تجربتي مع حادث وشركه التامين المصري السعودي سانديرو 2015

**MohammadAzeez** · 31-08-2015 12:55 PM

عملت حادث والحمد لله كان كله فى العفشه بس كنت ماشي بسرعه 150 ولبست بلاعه مفتوحه الجنط اتكسر والعربيع عومت وعديت بيها الرصيف النحيه التانيه

الاضرار كانت قنطره عفشه و3 جنوط و ومساعدين امامى ومقصات واكس خلفي ودونجل خلفي تقريبا غيرت العفشه كلها :d اول حاجه عملت محضر شرطه ورحت للتوكيل سيبت العربيه واخطرت شركه التامين بيت التامين المصري السعودي بصراحه محترمين جدا فى نفس اليوم بعتو مهندس لمعاينه العربيه واللى قال ان العربيه هينتدب ليها خبير لان ليهم اجراء لو التصليح هيزيد عن 10 الاف تانى يوم راح الخبير من الشركه التامين وعاين العربيه وادي موافقه على تغير كل شيء وبالمره كمان كان الاكصطدام مكسور حته صغيره الامامى وافق على كل حاجه 3 جنوط 2 مساعد واكس خلفي اكصطدام امامى شمعدان عجله امامى يمين وقنطره عفشه ودونجل خلفي ومقصات ورفض تغيير الكارتيره اللى فوق العجل :d التكلفه المبدايه 27 الف العربيه قعدت 15 يوم فى التوكيل بعدها رحت استلمت العربيه ودفعت قيمه التصليح بالكامل فى الاول 24 الف فى الاخر وركبولي كارتيرات من عندهم فى التوكيل وبصراحه العربيه بقت تمام وزي الاول زي ما اكون لسه جايبها مع انى ماشي بالعربيه 40 الف كيلو رحت لشركه التامين ادتهم صوره رسميه من المحضر الشرطه والفاتورة وسلمت التالف وبعدها باسبوع استلمت الشيك ب 20 الف جنيه مخصوم 10% قيمه التصليح فى التوكيل + 350 جنيه نسبه التصليح و عليهم بتاع 1200 جنيه استهلاك المهم خصمو 4000 من ال 24000 بس بصراحه كانو محترمين ووافقو على كل حاجه ومطلعوش عيني فى الشيك والتوكيل كان محترم جدااا معايا

**waelfarid** · 31-08-2015 01:09 PM

سلامتك
وسلامة سيارتك
جت في الفلوس بسيطة
جت في عطلة اسبوعين بسيطة
لكن 150كم /س دي جريمة عليك وعلي غيرك

**abou_zead** · 31-08-2015 02:32 PM

حمدًا لله علي سلامتك

لكن الرجاء التعلم من الأخطاء و عدم تكرارها

حفظك الله MohammadAzeez و بارك لك في صحتك و سيارتك

**Amr_650** · 31-08-2015 04:28 PM

حمدالله على السلامة , هو التامين بيتكلف كام دلوقتى و هل بيبقى نسبة من قيمة السياره ؟ و لو السياره مستخدمة اية النظام ؟

**أبو جودي** · 31-08-2015 04:42 PM

اولا حفظك الله من كل سوء و وقاك
ثانيا الحمد لله انها عدت على خير و ربنا يكفيك شرها
ثالثا لي عند حضرتك سؤال بخصوص سانديرو ستيب واي الاتوماتيك الجديدة 2016، العربية دي ارتفاعها في العموم مش عن الأرض زي الماتركس ولا أصغر منها؟طب قريبة الحجم من أي عربية.
تنفع تكون عائلية ولا صغيرة مع العلم اني صاحب سوبر ماركت صغير كدا على أد الحال، يعني ممكن اخزن فيها بضاعة من السوق، طبعا مش زي الربع نقل

**scientist9508** · 31-08-2015 06:06 PM

حمد الله على سلامتك

**scientist9508** · 01-09-2015 04:24 PM

بسم الله الرحمن الرحيم

الأخ الفاضل محمد عزيز

من أفضلك أكتب لى رقم هاتف الشخص الذى يجب أن أحادثه إذا أردت التأمين على سيارتى.

جزاك الله خيرآ كثيرآ

السلام عليكم و رحمة الله و بركاته