الموضوع: نصائحكم في التغلب علي غباء الزوجات

بص يا سيدى صل على النبى كده وشوف :
هى زوجتك قبل ما يبقى عندكم طفلين كانت فيها كل المشاكل دى يعنى بعد ما خلفتم اول طفل ظهرت المشاكل دى ولا ظهرت مع تانى طفل - لو ظهرت بعد تانى طفل يبقى شىء طبيعى لكن لو كانت موجودة قبل كل ده يبقى ده كان طبع فى زوجتك وانت اللى مكنتش واخد بالك .
وبعدين انت لازم تفهم ان العيال ومشاكلها كتير والست بيبقى عليها هم ما يتلم وانت شكلك كده كنت واخد على الرحرحه والست والدتك كانت مدلعاك زيادة عن اللزوم والدليل انك بتسيب الفاكهه اللى انت شاريها بفلوسك تبوظ عشان محدش غسلها وجابهالك لحد عندك وانت مكسل تشيلها حتى فى التلاجة وعاوز من مراتك انها تراعى البيت والعيال وتراعيك وتراعى نفسها طبعا كتيييييييييير واذا اردت ان تطاع فامر بما يستطاع .
وبعدين انت بتفكر تتجوز تانى طب وبعدين وا هو ممكن برضه اللى انت هتتجوزها دى فى اول الزوج تبقى زى الفل وبعد تانى عيل برضه تبتدى تتقل وتهمل غصب عنها وساعتها هتعمل ايه هتتجوز تالت ورابع طبعا مينفعش .
ممكن تفكر تجيب ست امينه تساعدها فى عمايل البيت وساعتها مش هيبقى ليها حجة انها تهمل فى اى حاجة وخصوصا انت بس بعد ما تكون انت عملت اللى عليك .
واقعد معاها وفهفمها وعاتبها ومرة باللين ومرة بالشدة وان شاء الله ربنا هيصلح الاحوال .


فى حلقة انا شوفتها للدكتور ابراهيم الفقى رحمه الله عنوانها اسرار العلاقات الزوجية ادخل وشوفها وهتلاقى مواضيع كتيرة جدا للدكتور عن الزواج ومشاكله وعلاجها وان شاء الله تجد ضالتك فيها .

وهى الحياة حبه كده وحبه كده وانتو لسه فى بداية حياتكم وكل ده وارد .

ربنا يبارك لك فيهم
واحدة واحدة وبالتفاهم. مفيش حد خالى من العيوب كلنا بشر

محدش بيفطر في بيته ..الدليل: عربيات الفول الزحمه
العيال وعدم انتظام النوم بيزود العصبيه للزوجه
احنا كرجال كنا مدلعين قبل الجواز مبنعملش اكل ولا شرب وكله جاهز فبنقارن بزمان ودلوقتى
انت وانا بندايق من الكركبه والمواعين بس مره تقول ومره تطنش ومره تحط الغسيل فى الغساله وتشغلها وتقلها ابقى انشريه بعد الغساله تخلص
الفاكهه والحلويات ..هات على الاد واطلب بعد الاكل
كلنا هذا الرجل اللى بتحكى عليه ولكن وسط زهق وضغط الشغل والمصاريف ساعات الواحد بيجيب اخره
لكن بنرجع ونهدى لان الناس كلها كده
اهم حاجه انا بحاول احافظ على الاحترام المتبادل بينا وان الولاد ميشوفناش واحنا بنعلى صوتنا واننا نرجع علافتنا بان كل واحد يتنازل شويه ....ربنا يهديلنا الحال احنا الرجاله ويهديهم لنا