بعد استلام ال320 بشهرين اخيرا اقنعت والدي اني اخدها في رحلة لحد العين السخنه وهنا بدات الرحلة

العدد جوه الكابينه 4 بالغين وشنطة العربية تقريبا فل بس مش اوي وشغلنا المكييف اللى بعد تشغيله بلحظات بدأنا نشعر بوجوده

الموتور هادييييييييييييييييييييي جدااااااااااااا وبدانا وبعد البوبات وقفنا للحظات وبعدين بدانا جري وووصلت ل100 تقريبا في حدود 6ثواني وكسر تقريبا وبعد ال 120 حسيت ان في موتور تاني بدا يشد العربية مع الموتور اولاني وقدرت اول ل180 في 5 ثواني وكسر برده واقصى سرعه وصلتها 240 كيلو متر في الساعه وصوت الموتور ولا كأنه موجود وكنت بتكلم مع زميلي كأننا واقفين وحبيت اجرب تجربة فقمت فتحت فتحة السقف اللى نتجت عنها طيران بعض الورق المهم ومنها ورقة البوابة مع وجوود دوشة شدييييييييييده جدا اللى ذابت بعد قفل الفتحة تاني وفضلت على السرعة دي تقريبا نص ساعة ومع كل اللى عملنها الصفيحه عملت 200كيلو وكسر

اما عن الثبات فهو فوق الممتاز لدرجة اني خدت ملف شديد بعد جبل على سرعه 210 ومحستش باي لف وبعد الملف ده بشوية حصلت المفاجأة فوجئت بعربية في نص الطريق ماشية على سرعه 80 وبتهدي فدوست فرامل فجأة واللى ادى بدورة لانتباه رجال المرور ليه وسحب الرخصه ودي كانت اوحش حاجه في الرحلة بس العيب الوحيد اللى لمسته فيها اني وانا سريع بعد ال160 بسمع صوت العجل وهو بيجري على الطريق وده معجبنيش خالص فكنت عايز اسال المتخصصين هل ده عيب فيها ولا ايه؟؟؟

ثانيا حبيت اعدي عربية نقل وانا ماشي على 100 فدوست على الاخر تقريبا فترة طويله نسبيا فهل ده غلط على الموتور ولا ايه؟؟؟