استشارة في شراء صني 2016

**salam100100** · 31-08-2015 05:52 PM

المشاركة الأصلية كتبت بواسطة medosalah

بص حضرتك.. اولا بالنسبه للشكل الخارجي ..الكل اجمع ان الصني الجديده شكلها من بره مش ظريف
بالنسبه للخامات الداخليه .. فانا ركبت العربيتين كتير .. وشايف ان خامات الصني الداخليه متواضعه جدا
وحتي شكل الطابلوه متواضع جدا

بالنسبه للامكانيات فعندك السياز بتنزل بامكانيات اساسيه اعلي من الصني

بالنسبه للصاج الخارجي .. فالسياز افضل بمراااااااااحل

بالنسبه للشكل الخارجي فالسياز افضل بسنيين ضوئيه عن الصني

بالنسبه للصنع فالصني صناعه صيني والسياز هندي

بالنسبه للماتور فهما الاتنين نفس القوه الحصانيه بل السياز استهلاك بنزين اقل

بالنسبه للعزل الخارجي للاصوات والحراره .. السياز افضل كتير

بالنسبه للسوند سيستم .. السياز افضل بمراحل

..بالنسبه للثبات .. لاوجه للمقارنه .. لان الصني اقل عربيه ثباتا في مصر
عايز حضرتك ايه تاني علشان ما افضلش السياز عن الصني

العيب الوحيد في السياز هو ان التوكيل عليه ضغط شديد والحجز وصل ل 6 شهور واكتر

معلومات كتيره حضرتك ذاكرها رائعه:
كماليات-صاج-شكل-بلد التجميع-موتور-عزل-نظام صوت-اتزان
(انا مش متفق معاك فى بعض منها)
لكن نرجع للنقطه المحوريه , هل المعلومات ديه كفايه انى اجرى اروح اشترى العربيه؟

لو حضرتك بالعلومات دى مقتنع بيها --اشتريها
انا مش مقتنع بالمعلومات المتاحه حاليا فمش هجرى اشتريها

ارجع واقول العربيه ممكن تطلع احسن من الصنى مليووووون مره بس محتاجه تتجرب وتاخد وقتها فالشارع المصرى زيها زى الصنى اللى بقالها من سنه 2012 وعرفنا مميزاتها وعيوبها

بالمناسبه انا بطالب ملاك السياز تقديم تقرير محايد وعامل موضوع عن دا فى صفحه السوزوكى ومنتظر.

**medosalah** · 31-08-2015 06:02 PM

المشاركة الأصلية كتبت بواسطة salam100100

معلومات كتيره حضرتك ذاكرها رائعه:
كماليات-صاج-شكل-بلد التجميع-موتور-عزل-نظام صوت-اتزان
(انا مش متفق معاك فى بعض منها)
لكن نرجع للنقطه المحوريه , هل المعلومات ديه كفايه انى اجرى اروح اشترى العربيه؟

لو حضرتك بالعلومات دى مقتنع بيها --اشتريها
انا مش مقتنع بالمعلومات المتاحه حاليا فمش هجرى اشتريها

ارجع واقول العربيه ممكن تطلع احسن من الصنى مليووووون مره بس محتاجه تتجرب وتاخد وقتها فالشارع المصرى زيها زى الصنى اللى بقالها من سنه 2012 وعرفنا مميزاتها وعيوبها

بالمناسبه انا بطالب ملاك السياز تقديم تقرير محايد وعامل موضوع عن دا فى صفحه السوزوكى ومنتظر.

يا فندم العضو الكريم صاحب الموضوع طلب النصيجه وانا قدمتله النصيحه بناء علي قد معرفتي
وكل كلمه انا كاتبها انا متاكد منها 100 في ال 100 بناء علي تجربتي

موضوع الشراء ده حريه شخصيه.. العضو صاحب الموضوع يكون تفكيره بناء علي النصايح ويشتري اللي هو ميال ليه.. هو حر
انا مش صاحب توكيل او صاحب معرض عربيات يعني

بالنسبالي انا .. فانا لي طابع وراي مختلف .. يعني معلش لما احب اجيب عربيه يبقي اجيب عربيه بجد

اولا انا معايا اوبل فيكترا .. ودي عربيه لا تقارن بكل اللي احنا بنتكلم عليه
وان شاء الله لما اكمل الفلوس .. هجيب السيراتو بدون تردد
اينعم اغلي شويه بس كده كده الواحد هيدفع فلوس .. مش هتفرق يعني ال 30 او 40 الف دول طالما الفرق يستاهل وطالما الواحد هيحتفظ بالعربيه فتره طويله ان شاء الله

بس لزم النصيحه .. وانا مش مؤيد اطلاقا ونهائيا لعربيتين في السوق
(النيسان صني الجديده والاوبترا الجديده)

تحياتي