الموضوع: الرجاء المساعده . طلع عينى

السلام عليكم انا عندى عربيه تويوتا كورولا 2006 اوتوماتيك 1300 سى سى العربيه شاريها من كام شهر بعد ما اشترتها باسبوعين كدا رحت للميكانيكى اغير شويه فلاتر وزيت واعمل صيانه العربيه فى المرحله دى قبل ما اروح للميكانيكى كانت عباره عن صاروخ سحب استثنائى كانى راكب بى ام ادوس للعربيه تفضل العربيه تسحب على اد منا ضاغط على دواسه البنزين وموتور العوامه ميفصلش وتفضل تسحب بسرعه رهيبه لحد ما اسمع صفاره ال 120 رحت للميكانيكى جه وهو بيغير فلتر البنزين فتح طرمبه البنزين قالى الموتور اللى جوا العوامه دا صينى ومتوصل بوصلات ولزق وكدا اللزق دا يدوب وممكن يعمل تشارز معاك ويولعلك العربيه كلها روح اشترى موتور للطرمبه تانى رحت لبتوع استيراد اشتريت موتور ورحت للميكانيكى ركبهولى بس اخد الموتور التانى ومن بعد ما ركبهولى والعربيه ضعفت اوى على الرغم انى بمونها 92 ومغير زيتها وبوجيهات وعامل اللى متعملش . طبعا اتخنقت رحت لميكانيكى تانى كبير برضو قالى روح اشترى موتور للطرمبه اسمه الهندسيه قالى دا كورى ورهيب لقيته فعلا صناعه كورى ركبته وبرضو مش زى الموتور الاولانى وبيستهلك بنزين كتير ومش قوى زى الاولانى خالص انا هعيط ومعرفش اى معلومه عن الموتور الاولانى دا والميكانيكى اخده من شهور يعنى خلاص بح ومعنتش بروحله انا عاوز حل عاوز العربيه ترجع سبحها زى الاول والله كانى راكب احدث عربيه وكنت بشد مع اى عربيه كانو بيتهبلو برجاء المساعده اعمل ايه وهل ممكن اشترى موتور يكون اقوى شويه مثلا او المانى او بتاع عربيه فولكس مثلا مش عارف ارجوووو المساعده وشكراااا

صح عندك حق بس التوكيل مش هيبيعلى موتور بس هيقولى اشترى الطرمبه كلها هو بيبيعها على بعضها بس السؤال هنا لو لو اشتريت الطرمبه كلها هتظبط زى ما كانت الاول ولا صاحبها كان عامل تعديل معين او مركب اصلا موتور مثلا اقوى من الاصلى بتاعها