أشتري جين 2 و لا هوندا سيتي

**eng_mohamedagamy** · 20-11-2008 06:27 PM

سيادتك الهوندا 2009 اغلى من الجين 2 ، بس عمرك ما ح تلاقي سيارة فيها كل المميزات ، اهم حاجة تستخير ربنا و هو ح يوفقك

**yoyo_saleh** · 20-11-2008 07:31 PM

المشاركة الأصلية كتبت بواسطة agamy74

اهم حاجة تستخير ربنا و هو ح يوفقك

كلام سليم 100% .. و الخيرة فيما أختار الله

**momenhamdy** · 20-11-2008 08:14 PM

طبعاً اعتقد ان في اراء كثيره جداً الوقتي عند حضرتك
ناس بتقول الهوندا سيتي
و ناس بتقول بروتون جين 2
و بصراحة الاراء كلها محترمه و وجهات النظر كمان محترمة جداً جداً من ناس فعلاً بتفهم كويس في مجال السيارات
و انا شايف ان الوقتي انت الي معاك القرار في الشراء
وربنا يوفقك الي الخير دائماً

**mayki4u** · 21-11-2008 02:41 PM

أنا كنت عايز أقول حاجه فى حكاية المستعمل
انا كان معايا مبلغ محترم واتعرض عليا اشتري عربيات كتيير مستعمله وكسره زيرو بس الاغلبيه نصحونى بالزيرو عشان تتعود عليها وتتعود عليك وتتلافى اى مشاكل للموضوع دي حاجه والحاجه التانيه انه فى واحد اعرفه اشتري عربيه كسر زيرو وماشيه 1500 كم فوجىء انه العربيه راكب فيها شاسيه غير شاسيه العربيه اصلا وكانت معموله بشكل ميلفتش الانتباه اصلا .
فى نقطة فرق برضه كنت عايز اوضحها انه الجين 2 110 حصان والسيتي 1300 90 حصان
ثم مادام دخل تووووت باشا كبير الجيناويه ومؤمن باشا وانا يبقى هتشتري الجين 2
وخللى بالك مزجنجى لسه معرفش بالموضوع دا .

وفى النهايه القرار قرارك
__________________

**yoyo_saleh** · 22-11-2008 02:51 PM

السلام عليكم

لا أجد كلمات أعبر بها عن شكري لكل من شارك برأيه في في الإجابة علي تساؤلي و لكن هذا ليس بغريب علي الشعب المصري الكريم و علي الأخوة أعضاء هذا المنتدي.

أكرر شكري و أتمني أن أطلعكم قريبا علي نتيجة أختياري.

**magedmorshidy** · 06-12-2008 09:39 PM

يا جماعة الهوندا دي تاريخ عريق ,,, طبعا السيتي وأنت مغمض فهي أنعم من الجين وأوسع بكتير كسيارة عائلية فيها أكبر ضندوق امتعة في فئتها 500 لتر وأشيك تابلوه وتصميمها الخارجي بعد تعديله في سنة 2006 بقي راقي جدا (رأي شخصي طبعا) والتكنولوجيا اليابانية موثوق فيها جدا فعندك مثلا معدل استهلاك الوقود هايكون منخفض جدا , توكل علي الله وزي ما بيقولوا خليك في المضمون, وعلي فكرة الحق الموديل الحالي من السيتي لأنه بيخلص خلاص والشكل الجديد 1500 سي سي بس وسعره هايكون بين 110 و 120 ألف فالموديل الحالي فرصة مش هاتتعوض بالسعر ده.