تعببااااان في اختيار شارك ولا النترا ارجوووكم المساعدة لوجه الله

**4fun14** · 30-08-2015 01:05 PM

فئه الالنترا اللى انت بتتكلم عليها دى مفهاش abs وده عيب ضخم
الالنترا هتتبهدل ف شوارعنا عشان واطيه ع الارض وهتحك ف كل المطبات وده برضه عيب ضخم "وده تحديدا اللى خلانى افضل الشارك عليها"
بس من ناحيه الدلع اكيد الالنترا هتدلعك اكتر
انا كنت مكانك من 4 ايام واخترت نفس فئه الشارك اللى عاجباك اللى ب 158 الف..مش تاعبنى فيها غير انها بدون بلوتوث وقله مساحه التخزين

**ماجد سليمان** · 30-08-2015 02:16 PM

ياااااااااااااااا انا كنت فى نفس حيرتك بين الالنترا و الشارك و فى الاخر رسيت على الشارك الحمد لله
الفئة اللى حضرتك بتتكلم فيها 158000 ( فيها فتحة سقف - طارة مالتى - طارة و فتيس جلد - abs - جنوط سبور 16 - تكييف اتوماتيك - cd اصلى - اوكر نيكل داخلية - فرش جلد للابواب - ابانوس اسود لامع ) خليجى سعودى بضمان الرواس و لا قصدك حاجة تانية موديل 2015

**kemoelord** · 30-08-2015 04:13 PM

المشاركة الأصلية كتبت بواسطة alaa_el_nagar

يا جماعة انا متشكر اوي علي ردكم عليا و فعلا انا اخترت الشارك

و تيجي الحيرة خليجي و لا وكيل
ولو خليجي اجيب شرق اوسط ولا سعودي و لا اجيب منين

انا اسف جدا للتطويل عليكم

اولا ربنا يوفقك في العربيه الي الاصلحلك
ثانيا انا معايا لانسر شارك , واحب اقول لحضرتك ان اسعار قطع غيارها عالي اوي ( انا بعتبره عيب ) وانا قولت ع النقطة دي لان حضرتك ذكرتها , انما حضرتك لو عاوز تعرف كل عيوب ومميزات السيارة فهتلاقيها في القسم هنا ,

**ALAA_EL_NAGAR** · 30-08-2015 11:50 PM

لو سمحتو ممكن سوال
انا لقيت عند الكموني خليجي كاملة كلحاجة
ماعادا الكاست التاتش ب كاست عادي بتاعها
و موديل ٢٠١٦ بسعر ١٦٥٠٠٠
البادج اللي في باب السواق مكتوب انها
صنعت طبقا للمواصفات الخليجي
و انا عاوز سعودي و قالولي في المعرض ان ده السعودي
عاوز اسال بس في رقم علي البادج تحت تاريخ الصنع
انا اخدته و قريت مرة ان في موقع علي النت
تتعرف منه الحاجات دي بس مش فاكرة
لو حد من الاعضاء الكرام فاكره

الف شكر لاحلي منتدي و احلي اعضاء في الدنيا

**ALAA_EL_NAGAR** · 30-08-2015 11:53 PM

المواصفات حتي تعم الافاده

خليجي
abs جنط . ٢ ايرباج ، كاست اصلي ، فتحة سقف ،
فوجات ، اكر نيكل ، مساند امامي و خلفي
غطاء كبوت و شنطة و موتور ، اكر نيكل و اشارات مرايات
١٦٦٠٠٠ وتم التخفيض ل ١٦٥٠٠٠
اجيبها ولا اجيب ايه و منين
انا من طنطا

**د.هشام** · 31-08-2015 12:00 AM

المشاركة الأصلية كتبت بواسطة alaa_el_nagar

لو سمحتو ممكن سوال
انا لقيت عند الكموني خليجي كاملة كلحاجة
ماعادا الكاست التاتش ب كاست عادي بتاعها
و موديل ٢٠١٦ بسعر ١٦٥٠٠٠
البادج اللي في باب السواق مكتوب انها
صنعت طبقا للمواصفات الخليجي
و انا عاوز سعودي و قالولي في المعرض ان ده السعودي
عاوز اسال بس في رقم علي البادج تحت تاريخ الصنع
انا اخدته و قريت مرة ان في موقع علي النت
تتعرف منه الحاجات دي بس مش فاكرة
لو حد من الاعضاء الكرام فاكره

الف شكر لاحلي منتدي و احلي اعضاء في الدنيا

مكتوبة عندي مواصفات دول الخليج/ المملكة العربيه السعوديه

**kemoelord** · 31-08-2015 10:38 AM

معلش يا جماعه سؤال بسيط , هو ازاي في لانسر شارك خليجي في مصر وهي 1500 ( في الموديلات القديمة) او 1600 في الموديلات الحديثه بالرغم ان كل الشارك الي في الخليج بتنزل 2000 سي سي

**د.هشام** · 31-08-2015 11:53 AM

المشاركة الأصلية كتبت بواسطة kemoelord

معلش يا جماعه سؤال بسيط , هو ازاي في لانسر شارك خليجي في مصر وهي 1500 ( في الموديلات القديمة) او 1600 في الموديلات الحديثه بالرغم ان كل الشارك الي في الخليج بتنزل 2000 سي سي

الموتور الmivec 1600 معمول في2012
أدخل على جوجل لو عايز تعرف معلومات عنه

**kemoelord** · 31-08-2015 01:59 PM

المشاركة الأصلية كتبت بواسطة د.هشام

الموتور الmivec 1600 معمول في2012
أدخل على جوجل لو عايز تعرف معلومات عنه

شكرا جدا للافادة ,, بس انا كان سؤالي ع حاجة تانيه ,, ماشي المحرك ال 1600 معمول في 2012 انا بتكلم بقى ان اصلا الخليج مش بينزل العربية دي 1600 سي سي يعني سواء كانت سعودي او كويتي بينزلوها 2000 سي سي فقط فازاي بنلاقيه العربيه دي خلبيجي سعودي او كويتي 1600 سي سي؟

" انا بتكلم ع نوع البلد الي بتتبعت اليه السيارة " مش نوع المحرك

**د.هشام** · 31-08-2015 02:54 PM

هي غالبا لعبة الوكيل والتجار بيعملوها علشان الجمارك. يعني قبل ما اشتري العربية من المعرض مندوب المبيعات نبهني لما آجي أستلم العربية حلاقي مبلغ الجمارك اللي مكتوب في شهادة البيانات الخاصة بالعربية على ما أتذكر أقل من المبلغ الفعلي اللي بدفعه.
العربية مابتنزلش في السعودية، مش عارف بتنزل ميناء جدة وتتشحن لمصر تاني، ولا مابتنزلش من المركب، وفي كلتا الحالتين مش حتفرق، بس الورق مكتوب فيه أنه من ميناء جدة.