطر في كده ؟؟ اللي انا فاهمه ان العربية كده ماشية على السوست بس.. صح كده؟؟
وياترى السوست لوحدها مش كفاية؟ وايه أهمية المساعدين وخطورة عدم وجودهم؟؟
انا بقالي كده اكتر من 3 شهور !!!! ياترى كده فيها مشكلة ؟ والعفشة ممكن تبوظ مثلاً ؟؟ سبب التأجيل بصراحة هو الظروف المادية

فياترى أهتم بالموضوع يعني واجيب فلوس من اي حتة واغيرهم ولا استنى براحتي لحد ما ربنا يفرجها عليا (يمكن 3 شهور كمان مثلاً) ؟؟

حل مؤقت

لمازا تلك المشحمة راكبة للمساعدين ؟؟؟؟؟؟؟؟!!!
للمحافظة علي dust seal
واكس المساعد كمان نحافظ عليه من التجريح والخربشة ولو نقص المساعد زيت نكمله !!
يعنى ممكن يفضل يضرب فزيت ونكمله الى ان ربك يسهل الحال وصاحب العربية يشتريلها مساعدين جديدة !!

هتملى زيت بمشحمة زى الفيديو لكن بداخلها زيت مش شحم
ولو خراط شاطر يخرم بالشنيور وبالايرزوار يعمل سن مشحمة وتركب بدون فك المساعدين من مكانهم
https://www.youtube.com/watch?v=bB2RiRKDQ9k
اى بيض قبل ما تركبه وهو لسه جديد ضرورى توديه الاول لاءى خراط يعملهولك بمشاحم وبعدين تركبه !!
وكل شهر تروح البنزينة تشحمه وشوف عمر البيضات هيطول معاك قد ايه ؟؟؟؟؟؟؟؟؟!!او عند اى عفشجى او ميكانيكى عنده مسدس شحم!!

ادى التشحيم
شحم مطاط لونه احمر او بنى
http://t2.gstatic.com/images?q=tbn:A...RWdNxWaK2cSV_l

ادى المشحمة فى جانب البيضة علشان لو البيضة زى العربيات الاوبل طبقها فبر مش معدن !!

http://t3.gstatic.com/images?q=tbn:A...6IW2LL4T7F65F9

هنا تزييت البارات الداخلية وعلبة الدركسيون بدون فك كاوتشة المزيكا !!!
عن طريق سرنجة او حقنة طبية بزيت موتور

http://farm2.static.flickr.com/1107/...352944f35d.jpg

**ابو ياسمين** · 01-09-2015 05:29 PM

المشاركة الأصلية كتبت بواسطة Colin Chapman

حل مؤقت

لمازا تلك المشحمة راكبة للمساعدين ؟؟؟؟؟؟؟؟!!!
للمحافظة علي dust seal
واكس المساعد كمان نحافظ عليه من التجريح والخربشة ولو نقص المساعد زيت نكمله !!
يعنى ممكن يفضل يضرب فزيت ونكمله الى ان ربك يسهل الحال وصاحب العربية يشتريلها مساعدين جديدة !!

هتملى زيت بمشحمة زى الفيديو لكن بداخلها زيت مش شحم
ولو خراط شاطر يخرم بالشنيور وبالايرزوار يعمل سن مشحمة وتركب بدون فك المساعدين من مكانهم
https://www.youtube.com/watch?v=bB2RiRKDQ9k
اى بيض قبل ما تركبه وهو لسه جديد ضرورى توديه الاول لاءى خراط يعملهولك بمشاحم وبعدين تركبه !!
وكل شهر تروح البنزينة تشحمه وشوف عمر البيضات هيطول معاك قد ايه ؟؟؟؟؟؟؟؟؟!!او عند اى عفشجى او ميكانيكى عنده مسدس شحم!!

ادى التشحيم
شحم مطاط لونه احمر او بنى
http://t2.gstatic.com/images?q=tbn:A...RWdNxWaK2cSV_l

ادى المشحمة فى جانب البيضة علشان لو البيضة زى العربيات الاوبل طبقها فبر مش معدن !!

http://t3.gstatic.com/images?q=tbn:A...6IW2LL4T7F65F9

هنا تزييت البارات الداخلية وعلبة الدركسيون بدون فك كاوتشة المزيكا !!!
عن طريق سرنجة او حقنة طبية بزيت موتور

http://farm2.static.flickr.com/1107/...352944f35d.jpg

عزيزى
Colin Chapman

الحل المؤقت بالنسبة للمساعد يبدو ممكن التنفيذ ولكن هل ثبت بالتجربة انه سيؤدى لفائدة فعلية

اما بالنسبة لتركيب مشحمة لبيضة العفشة فلا اوافق عليه لسبب بسيط ان مصانع السيارات توقفت عن استعمال مشاحم فيها

لأن العمر الأفتراضى للبيضة لا يزيد عن عمر الشحم الذى تم كبسه فى المصنع

فلو امكن تجديد الشحم عن طريق تركيب مشحمة فهذا لا يعنى ان عمر البيضة لم ينتهى فعلا

واصبح من الخطر عدم تغيرها

ولكنها ستبقى افكار جيدة قد تنفع مؤقتا حتى توافر قطعة غيار اصلية

ولك جزيل الشكر

الموضوع: عندي 3 مساعدين ضاربين زيت من 3 شهور ياترى ده خطر ولا ممكن امشي بيها كام شهر كمان؟؟

LinkBack

أدوات الموضوع

عرض

-

-

المواضيع المتشابهه

كيا كارينز تسخن وهي واقفه ولما امشي بيها الحرارة تنزل !!! ارجو المساعده من اهل الخبرة

العربيه بتنتش ومش عارف امشي بيها

العربية رخصتها تنهي النهاردة !! ينفع امشي بيها لغاية ما اجدد الرخص ؟؟؟

ممكن الحكومة تعمل حاجة بسيطة تخدم بيها نفسها و تخدمنا احنا كمان .

ازاي اجيب عربية جديدة و معرفش امشي بيها !!!!!

الكلمات الدلالية لهذا الموضوع

المفضلات

المفضلات

ضوابط المشاركة