الموضوع: مشكلة في راديو ستيب واي

السلام عليكم ورحمة الله وبركاته
عندي مشكلة في راديو العربية ومحتاج مساعدة ...
العربية (ستيب واي 2013)، بعد فترة قصيرة من شرائها ظهر عندي مشكلة في الراديو لما بستخدم الـ USB، وهي إن مش كل الـ MP3 Sound Tracks بتشتغل كويس، جزء كبير جدا بيعمل مشاكل في الصوت، الصوت بيطلع رديء جدا وعليه Noise، الفكرة إن المشكلة دي مش مستمرة بشكل دائم، يعني ممكن لو بطلت العربية وشغلتها تاني يشتغل كويس من غير مشاكل، وممكن يشتغل كويس من الأول ويعمل مشاكل بعدين لما أقلب الـ Tracks ....
جربت كل الحلول، وغيرت الـ USB Flash كذا مرة، وإستخدمتهم في عربيات تانية وكانوا شغالين كويس من غير مشاكل، وغيرت الـ Sound Tracks إللي عالـ Flash نفسها وفصلت بطارية العربية والـ Radio عمل Reset ودخلت الكود تاني والمشكلة لسة موجودة ... كشفت عليها في خدمة العملاء وكان وقتها عماله 10,000 كم والموظف معندهوش حل غير إني أفضل أجرب USB Flash مختلفة لحد ما ألاقي واحدة تشتغل من غير مشاكل ...
مع العلم إن مفيش مشاكل في الراديو ولا الـ CD ولا الـ Bluetooth ... كله شغال كويس.

حد صادف حاجة زي كده أو عنده إقتراحات ؟

شكرا مقدما