تقريري ل byd f3 مانيوال 2015 بعد 1300 كيلو

بصرف النظر عن التوكيل وعيوبه ومشاكله لكن هقول مميزات وعيوب العربية

وهبدأ بالعيوب
1- الموتور صوته خشن او بمعنى ادق فيه حشرجة مقصدش صوته عالي إنما أقصد إنه في صوت خشونة وإحتكاك محشرج وده لا يليق بعربية زيرو كمان عزمه بيقل مع التكييف والمفروض إني ما أحسش بكده في عربية زيرو إلا بعد فترة
2-العدادات غير حساسة بالمرة وبتترعش واضح إن كبلاتها ضعيفة او ملمسة وده ما يصحش يكون موجود في عربية زيرو
3-دهان العربية خشن جدا وغير املس وجرب مشي إيدك عليه وده بيخلي العربية تتوسخ بسرعة ولونها يطفي علشان السطح خشن
4-العربية غير ثابتة في المنحنيات على السرعة العالية نسبيا أو في المناورات
5- أداء الفرامل سيء جدا بالنسبة لعربية بيقولوا إنها فيها abs و ebd وده مقارنة بعربيات تانية إنما لو قورنت بعربية بيجو 504 ولا شاهين تبقى فرامل مية مية
6-العربية خفيفة بداية من وصول السرعة ل100
7- الحزام حرافه ناشفة جدا ممكن يعلم عليك لو لبسته فترة طويلة وخامات الصالون رديئة
8-الأبواب لازم تترزع علشان تقفل كويس وصوت طلوع ونزول الإزاز خشن بردو
9- العفشة رغم إنها ناعمة إلا إنها مش عجباني بسمع صوت صوصوةفي السلانسيه تخبيط حاجة خفيفة لو طريق مكسر ومعتقدش إنها هتصمد باداء كويس عند 10 ألاف
10- الدركسيون خفيف لكن لدرجة سيئة جدا بتلاقي إنك لو بتلف في الركنات بتوصل لآخره من غير أي إحساس ومرة واحدة دب تحس إنه هيتقطم اول ما يخلص لقته وبيخبط في حاجة شكلها حاجة ضعيفة كإنك راكب عربية في ملاهي
11- التوكيل ما بيعرفوش يعالجوا حاجة زي معظم التوكيلات في مصر


المميزات:
1- التكييف كويس
2- القعدة مريحة لكن مش أوي
3-التحكم في أبعاد العربية سهل
4- عالية طوال ما أنت مش مركب إنما لو ركبت أوزان بتنزل تحت ودي التاكسي بيعالجوها بتعلية بحلقات أو حاجة زي كده
5-الشنطة وسع خيالي ممكن تنزل تلعب فيها كورة

اقتباس:

---

المشاركة الأصلية كتبت بواسطة hossam102000

بصرف النظر عن التوكيل وعيوبه ومشاكله لكن هقول مميزات وعيوب العربية

وهبدأ بالعيوب
1- الموتور صوته خشن او بمعنى ادق فيه حشرجة مقصدش صوته عالي إنما أقصد إنه في صوت خشونة وإحتكاك محشرج وده لا يليق بعربية زيرو كمان عزمه بيقل مع التكييف والمفروض إني ما أحسش بكده في عربية زيرو إلا بعد فترة
2-العدادات غير حساسة بالمرة وبتترعش واضح إن كبلاتها ضعيفة او ملمسة وده ما يصحش يكون موجود في عربية زيرو
3-دهان العربية خشن جدا وغير املس وجرب مشي إيدك عليه وده بيخلي العربية تتوسخ بسرعة ولونها يطفي علشان السطح خشن
4-العربية غير ثابتة في المنحنيات على السرعة العالية نسبيا أو في المناورات
5- أداء الفرامل سيء جدا بالنسبة لعربية بيقولوا إنها فيها abs و ebd وده مقارنة بعربيات تانية إنما لو قورنت بعربية بيجو 504 ولا شاهين تبقى فرامل مية مية
6-العربية خفيفة بداية من وصول السرعة ل100
7- الحزام حرافه ناشفة جدا ممكن يعلم عليك لو لبسته فترة طويلة وخامات الصالون رديئة
8-الأبواب لازم تترزع علشان تقفل كويس وصوت طلوع ونزول الإزاز خشن بردو
9- العفشة رغم إنها ناعمة إلا إنها مش عجباني بسمع صوت صوصوةفي السلانسيه تخبيط حاجة خفيفة لو طريق مكسر ومعتقدش إنها هتصمد باداء كويس عند 10 ألاف
10- الدركسيون خفيف لكن لدرجة سيئة جدا بتلاقي إنك لو بتلف في الركنات بتوصل لآخره من غير أي إحساس ومرة واحدة دب تحس إنه هيتقطم اول ما يخلص لقته وبيخبط في حاجة شكلها حاجة ضعيفة كإنك راكب عربية في ملاهي
11- التوكيل ما بيعرفوش يعالجوا حاجة زي معظم التوكيلات في مصر


المميزات:
1- التكييف كويس
2- القعدة مريحة لكن مش أوي
3-التحكم في أبعاد العربية سهل
4- عالية طوال ما أنت مش مركب إنما لو ركبت أوزان بتنزل تحت ودي التاكسي بيعالجوها بتعلية بحلقات أو حاجة زي كده
5-الشنطة وسع خيالي ممكن تنزل تلعب فيها كورة

---

اولا ربنا يباركلك فيها ويديك خيرها ويكفيك شرها.
ثانيا بعض العيوب اللي عند حضرتك ممكن تكون فردية ويمكن محاوله اصلاحها خلال الصيانة ولي بعض التعقيبات بما ان العربية دي مع اخويا وحشارك بأرائي للافادة العامة.

١- الموتور فبداية فترة التليين صوتة مرتفع نسبيا ولكن بعد اول فترة صيانة وتغيير الزيوت صوته اختلف تماما ودا طبعا لان تغيير الزيت الملئ بفتتات الاحتكاك بيفرق كتيير وبالنسبة للقوة والسحب بسم الله ماشاء الله حدث ولا حرج بس يعيب تصميم الموتور ان قوة وعزم الموتور عند عدد لفات عالي يعني لازم تغيير علي اربي ام مرتفع .
٢- العدادات سهلة وواضحة ومافيهاش كلاكيع وممكن حضرتك فالصيانة تغليهم يأكدوا علي الجاكات والوصلات والسوكيت بتاعتهم.
٣- اتفق معاك ان الدهان مش حلو بس مش سيئ للدرجة دي وكان لازم حضرتك وانت بتستلم تشوف الكلام ده لانه ممكن يكون عيب فردي.
٤-اختلف مع حضرتك في موضوع الثبات العربية بامانة راسية جدا واستابيلتي رائعة وكنت راكب مع اخويا وكان بياخد ملفات علي ١١٠ و١٢٠ ولا حاسين بحاجة وبالنسبة للقرص والجري لحد ١٥٠ كانت العربية راسية ولا بتعوم ولا اي حاجة.اخويا اول مستلم العربية ومروح العربية كانت مرجيحة وبتعوم وكان مهموم جدا تناني يوم نزل ظبط ضغط الكاوتش اللي كانت كل فردة بضغط لوحدها وخلاهم كلهم علي ٢٨ العربية اتحولت من مرجيحة لدبابة راسية ومتزنة.راجع ضغط الكاوتش خليه علي ٢٨.
٥- اداء الفرامل مقبول وان كان يحتاج الي تظبيط ودا راجع الي نوع التيل السيئ.
٦-انا شايف العربية راسية ومتزنة زي ماقولت فالنقطة اللي فاتت.
٧- فالصيانة خليهم يبصوا علي بكرة الحزام لانها محتاجة تترجليش او تتغير. بالنسبة لموضوع الخامات انا شايفها احسن من غيرها كتير بص كدة علي اللانوس والفيرنا وحاتشوف الفرق الشاسع فالخامات والنضافة.
٨- الابواب تقيلة ولكن لا تحتاج للرزع زي الايمجراند بالعكس باقل دفع بتقفل.فصيانة الالف خليهم يظبطوها.
٩-العفشة جيدة جدا ولا هي ناشفة قوي ولا ناعمة قوي فتديك احساس بالراحة والثبات في نفس الوقت.
١٠-الدريكسيون انا شايفة تقييل عن عربيات تانية واخويا حاسس ان العربية مافيهاش باور لانة قعد فترة طويلة راكب بريليانس v5 وطبعا باور كهربا زي المستيكة مش هيدروليك فحاسس بفرق كبير .
١١- اتفق معاك جدا فموضوع التوكيل المنيل بنيلة.

أستاذ محمد أنا هرد على تعليق حضرتك في بعض النقاط بنفس ترتيبك
1- أنا ما قصدتش علو صوت الموتور بعد صيانة الألف او قبلها أنا إتكلمت على صوت خشونة وحشرجة في الموتور بصرف النظر عن إرتفاعه أو إنخفاضه
2-العدادات واضحة لكنها بتتعش ساعات وده دليل على عدم دقتها خاصة بتاع البنزين
3- أنا لما أتكلمت على الدهان ما أقصدش غلطات في الدهان أو تسييل بوية إنما أقصد ملمس سطح العربية خشن مشي صباعك على كبوت عربية أي ماركة تانية وبعدها مشي صبعك على كبوت العربية بتاعتك وإنت هتفهم قصدي وهزود عيب كمان وهو الإزاز رديء وما بنضفش بسهولة لإنه بردو خشن
4-أنا ظابط الكاوتش على 30.5 زي ما الكتاوج بيقول والثبات مش وحش إنما بردو مش حلو خاصة في المناورات
5- اداء الفرامل حدث ولا حرج وأنا عامل لسة موضوع متكلم فيه عن إن الabs في البي ولاي دي خدعة مش أكتر ياريت تدخل على الموضوع لإنه عن تجربة أمس
7- بالنسبة للحزام حواف الحزام حادة زيادة عن اللزوم يتهيئلي في حاجة بتتباع بتتلف حواليه علشان ما يعملش في جسمك

مع احترامى انما ولا كلمة صح من اللى بتقولها عندى وكمان ناس تانية معايا عرضت عليهم كلامك وبقوا مستغربيين اتأكد من عربية خضرتك كويس لان المشكلة شكلها عندك انت بس

ما هو يا إما أنا داخل أخرف وما ركبتش العربية دي ولا دفعت فلوسها يا إما حضرتك اللي داخل تغروش وخلاص وسيب كلامي وكلامك وخلي ملاك 2015 يحكموا مين فينا كلامه اللي صح وبلاش طريقة الإنكار وإن العربية دي حكاية ويا سلام لإن الكلام ده اللي لبسني في الحيط وخلاني أشتريها

يعني نشتري ولا بلاش

كل عربية وارد بيبقى فيها مشاكل وحضرتك تحكم على العربية بعد صيانة الالف ولو متظبطتش روحل للتوكيل تانى واقرفهم لحد ما تتظبط .
بس للامانه هى مش وحشه للدرجة اللى انت وصفتها بيها دى .

مش هيا دي العربيه ايللي قولت مافيهاش abs او مش شغال وانو كدبه كبيره وعايز ابيعها؟؟؟؟؟
طالب فيها كام؟

http://www.nilemotors.net/Nile/474999-abs-byd-f3.html

http://www.nilemotors.net/Nile/474902-a.html

هيا كل العيوب ايللي فاتت ولا انها بتحدف يمين ولما عملت صيانه حدفت شمال ولا abs مش شغال
هوا فيه عيوب تانيه في مواضيع اخري؟؟؟ياريت تحطها ويكون مرجع لإخوانا ملاكها علشان يستفيدوا بخبرة حضرتك في عيوب ال BYD
تقبلل مروري

أستاذ رامي
التقرير اللي كنت كاتبه كان بعد صيانة الألف وكنت عامل تقريبا وقتها 1300 وخلال الفترة اللي قبلها ما جرتش فرامل العربية على سرعة كبيرة لكن أول ما موضوع الفرملة ده حصل معايا تاني يوم نزلت موضوع ال abs
ولو العربية فضلت معايا لغاية صيانة ال 5 ألاف هقولهم عليه في التوكيل وهبقى أبلغكم إيه اللي حصل ولو إني عارف إنهم مش هيعملوا حاجة بل ممكن الوضع يبقى أسواء بس علشان أعرف الناس هنا إنها مش مشكلة فردية بس هعمل زي ما طلبوا مني وهروح التوكيل مع صيانة ال5 إن شاء الله وهطلع حد يجرب معايا ال abs
وبالنسبة للحدفة هي مش جامدة أوي وهي لسة موجودة وهروح لحد بتاع زوايا يظبطهالي طالما هما معرفوش ولو إستمرت بعدها بردو هقولهم في صيانة ال5 وعارف إنهم بردو مش هيعرفوا يظبطوها

في ميزة نسيت أذكرها وده إحقاقا للحق وهي إن قطع غيار البي واي دي تعتبر ببلاش بالنسبة لقطع غيار عربيات تانية ...أنا بتكلم عن ال f3 ومعرفش عن ال l

اقتباس:

---

المشاركة الأصلية كتبت بواسطة hossam102000

أستاذ رامي
ا بس علشان أعرف الناس هنا إنها مش مشكلة فردية بس هعمل زي ما طلبوا مني وهروح التوكيل مع صيانة ال5 إن شاء الله وهطلع حد يجرب معايا ال abs
وبالنسبة للحدفة هي مش جامدة أوي وهي لسة موجودة وهروح لحد بتاع زوايا يظبطهالي طالما هما معرفوش ولو إستمرت بعدها بردو هقولهم في صيانة ال5 وعارف إنهم بردو مش هيعرفوا يظبطوها

---

ربنا يباركلك في العربيه
ماحدش قال لحضرتك روح التوكيل علشان تثبت انها مش مشكله فرديه؟؟؟
والله الناس نصحت حضرتك علشان مصلحتك و ده الرد الطبيعي على مشكلتك ان فيه اخ واقع في مشكله والزملاء تقولوا يعمل ايه
انما مش واحد يقولك لأ abs شغال والعربيه فراملها حلوه تقولوا يعني انا بكدب؟؟؟؟؟؟؟؟؟؟؟؟؟؟؟؟؟
لأ طبعا قصدوا انك ماتسيبش حقك وتروح ترجعها لوضعها الطبيعي
انا او غيري من الزملاء مش داخل علشان اكدب ده ولا اطلع القطط الفاطسه في ده انا داخل استفيد واعرف حل لمشكله بتواجهني اخ ليا قابلتوا ولف وتعب ينقلي خبرته ويقولي بدل ما تلف زيي من الاخر اعمل كزا
ربنا يباركلك في العربيه تاني ويصلح حالها
بس انت بردو ماقولتليش هاتبيعها بكااااااااااااااااااااااا ااااااااااااام؟؟؟؟؟؟ههههه ههه

أنا مش عايز أخسر فيها أنا رخصتها 3 سنين بأكتر من 1500 جنيه والعربية ماشية 1500 وعملتلها فرش ب 1500 وشاريها ب 82 يعني وقفت عليا كده لغاية دلوقتي ب85 ألف أنا عايز فيها ال 82 اللي دفعتهم واللي هياخدها يبقى كسب الفرش والترخيص والعربية الحمد لله مفيهاش خربوش ولسة الكراسي بالكياس بتاعتها

ربنا يوفقك في البيع

يا جماعة أنا شارى f3 فى شهر أغسطس 2015 والعربية فى أول أسبوع رائعة بس بعد كده لقيت فعلا صوت خشونة وصوت عالى فى العربية زى ما قال الأستاذ hossam 102000 وكنت بعمل صيانة الألف كيلو وقلت للمركز عليها وقالو إن العربية كويسة وده مش مضبوط لأن سحب العربية اتأثر كتير عن أول مرة جت فيها لدرجة إنى وديتها لميكانيكى بره على هذا العيب وعلى نتشة فى الموتور مع الكبس وقالى إن البوابة عايزة تضبط على الكمبيوتر وبصراحة ندمت إن جبت عربية صينى لأنه قالى إن الصينى خشن والماكينة بتريح بعد فترة قصيرة ومش عارف بالأمانة مين الصح ومين الغلط وأنا خبرتى قليلة جدا جدا فى موضوع السيارات ده وشكلى كده هأضطر أروح لتوكيل القطامية علشان المصيبة الكبرى إلى اسمها ضمان وهو من الآخر غيار زيت وفلتر بضعف الثمن لكن خبرة فى الصيانة لا أعتقد . يا ريت إلى عنده حل يقولوا وشكراااااا