pocet pc in car بديل الاب توب في السيارة

**brown-eyes** · 18-11-2008 08:58 PM

انا قريت موضوع قبل كده عن تركيب لاب توب في العربية
بس اكيد الموضوع صعب شوية من حيث التكلفة والتوصيلات ولاقيت فكرة تانية تكلفتها اقل وطريقتها اسهل
وهي استبدال الاب توب ب كمبيوتر جيب اللي هو شغال بنظام ويندوز موبيل pocet pc with windows ce
هو فكرته بسيطة جدا في انواع موبيلات كانت نازلة من فترة وسعرها دلوقتي نزل زي الاي ميت جام
مثلا وده انسب جهاز للموضوع ده كل اللي هتحتاجه شاحن عربية وحامل للجهاز وكابل تحويل من جاك صوت صغير للجاك الكبير وكل ده موجود وسهل
انا ركبته عندي وشغال معايا كويس
طبعا نزلت عليه شويت برامج زي الوين امب و الريل بلاير وشوية برامج اوديو تاني
ده غير ان الجهاز فيه وير ليس و بلوتوث وممكن يعرض فيديو كمان
ودي صورته

**MoMohsen** · 18-11-2008 09:39 PM

هو الموضوع فعلا كويس و انا عاملة فى عربيتى بس هى ميزتة مش تشغيل فيديو او اغانى و لكن الميزة الاساسيه فى الـ Gps

**MoMohsen** · 18-11-2008 09:49 PM

على فكرة بردة انا فكرت فى فكرة افضل ممكن تكون بديل للكومبيوتر بالنسبه للبوكيت بى سى و هى انك تجيب نوع محترم شوية من اللى فية TV-Outو دة هيديك ميزة انك توصله على شاشة العربيه و تستخدم كل الامكانيات زى الفيديو و GPS.
و دية صورة الكيبل

ودة منظرة بعد التشغيل

**brown-eyes** · 18-11-2008 09:53 PM

هو ليه مزايا كتير لانه قابل لاي تحديث
بس موضوع ال جي بي اس ده هيحتاج جي بي اس خارجي وهيشتغل ب بلوتوث

**brown-eyes** · 18-11-2008 09:56 PM

هي فكرة حلوة بس المشكلة كده ان التكلفة هتعلي لان اي جهاز فيه تي في اويت هيكون غالي + ثمن الشاشة وكمان هي الفكرة معتمدة علي تشغيل البوكيت بي سي من غير خط يعني مجرد مالتي ميديا بس

**MoMohsen** · 18-11-2008 10:26 PM

معظم الاجهزة الحديثة فيها embedded gps و موضوع الـTV-OUT هيعلى تمن الجهاز بس بالمقابل انت هتستخدم الجهاز كموبايل و Media بردة.وبالنسبة للشاشة انت هتستخدم شاشة عادية من اللى بـ700 جنية

**lightspeed** · 18-11-2008 11:30 PM

الف شكر على الافكار الجامده

**brown-eyes** · 19-11-2008 10:56 PM

العفو و ان شاء الله نقدر نقدم اي جديد

**Abdo_Eldesokey** · 19-11-2008 11:39 PM

أنا معايا الجامن بردوا يا باشا وشغال بيه بقالي فترة فعلا ً

وبذل كل الناس بقى الي بيعانوا مع الشريط والـ Modulator

بس مش أي حد يستحمل البوكيت ولا أي حد يفهمه ، عايز واحد غاوي ومستعد يضحي بمزايا النوكيا من حيث سهولة الاستخدام