أنا معاك في كل اللي أنت قلته يا موتوريز باشا
بس برضه أحب أكد أن الأساس غباء السائقين
يعني هاقولك
لو بصيت على الدائري الناس اللي نازلة ميدان لبنان ( بيلحم مع المحور الأول و بعدين ميدان لبنان من الدائري ) نفس المكان اللي انت شرحت عليه
أيه بقى اللي بيحصل فوق على الدائري
كل الحارات بتتقفل علشان البهوات و البشوات المصريين مش عايزين يقفوا ورا بعض و تلاقي الطريق كله واقف محلك سر
و لا حد عارف يروح هنا و لا يجي من هناك
و ليلته سوادا اللي ماشي طوالي
هايضطر يستنى كل البشر الأغبياء اللي نازلين ميدان لبنان لغاية لما يعدوا و بعدين هو يكمل طريقه طوالي
ده شعب عايز مرزبة ........... و رجال شرطة في كل مكان
و اللي يعمل غلط ......... تتسحب رخصته و يدفع غرامة كبيرة تخليه يفتكر دائما قبل ما يستغبى و يعطل الناس أو يقتل حد أو يعمل غرزة على الطريق
فانا شايف أن الأخطاء الهندسية يمكن تصحيحها بسهولة
أو التعايش معها
إنما طريقة تفكير البشر .......... عايزة سنين من التدريب و الأخضاع للقوانين و الأحكام
و علشان كدا مشكلة مصر مش في التصميمات
مشكلة مصر في ناس مصر اللي مش عايزة تلتزم بأي شئ
بالأضافة أنهم بيلتزموا بس لما يكون في حد واقف بعصايا ( رجل شرطة أو رادار )