الموضوع: مش عارفة اطلع رخصة

المشاركة الأصلية كتبت بواسطة إنسانة

انا محتاجة الرخصة مش عشان اعمل بالعربية خمسات
كل الحكاية اني هودي بنتي مدرستها واروح معهدي واكيد مش هعمل مشاويري بالريوس
بس البلد دي شتا 9 شهور وشتاها شديد البرودة ومثلج مش هقدر اطلع مواصلات ببنتي كدا
وزي ما وضحت دي قرية صغيرة مش متطلبة مهارات عالية في السواقة

حضرتك مجربتيش تسوقى خالص قبل كده و عايزة تجربى تسوقى لاول مرة فى دولة اوروبية و فى قرية صغيرة كمان ؟ على فكرة بقى معظم الطرق فى القرى الصغيرة فى اوروبا السواقة فعلا محتاجة حد بيعرف يسوق لأن الطرق دايما بتبقى ضيقة و بيبقى فيها ملفات جامدة جدا و فيها منها بيبقى فى وسط جبال يعنى مش طرق عادية زى الطرق اللى فى مصر .. ده غير اصلا ان فى اوروبا لو مش بتعرف تسوق او متعرفش قواعد السواقة و اساسياتها و اللى منها لا الحصر الاولوية فى المرور بسهولة جدا تعمل حادثة موت لأن الكل بيبقى معتمد ان اللى معاه فى الطريق بيعرف يسوق كويس و فاهم القواعد فمحدش بيبقى متوقع الخطأ من غير عكس مصر بتبقى عارف ان اللى جمبك ممكن يكسر عليك من غير سبب !!

حضرتك عايزة تبدأى حياة جديدة فى بلد محترمة احسن حاجة تحترمى القوانين من اجل سلامتك و سلامة بنتك و سلامة الاخرين