رينو كابتشر الانطباعات الاوليه

**Waleed_Fathy** · 20-08-2015 08:19 PM

السلام عليكم و رحمة الله
انا الحمد لله اشتريت رينو كابتشر من كام يوم
و قلت بما ان العربيه لسه محدش عمل عنها تقرير قلت اكتب انطباعاتي عنها يمكن حد يستفيد منها

العربيه التوكيل بيديك بصمة للموتور لانه تقريبا مستحل حد غير فني يرفع البصمه
و قبلوا البصمه في مرور الشروق ما فيش مشكلة

انا هسرد المميزات و العيوب من وجهة نظري
المميزات
1-العربيه عاليه عن الارض (17 سم) و قاعدة العجلات مش طويله فا ده مخلي العربيه صعب جدا تحك في اي مطب مهما كان ارتفاعه
2-العربيه تصميمها مميز و الوانها رائعه
3-الكاميرا اضائتها بالليل حلوه
4-سحب العربيه تحفه
5-اداء الفتيس عاجبني جدا
6-صوت المحرك هادي رغم ان سرعته علي السلانسيه حوالي 1000 لفه/د
7-تصميم التكييف عاجبني جدا و اداءه معقول جدا

العيوب
1-العربيه keyless بس رينو لغت الحساسات اللي عند المقابض زي الفلوينس و بقا لازم تضغط علي الزازر اللي في مقبض الباب
2-زجاج السواق فقط هو اللي بيطلع اوتو و الباقي لازم تفضل متسك الزر لحد الزجاج ما يوصل للاخر
3-كراسي السواق حسيته صغير عايز حد slim
4-مافيها وحدة رفع للزجاج
مافيهاش مؤشر درجة حراره بس في لمبه بتنور لغاية ما تسخن العربيه و بتطفي و اعتقد لو سخت زياده هتنور بلون مختلف
5-العفشه ناشفه شويه
6-المرايا ضم مانيوال
7-استهلاك بنزين عالي 11ك/لتر اتمني يتحسن بعد شويه

دي شوية ملاحظات علي ما نقدر نقيمها فعليا

**Waleed_Fathy** · 20-08-2015 08:31 PM

**Hany Saad** · 20-08-2015 08:37 PM

الف مبروك عليك الجميلة كابتشر
فعلاً عربية مميزة جداً كتصميم سواء من بره او من جوه
سحب العربية متوقع يكون فوق الممتاز علشان الموتور ال Tce التربو و اللى مربوط مع فتيس ممتاز DUAL CLUTCH من ٦ نقلات علشان يطلع منه اقصى عزم و يحسسك بقوة عزم الفتيس المانيوال مع سهولة و راحة الأتوماتيك
طبعاً زى ما حضرتك ذكرت الجنط ال 17 متوقع ينشف العفشة شوية و لكن يشفع لها ارتفاعها و عدم حكها فى اى مطب
وجود الاتزان الالكترونى ESP حاجة ممتازة لعربية بعلو الكابتشر
اتوقع ان حضرتك تكون بتحط بنزين ٩٢ و معندكش مشاكل معاه

منتظرين طبعاً تفاصيل و انطباعات اكتر و مبروك مرة تانية

تحياتى

**scientist9508** · 21-08-2015 08:29 PM

بسم الله الرحمن الرحيم

اخى الفاضل

بارك الله لك فيها و منحك كل خيرها و كفاك كل شرها. اسمح لى ببعض الاستفسارات:

1 - كم سعرها؟

2 - كم عدد ايام الانتظار التى تفصل بين الحجز و الاستلام؟

3 - من اين اشتريتها؟

4 - هل هى مانيوال ام اوتوماتيك؟

5 - هل هى دفع رباعى فعلا ام دفع عجلتين فقط و هل هما عجلتين اماميتين ام خلفيتين؟

6 - مع اننى لا اعرف ثمنها و لكننى اعرف ان ثمنها ليس بالقليل. . . فما الذى اقنعك بان تشتريها و تفضلها فوق ما يمكن ان تشتريه بنفس الثمن؟

السلام عليكم و رحمة الله و بركاته

**SoFiMaN** · 21-08-2015 09:15 PM

الف الف مبرووك بصراحة عربية ماشاءالله كان نفسي اجيبها بس قلقي من عدم انتشارها و ان موتورها هو الوحيد من نوعه في رينو وقفني وخلاني اتجه للكيا سييد

هل استلامها كان فوري؟

**yasser100** · 22-08-2015 11:32 AM

الف مبروك عربيه مميزه و تصميم جميل و شكرا لتقريرك اول واحد كتب تقرير فعلى عليها هنا .

ربنا يبارك لك فيها :)

**Samah AbdAllah** · 22-08-2015 12:37 PM

الف مبروك ربنا يباركلك فيها
عربية جميلة فعلا ان شاء الله تكون عالمستوى المتوقع

**جيتزاوي55** · 22-08-2015 05:19 PM

تقرير مميز وعربية مميزة , الف مبروك عليك وربنا يأتيك خيرها ويكفيك شرها .
أنا مش خبير في الرينو , لكن متابع جيد قوي لموضوعات الفلوانس , الاعضاء كانوا بيتكلموا علي فكرة وحدة الرفع من الريموت بضغط lock الباب مرتين ورا بعض أو من الضغط علي الزرار اللي علي الباب نفسة , جرب كدة ويا رب يطلع فيها .
فكرة العفشة الناشفة سنة طبيعي قوي مع موضوع الجنط ال 17 واو اني اعتقد هتكون أفضل من عربيات تانية بسبب أرتفاعها .
أخيرا يا ريت حضرتك تقوللنا عن البنزين ومعامل الأنضغاظ للموتور دة , وهل التوكيل مصرح ب 92 ولا 95 فقط ؟

-

الموضوع: رينو كابتشر الانطباعات الاوليه

LinkBack

أدوات الموضوع

عرض

رينو كابتشر الانطباعات الاوليه - انشر الموضوع فى :

-

-

-

-

المواضيع المتشابهه

اخبار رينو كابتشر ايه

نيسان قشقاي او رينو كابتشر

رينو كابتشر (صور ومواصفات)

تقرير عن رينو كابتشر 2014

رينو كابتشر - فيديو

الكلمات الدلالية لهذا الموضوع

المفضلات

المفضلات

ضوابط المشاركة