قلم الدوكو تاني مرة

**PAYOO** · 02-08-2007 06:45 AM

كتر خيره مستر غبور لما أستلمت لقيت في العربيه قلم دوكو بلون العربيه موجود مع كتاب الضمان والصيانه والحمد للـ لله إن التقشف إللي عمله مستر غبور ماطلش القلم الدوكو زي ما عمل مع الرف الخلفي والكاسيت والأنذار إللي بيركبهم عند عشم نواره

وأنا عن نفسي جربت القلم وهو فعلا مفيد جدا في حالة وجود خربوش أو أتنين بالكتير في مكان واحد لكن أكثر من كده بيبقى شكلها وحِش جدا طريقة المعالجه بالقلم

**Nader** · 02-08-2007 05:07 PM

طيب القلم البيتباع دة ينفع مع اللون الاحمر؟؟

**Eng.Ahmed** · 04-08-2007 10:08 AM

شوف اقرب مكتبه سمير و على ، فرع شارع شريف فى وسط البلد بعد كده تشترى 8/1 كيلو من اللون بتاعك و تملأ بيه القلم بعد تنظيفه بالتنر طبعا

**mohamed ismail** · 04-08-2007 10:41 AM

بس يا جماعة العربية بتاخد ورنيش بعد الدوكو وده اللي بيدي لمعة للبوية وده اعتقد انه مش ممكن نحصل عليه من القلم الدوكو
انا كان عندي شوية نقر في العربية وكنت برش الرفرف الامامي وقالولي هنرمهالك بقطنة من اللون اللي بنرش منه لكن للاسف لسة باينة انا رايي لو الاكسدام ممكن يترش ومعتقدش ان ده يعيب العربية في حاجة

**mohamed ismail** · 04-08-2007 10:41 AM

بس يا جماعة العربية بتاخد ورنيش بعد الدوكو وده اللي بيدي لمعة للبوية وده اعتقد انه مش ممكن نحصل عليه من القلم الدوكو
انا كان عندي شوية نقر في العربية وكنت برش الرفرف الامامي وقالولي هنرمهالك بقطنة من اللون اللي بنرش منه لكن للاسف لسة باينة انا رايي لو الاكسدام ممكن يترش ومعتقدش ان ده يعيب العربية في حاجة.
م/محمد اسماعيل

**أبو عمار** · 05-08-2007 10:38 AM

فى واحد إسمه زمردة عندنا فى إسكندرية أمام محطة قطار سيدى جابر على طريق الحرية يعملها من غير ماتبان و تبقى العربية رشت خوارج و مش هتعرف فين مكان الخرابيش

**nabilaly** · 06-08-2007 01:10 PM

الله ينور ياأبو عمار يعنى من الآخر نرش الخربوش ومنه لله اللى كتب بالمسمار :)

**Dr Ahmed** · 06-08-2007 04:02 PM

المشاركة الأصلية كتبت بواسطة nabilaly

الله ينور ياأبو عمار يعنى من الآخر نرش الخربوش ومنه لله اللى كتب بالمسمار :)

دى بتبقى اسمها (مرمّة) ومش بتنفع قوى فى الميتاليك وغالبا بيحتاج يرش مساحة أوسع جدا من الخربوش ممكن تصل لنهاية صاج الجزء المتخربش من جميع الجوانب.

عربيتى السابقة بعد مرور عدة سنوات من الخربشة وبعض الخبطات رشيتها وفى تانى يوم واقف بيها بعيد عن مستشفى التأمين (قلت بعيد أحسن تتخبط) رجعت لقيت المسامير اشتغلت على الكبوت بطريقة ألعن مما كان قبل الرش ... رجعت رشيته تانى!! وبعد كده اتعلمت تكبير الدماغ.

**ayman_elkholy** · 06-08-2007 04:14 PM

بصراحة لو كانت على قد الخرابيش يبقى لازم نقول الحمد للة

الموضوع: قلم الدوكو تاني مرة

LinkBack

أدوات الموضوع

عرض

-

-

-

-

-

-

المواضيع المتشابهه

قلم الدوكو

ككلاكيت تاني مرة !!! التيجو اتخبطت تاني يا جماعة..الحمد لله

قلم الدوكو

قلم الدوكو

قلم الدوكو

الكلمات الدلالية لهذا الموضوع

المفضلات

المفضلات

ضوابط المشاركة