الحمد لله انا اعتبر نفسى مواطن شريف و عارف واجباتى و حقوقى و احاول قدر الامكان العمل بما يرضى الله و الوطن ولكن......شركة الكهرباء عايزانى انحرف , انا عندى تكييفين فى البيت و معدل استهلاكى الشهرى حوالى 300-400 جنيه شهريا و انا مش معترض طيب المشكلة فين , الشركة بتعمل جمعية على حسابى الفاتورة بتيجى اقل من المعدل بمراحل و تتراكم على قيمة الاستهلاك الفعلى يعنى الوصل عليه قراءة و تختلف عن واقع قراءة العداد بارقام فلكية لو مخدتش بالى السنة الماضية مره جتلى فاتورة 1850 جنية تراكمات 3 او 4 شهور المرة دى الفرق فى القراءة اكثر من 3000 كيلو يعنى بقت مبلغ محترم و علشان مفيش قارئ عددات فيه محصل فقط بقيت اودى القراءة بنفسى للموظف المختص و لما سألت قال مفيش قراءات جتله و انا ميديهاله بنفسى ....طيب اعمل ايه واحد ظريف فى الشركة قال لى اشترى دماغك و اعمل كوبرى و مكنتش اعرف يعنى ايه قلت له يعنى ايه كوبرى طلع معناه وصلة لسرقة التيار طب و النبى ده كلام يا هم يسرقوا و يدخلونى فى شرائح عالية يا انا اسرق و اعمل كوبرى و الله الموضوع بقى ممل و احساسى انى بتعامل مع عصابة مش شركة كهرباء مفيش حل يا جماعة