السلام عليكم

الأرضيات عندي ف العربية اتبهدلت شوية فقولت أفرش جلد وبالمرة أعمل الكراسي معاها وأظبط الدنيا شوية
أنا من اسكندرية وبصراحة كده مش لاقي حد عاجبني شغله وتقفيله فدورت على النت لقيت جينز كار وكله بيشكر فيه فقولت هاجي على نفسي وأروح يوم القاهرة بس اتعامل مع ناس محترمة وآخد فرش زي ما أنا عاوز وحاجة نضيفه واتصلت بيهم رد عليا المسئول هناك بمنتهى الذوق والاحترام وفعلا كلامه واضح وسألته على الأفيو وقالي السعر على حسب الخامة ورينج الأسعار عنده

أولا ...... حد جرب شغلهم ف عربيته؟
ثانيا ....... يا ترى ممكن الأسعار تزيد هناك لما أروح بالعربيه؟ عشان أنا عامل ميزانية مش عاوز اتعداها
ثالثا ....... هو قالي انهم مش بيعملوا أبواب أنا عاوز بس اطعم الباب بلون من الفرش هو والطارة وفرامل اليد يا ترى هعملهم فين؟
رابعا ........ عاوز أركب مسند يد زي الموديلات الجديدة أو كونسول ما بين الكرسيين الأماميين بس ميزيقش ولا يترجرج يا ترى أعمل ده فين أو أجيبه منين؟

وشكرا لأعضاء وادارة المنتدى الأفاضل