شرح بالخطوات حل مشكلة ارتفاع الحرارة بعد 120 كم/س ...

**ramadanshehatt** · 26-08-2015 11:49 AM

المشاركة الأصلية كتبت بواسطة غزلة

اولا مبروك على حل المشكلة وثانيا انا مش عارف ازاي طرمبة كانت شغالة و هي في الحالة دي

الله يكرم ياباشا .... هى للاسف كان فاضل فيها ريشتين بس ومكسورين وبالتالى كانت بتقلب فى السرعة العادية والسلنسيه لكن مع السرعات ... العربية بتحتاج تقليب ميه عالى ودة ماكنش بيحصل

**ramadanshehatt** · 26-08-2015 11:50 AM

المشاركة الأصلية كتبت بواسطة monamize4

الحمد لله ان الموضوع اتحل ,, مشكلة السخونة من اكتر المشاكل المتعبة ف العربيات
واضح ان الطلمبة القديمة كانت مش طلمبة اساسا :) ,, هل كانت القديمة بتطلع صوت ?

شكرا لمرورك ... الطلمبة مكانتش بطلع صوت وكانت ناعمة جدا لما تحركها بايدك بس زى مانت شايف مكانش فيها ريش من جوه خلاص ... وبواقى الريش كانت بتحرك الميه بس تقليب ضعيف

**ramadanshehatt** · 26-08-2015 11:53 AM

المشاركة الأصلية كتبت بواسطة د.هشام

مبروك على حل المشكلة
أعتقد أن اللي صعب الموضوع أن الطلمبة القديمة كانت شغالة بس كانت ضعيفة
وشكرا على نقل التجربة، ومتزعلش على المصاريف، الحمد لله انها جت على قد كدة

فعلا اكتر من حد شافها ومكانش قادر يفكر فى الطرمبه لانها كانت بتحرك الميه والعربية واقفة والحرارة مكانتش بتعلى لان العربية مش محتاجة حركة ميه عالية دة غير ان سخونة الميه بتسهل خروجه من فتحة الخارج من الموتور فتديلك احساس ان ضغط الطرمبة كويس ...

الحمد لله وشكرا لمرورك

**ramadanshehatt** · 26-08-2015 11:55 AM

المشاركة الأصلية كتبت بواسطة hugan

ممتاز
اكيد الطلمبه تقليبها كان ضعيف جدا علي السرعه العاليه

هو دة فعلا اساس المشكلة

**Moataz Slaeh** · 26-08-2015 12:10 PM

انا معايا نفس العربيه وعندي نفس المشكله ومشيت نفس خطواتك بس ازيد عليك اني غيرت الحسسات، لدرجه اني زهقت وفكرت ابيع العربيه واخلص ياريت ياريت تقولي عمله معاك ايه دلوقتي

**ramadanshehatt** · 26-08-2015 04:52 PM

المشاركة الأصلية كتبت بواسطة moataz slaeh

انا معايا نفس العربيه وعندي نفس المشكله ومشيت نفس خطواتك بس ازيد عليك اني غيرت الحسسات، لدرجه اني زهقت وفكرت ابيع العربيه واخلص ياريت ياريت تقولي عمله معاك ايه دلوقتي

شوف انا خلصت شغل فيها من يومين والحمد لله الى الان الدنيا مظبوطة .... اصبر كدة 10 ايام كمان واقولك ايه الاخبار .. وادينا مع بعض فى المنتدى ونشوف

ومن ضمن اسباب الحرارة :
- راجع سير الكاتنية ممكن يكون مأخر او مقدم
- سرعات المراوح
- علبة البيئة لو مسدودة

انا بفكر معاك فى باقى الحاجات علشان نستبعد المشاكل اللى ممكن ترفع الحرارة

**Moataz Slaeh** · 26-08-2015 05:26 PM

المشاركة الأصلية كتبت بواسطة ramadanshehatt

شوف انا خلصت شغل فيها من يومين والحمد لله الى الان الدنيا مظبوطة .... اصبر كدة 10 ايام كمان واقولك ايه الاخبار .. وادينا مع بعض فى المنتدى ونشوف

ومن ضمن اسباب الحرارة :
- راجع سير الكاتنية ممكن يكون مأخر او مقدم
- سرعات المراوح
- علبة البيئة لو مسدودة

انا بفكر معاك فى باقى الحاجات علشان نستبعد المشاكل اللى ممكن ترفع الحرارة

انا عملت كل الحاجات دي بتظبط كام يوم وبترجع تاني

**ahmed9003** · 04-09-2015 10:30 AM

الحمد لله

انا غيرت الريداتير وجربت كدا تجربة حوالى عشرة كم على سرعة 120-130 وانا مشغل التكيف والحمد لله

العربية ماسخنتش منى ولا مؤشر الحرارة اتحرك من مكانه (فضل واقف بين النقطتين)

ورغم انى كنت منضف القديم والراجل بتاع الريداتيرات فكه ونضفه بالسيخ ومكانش فيه ولا خرم الا انه من الواضخ انه كان سبب المشكلة اللى بعانى منها من سنتين

**crazy car** · 04-09-2015 03:57 PM

ها يا باشا ايه الاخبار
كنت بتحط مياه عادية الاول

**ahmed9003** · 06-09-2015 03:23 PM

المشاركة الأصلية كتبت بواسطة crazy car

ها يا باشا ايه الاخبار
كنت بتحط مياه عادية الاول

انا حابب اشكرك وربنا يجازيك خير على اهتمامك وردك على مواضيعى

انا فعلا كنت بحط ميه عادية فى الاول ودلوقتى بحط ميه خضرا (موبيل) بس الراجل بتاع الرادتير بيقول الميه ديه بتبقى حامية على الراداتير فانا قولتله حطها وقولت ابقى اسأل بعد كدا

انا بسمع ان احسن ميه هى الميه اللى جاية من التكيف بتاع البيوت (ميه مقطرة) والله اعلم