الموضوع: الزيوت بره مصر( احنا اتضحك علينا )

ةالله ياجماعه احنا اتضح اننا مضحوك علينا فى مصر ولا ايه يالذات مع موضوع الزيوت ده واتضح ان كل شركه مصنعه للسيارات بتنزل الزيت الخاص بيها وبالموصفات اللى تتلاقم مع السياره...
امبارح دخلت ولأول مره اغير الزيت للعربيه (مش فى التوكيل )فطبعا وبكل تناكه بقوله غيرلى بزيت بترومين او موبيل بس ياريت بسرعه...الراجل بصلى كده (وشكله متعود على النوعيات الفلحوصه اللى زيي) وقالى على فكره سيارتك ليها زيت مخصوص بتاعها!!!!(اللى فى الصوره تحت)...امممممممم
مش اسكت بقى فقمت قولتله (بنفس التناكه) غيرلى بالمره فلتر الزيت بس يكون مش صينى..رد عليا تانى وقالى طب ماتاخد الفلتر بتاعها ...اخرسنى ابن اللعيبه...
طبعا برضو خلال عمليه التغيير لقيت واحد دخل شيك على كل الزيوت والفلاتر (من غير مااطلب) وشال فلتر الهوا ونضفه... خلص ورجع تانى قام مزود ميه الرشاشات بتاعه المساحات وزود ميه خضرا للريداتير..خلص ومشى..
دخل واحد تالت شيك على ضغط الكوتشات وظبطهم وبعدين لمع الكاوتش بماده كده رجعه جديد هو والجنط....

كل ده وانا واقف فاتح بوقى وبتفرج....مع العلم ان الخدمات دى كلها مجانيه وحاسبت فقط على تمن الزيت اللى هو 60 ريال والفلتر 15 ريال..[attach][attach]IMAG0467.jpg

IMAG0468.jpg[/attach][/attach]