اريد شراء اول سيارة لي bmw e21

**mabduallah** · 20-08-2015 01:04 PM

السلام عليكم ورحمة الله وبركاته

انا عضو جديد في المنتدي وبصراحة انا محتار جدا ومش عارف اعمل ايه بالظبط

معايا مبلغ من 20000 الي 30000 وعاوز اشتري عربية لمزاجي انا علشان ابقي مرتاح الفكرة ان كل صحابي نصحوني باني مشتريش bmw خالص بسبب حوار قطع الغيار وخصوصا اني من الزقازيق
وانا مش عاوز اشتري غير bmw لانها عربية محترمة وكمان علي قد الفيلوس اللي معايا حاليا فقولت اشتري e21 ولكن انا مش عارف اي تفاصيل ولا اماكن تصليح العربية ولا اماكن بيع قطع الغيار وكمان فممكن تدلوني علي افضل الاماكن والناس الموثوق فيها اللي ممكن اتعامل معاها و لو bmw e21 حاجة محترمة تبقي في حدود كام

وفي حاجة تانية انا بحاول اقرأ كتير عن العربيات وزاي اقدر اكشف علي العربية قبل ما اشتريها نظريا وعمليا والحمد لله نوعا ما عندي خبرة ولكن اكيد هاخد معايا حد وانا رايح اشتري بس علشان ابقي فاهم هو بيعمل ايه بس لو في اي حاجة ممكن تفيدني في الموضوع دة يا ريت تقولولي عليها

منتظر ردكم ضروري

**mabduallah** · 21-08-2015 01:06 AM

ايه يا جماعة مفيش حد ممكن يساعد في الموضوع دة والا ايه

**م أحمد** · 21-08-2015 12:01 PM

المشاركة الأصلية كتبت بواسطة mabduallah

السلام عليكم ورحمة الله وبركاته

انا عضو جديد في المنتدي وبصراحة انا محتار جدا ومش عارف اعمل ايه بالظبط

معايا مبلغ من 20000 الي 30000 وعاوز اشتري عربية لمزاجي

ما هى دى الفكرة ....ان اللى كانت معاه و هتشتريها منه كانت لمزاجه......هتنتظر ايه من حالة العربية و اولها الموتور يليه العفشة

يعنى مش بس قطع غيار...العربية شبابى و قليل لو لقيتها مع حد ماكنش فاحتها

غاويها....اشتريها.... بس استعد !!!

**mabduallah** · 21-08-2015 02:41 PM

الف شكر علي ردك
بس انت كدة قلقتني جدا وبصراحة المشكلة انس بسافر القاهرة باستمرار علشان شغلي هناك فقولت اجيب حاجة ترحمني من المواصلات شويا فملقتش غيرها ممكن تستحمل السفر علي حسب الكلام اللي اتقالي ولكن خوفوني من قطع الغيار وانت بقي خوفتني من العربية كلها ههههههه

طيب حضرتك ممكن ترشحلي ايه وطبعا للاسف في حدود الفيلوس اللي معايا

**م أحمد** · 22-08-2015 01:30 AM

المبلغ اللى معاك يشترى كم عربيات كتير جدا فى الجديد و القديم و اى عربية هتقضى غرض السفر مهما كانت بشرط الحالة ، يعنى ممكن تدور فى اى ماركة جديد او قديم

بيجو 504 - شاهين - تمبرا -هيونداى أكسنت او إكسيل - ستروين zx

اتفرج عليهم و على المواصفات

و مرة تانية الحالة هى الفيصل و يا ريت تكون عربية مكيفة

و خلى بالك ممكن تزهق من قرف السواقة و تحتاج حاجة اوتوماتيك او تحن للمواصلات تانى :)