صديقي الدكتور اللي انجلترا رفضت تديله التأشيره بالرغم من حصوله علي منحه دراسيه هناك

انا معرفش تفاصيل كتير عن الموضوع ده بس حبيت اشارك معاكم اسباب رفض انجلترا لصديقي

الكلام فيما معناه طبعا

1- مرتبك غير كافي 3000 جنيه مصري ... عشان الشباب الصغير اللي فاكر ان 3000 جنيه شهريا يفتحوا بيت ... عشان الناس كلها تعرف ان 3000 جنيه مش مبلغ اساسا

2- انت غير متزوج ... الراجل بيقبض 3000 جنيه و مش عارف يفتح بيت ... هيعمل ايه يعني ؟؟؟ و برضه عشان الشباب الصغير يعرف ان الجواز في مصر مش بالساهل

3- التقيله بقه ... بلدك غير مستقره ... انا ذكرت السبب ده مخصوص للناس اللي عايزه توهمك ان البلد مستقره و الامن مستتب و النفوس صافيه و الانفجارات دي حاجه بسيطه و خساره البورصه دي حاجه عاديه و كل حاجه تحت السيطره و ان اللي جاي احسن

ياريت الناس دي تبقي واقعيه شويه :)

هل فيه حد عاقل النهاردة ممكن يقول. ........البلد مستقرة والوضع ثابت وفى انتظار التنمية الاقتصادية وتحسن مستوى الفرد


واحد بس ...... انا عايز واحد بس يقول بالدليل أنه فيه أمل ( بنت خاله هبة )

من فريق السيسي أو من اى فرقة تانية إخوان أو غيره

طيب يا اخ باسم مقلتش لصحابك ليه يروح السودان الشقيق , مش اي بلد احسن من مصر :)

اقتباس:

---

المشاركة الأصلية كتبت بواسطة sfahmy6

هل فيه حد عاقل النهاردة ممكن يقول. ........البلد مستقرة والوضع ثابت وفى انتظار التنمية الاقتصادية وتحسن مستوى الفرد


واحد بس ...... انا عايز واحد بس يقول بالدليل أنه فيه أمل ( بنت خاله هبة )

من فريق السيسي أو من اى فرقة تانية إخوان أو غيره

---

انا بقي اللي نفسي حد عاقل يكلمني بالارقام والاحصائيات , مش يقعد يشتكي ويشتم في البلد
عايز حد عاقل لا يا سيدي انا حجبلك مؤسسة مالية كبيرة وكمان يعم مش مصرية ,يعني لا سيساوية ولا اخوانية ولا مهلبية


أسباب قرار موديز برفع التصنيف الائتمانى لمصر إلى B3 مع نظرة مستقبلية "مستقرة".. التحسن فى أداء الاقتصاد والاستقرار السياسى وانخفاض الالتزامات الخارجية.. والوكالة تتوقع ارتفاع النمو لـ6% خلال 4 سنوات

http://www.youm7.com/story/2015/4/7/...4#.VdkDy62vFh0


هي تعجبك ولا حتقول برضوا مؤسسة موديز مجنونة ولا يمكن بتجامل السيسي ولا واخدين رشوه علشان يكتبوا تقرير مالي زي كدا

ريحوا نفسكم كلامكم الفاشل دا ,مش حيخلي مصر تقع , علشان بعد كدا تقعدوا علي المسطبة وتقولوا شوفتوا مش قلنالكم ,البلد طالعة غصب عن الحاقدين .

السؤال بقي مين العاقل هنا مؤسسة موديز ولا حضراتكم :)

ودا تقرير نفس المؤسسة ايام حكم المعزول ربنا يفك اسره :)

موديز تخفض التصنيف الائتماني لمصر

موديز تخفض التصنيف الائتماني لمصر - BBC Arabic

اضحكوا بقي علي اخبار المواقع الاخوانية :)

جريدة هجس الالكترونية كاتبه ايه

"بلومبرج": احتياطي مصر من النقد الأجنبي يصل لأدني مستوي منذ 2013

"بلومبرج": احتياطي مصر من النقد الأجنبي يصل لأدني مستوي منذ 2013

الفقرة الكوميدية "وأشارت إلى أن الشهر الماضي شهد انخفاضا في الاحتياطي الأجنبي بنسبة 7.7 %، ليبلغ أدنى مستوى له منذ يناير 2013، حيث أصبح 18٫5 مليار دولار"

شوفتوا الكوميدية الاحتياطي النقدي ايام المعزول كان وصل 13.6 والاحتياطي النقدي دلوقت 18.5 مليار

شبكة رصد بقي بتقول ان رقم 18.5 دا اقل من رقم 13.6

اهي المواقع دي اللي من نوعية شبكة رصد هي مصادر الاخوة اللي بيقعدوا يهروا ويقولوا البلد بتخرب


شكرا شبكة هجس الالكترونية :)

اقتباس:

---

المشاركة الأصلية كتبت بواسطة 3adelnor

ودا تقرير نفس المؤسسة ايام حكم المعزول ربنا يفك اسره :)

موديز تخفض التصنيف الائتماني لمصر

موديز تخفض التصنيف الائتماني لمصر - bbc arabic

اضحكوا بقي علي اخبار المواقع الاخوانية :)

جريدة هجس الالكترونية كاتبه ايه

"بلومبرج": احتياطي مصر من النقد الأجنبي يصل لأدني مستوي منذ 2013

"بلومبرج": احتياطي مصر من النقد الأجنبي يصل لأدني مستوي منذ 2013

الفرقة الكوميدية "وأشارت إلى أن الشهر الماضي شهد انخفاضا في الاحتياطي الأجنبي بنسبة 7.7 %، ليبلغ أدنى مستوى له منذ يناير 2013، حيث أصبح 18٫5 مليار دولار"

شوفتوا الكوميدية الاحتياطي النقدي ايام المعزول كان وصل 13.6 والاحتياطي النقدي دلوقت 18.5 مليار

شبكة رصد بقي بتقول ان رقم 18.5 دا اقل من رقم 13.6

اهي المواقع دي اللي نوعية شبكة رصد هي مصادر الاخوة اللي بيقعدوا يهروا ويقولوا البلد بتخرب

شكرا شبكة هجس الالكترونية :)

---

بغض النظر ان كل موضوع بيقلب بينكم خناقه
انا عايز اعرف مما يتكون الاحتياطى النقدى ؟

اقتباس:

---

المشاركة الأصلية كتبت بواسطة mk3

بغض النظر ان كل موضوع بيقلب بينكم خناقه
انا عايز اعرف مما يتكون الاحتياطى النقدى ؟

---

معلش ممكن توضح سؤالك لاني فعلا مش فاهم حضرتك تقصد ايه ؟

اقتباس:

---

المشاركة الأصلية كتبت بواسطة 3adelnor

معلش ممكن توضح سؤالك لاني فعلا مش فاهم حضرتك تقصد ايه ؟

---

ماشى
انت بتستشهد بالاحتياطى النقدى للمقارنه
فممكن توضحلنا هو عباره عن ايه

اقتباس:

---

المشاركة الأصلية كتبت بواسطة mk3

ماشى
انت بتستشهد بالاحتياطى النقدى للمقارنه
فممكن توضحلنا هو عباره عن ايه

---

لول
هي فرقت ايه مما يتكون الاحتياطي النقدي من هو عبارة عن ايه !!!
سياتك حدد
عايز تعرف الاحتياطي النقدي المصري دلوقت عبارة عن ايه يعني جاي منين ؟؟؟
ولا عايز تعرف مصطلح الاحتياطي النقدي عموما عبارة عن ايه ؟؟؟

يعنى انت عامل الموضوع ده مخصوص عشان تقول ان مصر زى الزفت ؟؟؟!!!!!

ماشى يا عم نورت المحكمة متشكرين !

بلد غير مستقرة : اه بفضل الارهابيين الكدابين اعداء البلد
فيه قصور امنى مش هننكر
لكن بتتحسن

طالما الاحتياطي النقدي ارتفع و قناه السويس الجديده اتحفرت... ليه مشوفناش نتائج ايجابيه حتي لو بسيطه علي المواطن المصري ؟

كل اللي احنا شايفينه .... خسائر متتاليه في البورصه و اعتصام افراد شرطه بسبب عدم صرف الحوافز بتاعتهم

اقتباس:

---

المشاركة الأصلية كتبت بواسطة باسم يوسف

انا معرفش تفاصيل كتير عن الموضوع ده بس حبيت اشارك معاكم اسباب رفض انجلترا لصديقي

الكلام فيما معناه طبعا

1- مرتبك غير كافي 3000 جنيه مصري ... عشان الشباب الصغير اللي فاكر ان 3000 جنيه شهريا يفتحوا بيت ... عشان الناس كلها تعرف ان 3000 جنيه مش مبلغ اساسا

2- انت غير متزوج ... الراجل بيقبض 3000 جنيه و مش عارف يفتح بيت ... هيعمل ايه يعني ؟؟؟ و برضه عشان الشباب الصغير يعرف ان الجواز في مصر مش بالساهل

3- التقيله بقه ... بلدك غير مستقره ... انا ذكرت السبب ده مخصوص للناس اللي عايزه توهمك ان البلد مستقره و الامن مستتب و النفوس صافيه و الانفجارات دي حاجه بسيطه و خساره البورصه دي حاجه عاديه و كل حاجه تحت السيطره و ان اللي جاي احسن

ياريت الناس دي تبقي واقعيه شويه :)

---

الكلام ده حصل لصاحبى من حوالى 8 سنين بس المرة دى لأمريكا
هذه الاسباب معناها انه ممكن يتخلف عن الرجوع لبلده و يقعد عندهم و ليس مجرد سفر للدراسة و لذلك رفضوه

اقتباس:

---

المشاركة الأصلية كتبت بواسطة 3adelnor

طيب يا اخ باسم مقلتش لصحابك ليه يروح السودان الشقيق , مش اي بلد احسن من مصر :)

---

زميلى و جارى فى الشغل (طبيب مصرى منوفى يعنى من الاسرة الحاكمة)هيصفى عقده السنة القادمة فى السعودية و هيروح السودان يكمل تعليمه

حقيقي انا بدأت اتخنق من المواضيع دي و خاصا اللي شايفين مصر حاجة وحشة !
والله العظيم انا مشفتش مين كاتب الموضوع بس بعد ما قريته طلعت تاني اشوف مين اللي كتبه و انا شاكك و طلع شكي في محله.

حضرتك استفدت ايه طيب ؟ يعني هل مثلا احنا مستنيين سفارة دولة تانية تقولنا ؟ ما اخويا اخدها بدون اي مشكلة من شهرين بس هو متجوز و عنده اولاد و ده دايما اقوى سبب لأي سفارة توافق عليك.

اتمنى اتمنى ان حضرتك لو شايف مصر زبالة كده -وجايز اكون انا غلطان- فأتمنى ان تحتفظ بالرأي لنفسك و الا ترغم غيرك به عن طريق المواضيع دي. و برضه بعيد ان ممكن يكون انا اللي فاهم مواضيع حضرتك و الغرض منها بشكل غلط.

اقتباس:

---

المشاركة الأصلية كتبت بواسطة 3adelnor

ودا تقرير نفس المؤسسة ايام حكم المعزول ربنا يفك اسره :)

موديز تخفض التصنيف الائتماني لمصر

موديز تخفض التصنيف الائتماني لمصر - bbc arabic

اضحكوا بقي علي اخبار المواقع الاخوانية :)

جريدة هجس الالكترونية كاتبه ايه

"بلومبرج": احتياطي مصر من النقد الأجنبي يصل لأدني مستوي منذ 2013

"بلومبرج": احتياطي مصر من النقد الأجنبي يصل لأدني مستوي منذ 2013

الفقرة الكوميدية "وأشارت إلى أن الشهر الماضي شهد انخفاضا في الاحتياطي الأجنبي بنسبة 7.7 %، ليبلغ أدنى مستوى له منذ يناير 2013، حيث أصبح 18٫5 مليار دولار"

شوفتوا الكوميدية الاحتياطي النقدي ايام المعزول كان وصل 13.6 والاحتياطي النقدي دلوقت 18.5 مليار

شبكة رصد بقي بتقول ان رقم 18.5 دا اقل من رقم 13.6

اهي المواقع دي اللي من نوعية شبكة رصد هي مصادر الاخوة اللي بيقعدوا يهروا ويقولوا البلد بتخرب


شكرا شبكة هجس الالكترونية :)

---

فترة حكم مرسي كانت اضر على مصر و الاخوان و من يسمون بالاسلاميين من فترة حكم مبارك و السيسي
حاكم لا يحكم

بلاش حد يبرز سلبيات البلد عشان في ناس بتتقمص :d

احنا اسفين ليكو و اللي عنده ايجابيات ياريت يبرزها

يا باشا و لا سلبيات و لا ايجابيات

احنا بنتكلم على الهدف من موضوع جديد مفتوح

انا كعضو فى المنتدى استفدت ايه او عرفت ايه جديد ؟؟؟!!!!

1) ان صاحبك ماخدش التأشيرة ............ و بصراحة ديه حاجة ماتهمنيش عشان ماليش فيها

2) ان السبب فى الموضوع ده مصر .......... مع ان لسه واحد قريبى دكتور واخد التأشيرة لألمانيا لغرض الدراسة و واحد تانى قريبى واخدها لأنجلترا ملتى انترى 5 سنين

فمواضيع مالهاش تلاتين لازمة ........... غير بس المشاحنات و المضايقات و تفريغ شحنة غضب صاحب الموضوع من البلد و خلاص

بس خلاص

ياجدعان دماغوكه
اه هيا غير مستقرة ماشى حاضر

اقتباس:

---

المشاركة الأصلية كتبت بواسطة باسم يوسف

طالما الاحتياطي النقدي ارتفع و قناه السويس الجديده اتحفرت... ليه مشوفناش نتائج ايجابيه حتي لو بسيطه علي المواطن المصري ؟

كل اللي احنا شايفينه .... خسائر متتاليه في البورصه و اعتصام افراد شرطه بسبب عدم صرف الحوافز بتاعتهم

---

هو ايه علاقة الاحتياطى بنتائج على المواطن
المفروض يعنى يمسكوا الاحتياطى يرموها من الهليكوبتر على الناس ولا نوزعها فى الجمعيات
الاحتياطى يعتبر ادخار للحكومة لاى مدفوعات مستقبلية
زيادته يعنى قدرة اكبر على مواجهة الازمات المستقبلية مش زيادة دخل

القناة فائدتها انها هتزيد ايرادات الموازنة
اللى بالتالى بتفيد حضرتك فى الخدمات العامة

بالتالى كلام حضرتك هدفه اثارة البلبة وبس

وتانى حاجة
التأشيرة مش بس تقييم للدولة
فيه تقييم للشخص
اللى شغله مستقر ومدته فيه كام سنة ودخله ثابت ولا لا
اللى معاه اولاد افضل من اللى مش معاه والمتزوج افضل من الاعزب
باختصار وجود اسباب تجعل عودته لبلده ضرورية
وصديق حضرتك اتذكر له اسباب شخصية تخصه هو مش بس اتقال ان بلدك مش مستقرة

اقتباس:

---

المشاركة الأصلية كتبت بواسطة باسم يوسف

طالما الاحتياطي النقدي ارتفع و قناه السويس الجديده اتحفرت... ليه مشوفناش نتائج ايجابيه حتي لو بسيطه علي المواطن المصري ؟

كل اللي احنا شايفينه .... خسائر متتاليه في البورصه و اعتصام افراد شرطه بسبب عدم صرف الحوافز بتاعتهم

---

علشان انت علي طول شكاي ومش بتشوف الا الوحش ومش عايز تشوف الكويس ,عايز تقنع نفسك ان البلد في النازل وعايز تقنع غيرك كمان بدا

عايز تشوف نتائج الكلام دا علي المواطن المصري , ماشي يا سيدي دي امثله

الكهربا اللي مبقتش تقطع زي الاول
علاج 120 الف مواطن مصري من فيرس سي حتي الان مجانا
تطوير معهد القلب
منظومة الخبز
منظومة التموين
وغيره كتير , بس اللي يشوف ويحس

اقتباس:

---

المشاركة الأصلية كتبت بواسطة sherifahmed

ياجدعان دماغوكه
اه هيا غير مستقرة ماشى حاضر

---

ردك فصلني ضحك :)

انا اسف لسيادتكم

البلد زي الفل

و انا اللي وحش

اقتباس:

---

المشاركة الأصلية كتبت بواسطة باسم يوسف

انا اسف لسيادتكم

البلد زي الفل

و انا اللي وحش

---

ايوا هو دا اللي انتم فالحين فيه
تسألوا وتقولوا فين البلد حتبقي كويسه وفين انها مستقرة ولما نرد عليكم بالارقام والتقارير تتخرسوا او تتريقوا
زي الاخ sfahmy6 قاعد يقول عايز حد عاقل ولما ردينا عليه بالارقام عامل فيها من بنها
وزيك برضوا مهو لما حد يفحمك ويرد علي هريك بتعمل كدا , بتعمل ميت وتكتفي بعمل اعجاب لمشاركات زمايلك :)

الارقام بتاعتك انعكست عليا كمواطن في ايه ؟؟؟ استفدت من الارقام دي بأيه ؟؟؟ مرتبي زاد مثلا ؟؟؟ بقه في رعايه صحيه كويسه مثلا ؟؟؟

البورصه عماله تخسر بقالها اسبوع و اضراب للشرطه في الشرقيه و الموضوع ده كارثه لوحده و الدولار داخل علي 8 جنيه

و عايزين يقنعوك بالعافيه ان البلد مستقره

ارحمونا بقه -_-

اقتباس:

---

المشاركة الأصلية كتبت بواسطة باسم يوسف

الارقام بتاعتك انعكست عليا كمواطن في ايه ؟؟؟ استفدت من الارقام دي بأيه ؟؟؟ مرتبي زاد مثلا ؟؟؟ بقه في رعايه صحيه كويسه مثلا ؟؟؟

البورصه عماله تخسر بقالها اسبوع و اضراب للشرطه في الشرقيه و الموضوع ده كارثه لوحده و الدولار داخل علي 8 جنيه

و عايزين يقنعوك بالعافيه ان البلد مستقره

ارحمونا بقه -_-

---

يا نهار اسود انت كمان عندك مشكلة في القراية ,يعني مش كفاية شايف البلد وحشه وكمان مش بتعرف تقري

"عايز تشوف نتائج الكلام دا علي المواطن المصري , ماشي يا سيدي دي امثله

الكهربا اللي مبقتش تقطع زي الاول
علاج 120 الف مواطن مصري من فيرس سي حتي الان مجانا
تطوير معهد القلب
منظومة الخبز
منظومة التموين
"

اعملهالك ورق حائط علشان تشفها كويس :)

ولا تكنش تقصد ان عايز حاجة ليك انت بالتحديد ,ماشي خلاص حبقي اكلملك السيسي يبقي يديك نسبة من ارباح قناة السويس تحطها في جيبك او نبقي نكرمشلك بكاوين من الاحتياطي النقدي :grinder:

تصدق وتؤمن بالله انتم خسارة الواحد يرد عليكم
الواحد يخاف علي مخه الا يصدي من كلامكم العميق دا :)

اقتباس:

---

المشاركة الأصلية كتبت بواسطة 3adelnor

يا نهار اسود انت كمان عندك مشكلة في القراية ,يعني مش كفاية شايف البلد وحشه وكمان مش بتعرف تقري تعليم مجاني ماسري معلش :)))

"عايز تشوف نتائج الكلام دا علي المواطن المصري , ماشي يا سيدي دي امثله

الكهربا اللي مبقتش تقطع زي الاول بتقطع كتير في الصعيد و القري الفقيره و انزل شوف بنفسك
علاج 120 الف مواطن مصري من فيرس سي حتي الان مجانا لا و الله ؟؟؟ و اتعالجو بجهاز العبقري بتاع الكفته و لا علاج سوفالدي المستورد ؟؟؟
تطوير معهد القلب
منظومة الخبز
منظومة التموين
"
منظومه التموين الجديده و كروت العيش من ايام هشام قنديل و اهه كلها افكار مسروقه من عهد مبارك يعني مش حاجه جديده في عهد السيسي

اعملهالك ورق حائط علشان تشفها كويس :)

ولا تكنش تقصد ان عايز حاجة ليك انت بالتحديد ,ماشي خلاص حبقي اكلملك السيسي يبقي يديك نسبة من ارباح قناة السويس تحطها في جيبك او نبقي نكرمشلك بكاوين من الاحتياطي النقدي :grinder:

---

لا متشكر اوي اوي و استمتعوا بال 200 مليار دولار لوحدكم

اقتباس:

---

المشاركة الأصلية كتبت بواسطة باسم يوسف

الارقام بتاعتك انعكست عليا كمواطن في ايه ؟؟؟ استفدت من الارقام دي بأيه ؟؟؟ مرتبي زاد مثلا ؟؟؟ بقه في رعايه صحيه كويسه مثلا ؟؟؟

البورصه عماله تخسر بقالها اسبوع و اضراب للشرطه في الشرقيه و الموضوع ده كارثه لوحده و الدولار داخل علي 8 جنيه

و عايزين يقنعوك بالعافيه ان البلد مستقره

ارحمونا بقه -_-

---

البورصة خسرانه من اكتر من أسبوع

بس مش عارف علاقتها ايه بضعف الاقتصاد
ياريت توضح ؟؟

يا جماعة استهدوا بالله
مبدئيا بس اعتقد هنا الناس القديمة عارفانى لكن عشان ابقى واضح كمان مرة
انا من الناس اللى متحبش المشاحنات و لا الخلافات و حريص على انى لا اكون طرف فيها
اعتقد كمان الاخ باسم كان ليا معاه كلام فى مواضيع مختلفة و عارف اسلوبى كويس
لذلك محاولة منى لفض الاشتباك
عندى كلمتين هوجههم للاخ باسم كان نفسى اقولهم له من زمان و اتمنى يقبلهم و اكون وضحتله جانب نفسى جايز هو نفسه مش منتبه له

بص يا اخ باسم
انت عارف ان انا اتمنى لك الخير و التوفيق فى محاولاتك للبحث عن الحياة الافضل. . . و عبرت لك عن كده كذا مرة قبل كده
لكن اللى انا ملاحظه
انك فى احيان كثيرة بتحاول تكتسب قوة الدفع للسير قدما فى موضوع هجرتك بطريقة سلبية
يعنى ايه
يعنى انت المفروض يكون دافعك الوحيد للهجرة هو البحث عن الحياة الافضل فقط لا غير. . . يعنى تبص لقدام و تتطلع لتحسين حياتك
لكن الملاحظة اللى عندى
انك بتحاول تعمل كده بشكل سلبى عن طريق انك بتعمل تكتيل لطاقة سلبية عن كل ما هو سلبى حولك و تحاول ان تستمد من ذلك قوة دفع
ودليلى على ذلك شحنات الطاقة السلبية اللى بتظهر بوضوح فى مواضيعك اللى بتعذب نفسك بيها و كمان مش كل اللى بيقرأها بيتفهم ما بداخلك
انا رأيى
انك بدل ما انت عمال تشحن نفسك بطاقة سلبية عشان تستمد قوة الدفع اللازمة لانك تنفذ موضوع مش سهل زى الهجرة
بدل ما تعمل كده
حاول تفكر بشكل ايجابى فى حياتك و ان بحثك عن الحياة الافضل يستحق الغربة و البعد عن اهلك. . . و هو ثمن كبير و ثقيل مهما حاولت بلا وعى ان تقلل منه حتى لا يعوقك عن تحقيق رغبتك. . . و حقك فى البحث عن حياة افضل ده مفروغ منه و لا يملك احد ان يحرمك منه

اتمنى تكون تفهمت وجهة نظرى و تقبلت الكلمتين بتوعى دول بصدر رحب و كمان تعيد نظر مع نفسك كده فى افكارك و مسارها و دوافعها. . . لان صدقنى انت لو بتستمد طاقتك على المثابرة من شحن سلبى. . . طب هتعمل ايه لما تزول اسبابه و تلاقى الدنيا اللى انت رايح لها مثلا متعبة برضه و مش زى ما انت متخيل. . . هتستمد طاقة المثابرة من ايه. . . من حاجة واحدة بس. . . قوة هدفك داخلك فى البحث عن الحياة الافضل فقط لا غير. . . لذلك ارجوك عيد نظر فى طريقة تفكيرك. . . لان التغيير اللى انت عايز تعمله فى العالم من حولك. . . يبدأ فى داخل رأسك انت اولا
اتمنى انى اكون قلت كلام واضح له معنى و وصلت المعنى اللى عايز اقوله لانى مش غرضى خالص مجرد الفلسفة الفارغة

استاذ امحوتب

انا فاهم قصدك كويس و متقبل كلامك بصدر رحب

بس انا قرفان من اللي بينكر الواقع اللي احنا عايشينه

كل واحد مش مضرور من شئ معين بينكر وجوده

معظم الناس بقي عندها لامبالاه عجيبه

شوف اللي بيحصل في لبنان اليومين دول

الناس بتتظاهر عشان الزباله في الشوارع

عارف ليه ؟؟؟

عشان هما عندهم مبالاه ... مش بينكروا الواقع بتاعم ... عايزين يعيشوا بكرامه ... عايزين يعيشوا في النضافه

هنا متلاقيش الكلام ده خالص الا قليل جدا

معظم الناس عايشه في الزباله عادي جدا و لا كأن في حاجه

و الله الواحد تعب من القرف اللي بيشوفه

اقتباس:

---

المشاركة الأصلية كتبت بواسطة باسم يوسف

استاذ امحوتب

انا فاهم قصدك كويس و متقبل كلامك بصدر رحب

بس انا قرفان من اللي بينكر الواقع اللي احنا عايشينه

كل واحد مش مضرور من شئ معين بينكر وجوده

معظم الناس بقي عندها لامبالاه عجيبه
ح
شوف اللي بيحصل في لبنان اليومين دول

الناس بتتظاهر عشان الزباله في الشوارع

عارف ليه ؟؟؟

عشان هما عندهم مبالاه ... مش بينكروا الواقع بتاعم ... عايزين يعيشوا بكرامه ... عايزين يعيشوا في النضافه

هنا متلاقيش الكلام ده خالص الا قليل جدا

معظم الناس عايشه في الزباله عادي جدا و لا كأن في حاجه

و الله الواحد تعب من القرف اللي بيشوفه

---

مع احترامى لكلامك. . . بس اسمحلى اوضح لك وجهة نظر الناس التانية اللى بتقرأ كلامك
انت واحد مهاجر. . . شايل الدنيا فوق راسك و زاعق ليه
ما اللى يبالى يبالى و اللى لا يبالى دى حاجة تخصه. . . هو انت هتغير الناس اللى حواليك و لا انت تقدر بس تغير من نفسك
انت واحد خلاص مش طايق و قررت تسيب الجمل بما حمل للى عايزينه و مبسوطين بيه. . . يبقى خلاص ركز على نفسك و طريقك و بس. . .و بطريقة ايجابية زى ما قلت لك. . . لأن الشحن السلبى مش هيضر حد غيرك انت
اما الناس. . . فأديك شايف. . . ابلغ تعليق انا شفته فى الموضوع ده. . . هو التعليق بتاع الاخ اللى قالك. . . اه مش مستقرة ماشى حاضر. . . يعنى اديك شايف استقبال الناس لكلامك اللى الناس حاسه انه مش متوازن. . . ليه. . . لأن مفيش فيه غير طاقة سلبية. . . لكن لو عايز تبقى متوازن. . . يبقى تعرض السلبى ان وجد و الايجابى ان وجد مهما كان صغيرا. . . اما اذا كنت لا تعرض الا السلبى. . . فلا تلوم الناس اذا لم تحسن استقبال كلامك

ملحوظة جانبية. . . طب اهو الجيش نزل الشارع فى لبنان. . . كويس كده. . . و هى اصلا بلد متخربأة طوائف و مذاهب و احزاب. . . مين اللى هيتحرق بنار كل ده زى ما حصل زمان فى الحرب الاهلية الا الناس اللى طالعة تتظاهر دى. . . يعنى الهدف نبيل بس التنفيذ فى بيئة زى دى يبقى اشعال لنار على صفيح ساخن اصلا و عظيم النار من مستصغر الشرر و هى مش ناقصة اصلا زى ما قالهم رئيس الحكومة النهاردة. . . بأن البلد على شفا الانهيار اصلا
تقبل تحياتى