السؤال هنا بالنسبة لسعر Frv<<<<

**mazagngi2010** · 19-11-2008 04:48 PM

كلاكيت تالت مره
هكرر ردى تانى
بصراحه انا بخاف ارد فى المنتدى ده بس فيه ردود كتيييير نرفزتنى خصوصا على العربيه دى
-لوكانت التوكيلات دى محترمه وفيها شفافيه بجد وبتخاف من العملا مكناش ضيعنا كل الوقت ده فى معرفه اصل وفصل الموتور وكان زماننا بنتكلم على باقى العربيه
-لوكانت التوكيلات محترمه مكنتش-التوكيلات مش انا- بدات ترفع سعر العربيه كده من اولها من غير سبب
-لو التوكيلات محترمه مكنتش -برضه التوكيلات مش انا طبعا- تغالى قوى فى سعر العربيات قوى جدا زى اللوجان اللى تعتبر من ارخص العربيات فى اوروبا وتتباع هنا بالغالى رغم انها ممكن تتوردلنا ارخص كمان من المغرب ده غير طبعا جميع اسعار الصينى
-لو كنا بقى فى بلد .......(مليش فى السياسه)مكنتش العربيات دى كلها دخلت اساسا قبل ماتكون خدت الموافقه انها تدخل اوروبا خصوصا بالنسبه للامان والسلامه (سيبك طبعا من رفض دخولها بسبب تقليد الاشكال لاننا اساسا فى الصناعه بطيخ فمش فارقه معانا)
وعندكم فى الجيلى والكتكوته والليفان وكان فيه واحده شبه اللانوس تبع غبور باشا وواحده شبه السيتروين وحاجات تانيه كده غريبه والناس بتقول هييييييييييييييييييه عربيه فيه قزاز كهربا
بلا غم

-لو كنا احنا.......(علشان اللى بيحبها ميزعلش منى) مكناش اشترينا عربيه من غير مانشوف لها اى كراش تست معترف بيه بالذات euro ncap
-لو كان تفكيرنا محترم مكناش نقول العربيه فيها 2 ايرباج وebd و abs بالتالى الحمايه فيها اكتر من اللانوس مثلا او اى ماركه تانيه معروف لها اصل واطحنت اختبارات قبل ماتدخل البلاد التانيه المحترمه
هيعمل ايه الاير باج والكلام الفارغ ده كله ساعه التصادم لو تصميم الشاسيه وخامات الهيكل رديئه جدا ولكم فى فضايح الصينى على يوتيوب عبره
فيه ناس هتقولى وانت مالك ياحشرى فلوس زايده عندنا
مش هرد واقول هيا فلوسك حرام علشان ترميها فى القرف ده بس هقول يا جماعه خافوا على سلامتكم اهم وسلامه اللى هيركبها
والاعمار بيد الله
زمان دلوقتى فريد الطوبجى وابو الفتوح وكل وكيل صينى بيشرب نخب البلد اللى ناسها محترمين
بس خلاص
باحترام مزاجنجى2010

**mohamed_fatouh** · 19-11-2008 05:17 PM

اسحبوووووووووا فلوسكم و خلوهم يشربووووووووها و صدقونى هترخص 10000ج موش 5000 بس هما بيفتكرونا شعب ساذج و لاقى فلوسة فى الشارع البلد داخلة على ركود اقتصادى و مفيش حد بيشترى حاجة وهمة جايين يغلوا العربية بدل مايحمدوا ربنا ان حد بيشترى فى الايام دى و دى غلطة اتمنى انهم يدفعوا تمنها

و لو لمرة و قفة رجالة نتحاكى بيها :k26:

**castelo** · 19-11-2008 06:14 PM

يا جماعه اساسا احنا عارفين ان العربية حتغلى و الاعلان كان نازل انو سعر ترويجى لفترة محدودة انا مش مع ان العربية تغلى بس الفكرة انو مدحكش عليك صحيح انو السعر دا مفدلش كتير و الفترة كانت اصيرة اوى و مسلمش ناس كتير بس هو من الاول قايل انو لفترة محدودة

**ZIMOFOX** · 19-11-2008 06:32 PM

يا قوم
عشان تكونوا فى الصورة
العربية نزلت رسمى يوم27/10/2008 كل الى حجز ايام 27 و 28 و 29 و30 و31 كل دول اتكتب على ايصالاتهم 5000 مقدم الـ 69900 السعر الترويجــــى لل FRV
والسعر ثابت
اما بعد كدة فمكنش بيكتبوها بتاتا موضوع تثبيت السعر
وعلى العموم قدر الله وماشاء فعل
بس المهم السعر هيزيد تانى ولا ايه؟
هل المفروض تروحوا باالايصالات تانى تكتبوا عليها مع تثبيت السعر الجديد
مع العلم ان فعلا الناس ديه مضحكتش عليكم
لان السعر كان ترويجى فعلا لفترة محدودة

**moustafamoussa** · 20-11-2008 12:23 AM

والــــــــــــــــــــــ ــــــــــــــــــــلة انا قرفــــــــــــــــــــــ ـــــــــــــــــــــــــ ــــــت .......

**karkar** · 20-11-2008 12:52 AM

الدنيا كلها رخصت واحنا عندنا غلينا الاسعار لمجرد الاستغلال
اياكش تولعععععععععععععععععععععع عععععععععع

**batool2008** · 20-11-2008 11:25 AM

المشاركة الأصلية كتبت بواسطة ZIMOFOX

يا قوم

عشان تكونوا فى الصورة
العربية نزلت رسمى يوم27/10/2008 كل الى حجز ايام 27 و 28 و 29 و30 و31 كل دول اتكتب على ايصالاتهم 5000 مقدم الـ 69900 السعر الترويجــــى لل FRV
والسعر ثابت
اما بعد كدة فمكنش بيكتبوها بتاتا موضوع تثبيت السعر
وعلى العموم قدر الله وماشاء فعل
بس المهم السعر هيزيد تانى ولا ايه؟
هل المفروض تروحوا باالايصالات تانى تكتبوا عليها مع تثبيت السعر الجديد
مع العلم ان فعلا الناس ديه مضحكتش عليكم

لان السعر كان ترويجى فعلا لفترة محدودة

طيب أنا حجزت يوم 31/10 معنى كدة إني العربية ما تغلاش عليا؟

مش فاهم بقى يعني أعمل ايه!!!