الموضوع: اخيرا حظ يضرب(اكتشاف اكبر حقل غاز فى العالم فى مصر

المشاركة الأصلية كتبت بواسطة hobiko

من المهندس محمد الغزلاوى .......... مهندس مصرى متخصص في drilling و و يعمل بشركة eni نفسها

ما وراء اكتشاف الغاز الضخم في مصر

براحه كده عشان نفهم موضوع اكتشاف الغاز
بطريقه مبسطه لغير المختصين في البترول

حجم احتياطي الغاز الموجود داخل طبقات الارض في اي حقل انتاج يقاس بوحده TCF
يعني ايه TCF ..يعني ترليون قدم مكعب.. واحد و امامه 12 صفر

احتياطي مصر من الغاز الطبيعي سنه 1994 كان اقل من 1 tcf .. ,و في 2014 وصل الي 65 tcf

و اكتشاف حقل الشروق الجديد في البحر المتوسط اللي اعلنت عنه شركتنا بالامس 30 tcf
يعني هذا الاكتشاف يعادل نصف احتياطي مصر من الغاز و نصف كل ماحققته كل الشركات الاجنبيه في تاريخ مصر لاستكشاف الغاز

و الشئ الخارق لكل المقاييس ان سمك الطبقات الحامله للغاز يصل الي 630 متر..hydrocarbon-column height .. لم نعتد علي مثل هذا الاكتشاف في مصر من قبل ... فتح مبين من الله

دلوقتي احتياطنا ارتفع الي 95 tcf و ممكن جدا اكثر مع تاكيد الحفر في الحقل الجديد و اكتشافات قريبه متوقعه

للتسهيل .. عموما اي حقل غاز يمكن استخراج 60% منه و الباقي لايمكن استخراجه لصعوبات فنيه و هندسيه.. في النهايه الطبيعه تقهر كل تكنولوجيا البشر مهما تقدمت .. يظل الجزء الغير مستخرج ثروة مستقبليه لحين وجود طرق انتاجه بطرق اقتصاديه
بفرض امكانيه استخراج نصف الغاز فقط المكتشف في حقل الشروق علي اقل تقدير .. بنتكلم علي انتاج 15 tcf في عدد طويل من السنين .. السوق المحلي المصري هو اول مستهلك لهذا المنتج

استهلاك مصر سنويا من الغاز الطبيعي تقريبا 1.5 tcf ..هذا الحقل وحده يكفي مصر بالمعدلات الحاليه لمده عشر سنوات في حاله استخراج نصف الاحتياطي فقط

هذا الاكتشاف في المياه العميقه في البحر المتوسط .. عمق المياه 1500 متر تقريبا حتي نصل لسطح الارض sea bed ... للعلم ارتفاع برج خليفه في دبي حوالي 800 متر .. يعني ضعف ارتفاع برج خليفه تقريبا للوصول لقاع البحر ...و بعد كده حفر 2500 متر تقريبا للوصول لطبقات الغاز

في هندسه الحفر ما يعرف باسم Deepwater and Ultra-deepwater Drilling اللي هو مجال شغل العبد لله

تكنولوجيا صعبه و معقده و عاليه التكاليف و تصنف عالميا بانها عاليه المخاطر .. لكن فريق عمل Eni من مهندسين و فنيين مصريين و أجانب لديه الخبرات الازمه لاستكمال الحفر و التنميه بنجاح إن شاء الله..

شركات قليله في العالم تحتكر هذه التكنولوجيا و تسطيع ان تستخدمها و بالتالي لابديل لمصر او اي دوله اخري مهما كانت الا ان تشارك واحده من هذه الشركات
لان الحفر في المياه العميقه عالي المخاطر و التكاليف فبالتالي العائد للشريك الاجنبي لازم يكون مجزي .. نسبه الشراكه في الاكتشاف الجديد لم تحدد بعد و مصر لها الاولويه لشرء حصه الشريك الاجنبي بسعر تفضيلي

حصه الشريك الاجنبي ...شركتنا ايني Eni الايطاليه في مرحله الاستكشاف 100%. بمعني انها تتكفل بكل المصاريف و نسترجع المصاريف في مرحله الانتاج و في حاله عدم تحقيق اكتشاف تجاري تتحمل الشركه وحدها كامل التكلفه

بعد ذلك في مرحله الانتاج ستكون النسبه غالبا بالمناصفه بين مصر و الشريك الاجنبي و لمصر اولويه كما قلنا في شراء حصه الشريك الاجنبي .. كل هذا سيتحدد و يعلن في مرحله الانتاج

نقطه هامه ... المشروع ضخم و يحتاج بنيه تحت البحر لنقل الانتاج حتي شواطي مصر ... الاكتشاف يقع علي بعد 180 كيلو متر من سواحل بورسعيد.. يعني مسافه تعادل المسافه بين القاهره و بورسعيد تقرييا

الشي الجيد ان مصر لديها وحدات/ مصانع ضخمه لاساله الغاز وتصديره في دمياط و ادكو و لدينا ايضا خطي انابيب لتصدير الغاز .. ولدينا وحدات معالجه و تخزين في حقول اخري في مناطق الجميل و حقل التمساح و غيرها .. يعني احنا جاهزين للاستفاده بسرعه من هذا الكشف

مثلا دوله مثل موزمبيق في شرق افريقيا اكتشفت كميات ضخمه مثل هذا الاكتشاف لكن البنيه التحتيه لديها صفر ..

كذلك دول الجوار في شرق المتوسط و قبرص و اليونان ليس لديها البنيه التحتيه التي عند مصر في صناعه الغاز

عشان كده باذن الله خريطه الطاقه هتتغير في المنطقه كلها

القيمه الماليه لاحتياطي هذا الحقل كبيره جدا من 60 الي 90 مليار دولار علي فرض سعر 2 الي 3 دولار لكل الف قدم مكعب انتاج مباشر للغاز من الابار ... ده متوسط السعر العالمي

قيمه اخري مضافه حين يتم استخدام هذا الغاز في المصانع و انتاج الكهرباء و صناعه السماد و خلافه .. تقريبا اضعاف قيمه الاحتياطي نفسه
قدامنا 3 سنين حتي ييدا الانتاج من هذا الحقل

اليوم اسرائيل في صدمه و اسهم شركات الغاز هناك خسرت في البورصه حوالي 8% في يوم واحد... لان المستهلك المحتمل لانتاجها تبخر

اسرائيل لديها حقلين غاز هما "التامار" و "ليفياتان" مجموعهم من احتياطي الغار حوالي 20 tcf.. و احنا حقل الشروق و اول بئر حفر "ظهر 1" ربنا كرمنا ب 30 tcf
البئر الاستكشافي اسمه "ظهر" و به عبرنا في "عز الضهر " سقف احتياطي حقول اسرائيل في شرق المتوسط و سنستكمل العبور الي افاق اعلي و اكبر بإذن الله .. سبحان الله الذي رزقنا من حيث لا نحتسب

لا احب ان اتكلم في السياسه ..انا مهندس بترول وفقط ... لكن احب ان اوضح أن شرق البحر المتوسط ساحه للتنافس في استكشاف و استخراج الغاز ... كما يقولون "الان تتحدد الخنادق" ... اقتصاديا هنالك خندق اسرائيل بحقولها "التامار" و "ليفياتان" باجمالي احتياطي تقريبا 20 tcf .. , و خندق مصر بحقل الشروق الاكتشاف الجديد باحتياطي 30 tcf ... المعلومات متاحه في مصادر موثوقه و دوريات علميه علي الانترنت .. كل انسان حر فيما يختار ان يصدق

شركتنا Eni الايطاليه شركه عالميه محترفه و لها اسهم في البورصات العالميه و مساهمين من كل دول العالم و جمعيه عموميه تحاسبها علي كل رقم تنشره و تخرج به الي العلن... راجع بيانات الشركه الرسميه press release عن حجم الاحتياطي في حقل الشروق 30 TCF

اتفق مع اغلب ما ذكر فى هذا المقال من تفاصيل .... و لكن اعترض على بعض النقاط الاخرى ... مثل ....

احتياطى الحقول الجديدة .... من الصعب جدا التكهن بيه .. الى ان يتم دخول الانتاج و يستمر على الانتاج فترة من الزمن ... و حفر عدة ابار .. و دخولهم الانتاج بقترة كافية ... و اجراء تجارب ما بين هذه الابار .... يمكن وقتها تحديد حجم الاحتياطى .....

علشان اوضح اكتر ..... كان فيه بئر بترول فى العالمين ... كان بينتج 6000 برميل بترول ذو جودة عالية .. و اتكتب فى الجرائد و الوزير جه افتتحه ... و دخل الخدمة بالفعل .... و بعد شهر واحد .. انتاجه وصل 2000 برميل ... و الباقى مياه ... و ده معناه ان البير ده حيموت قريب


الحفر فى المياه عموما .... يصنف بانها عمليات عالية المخاطر بالفعل .... بس مش للدرجة الى بنتخيلها ... و تقريبا كل الشركات العالمية بيتقوم بيه من غير مشاكل كبيرة

لابديل لمصر او اي دوله اخري مهما كانت الا ان تشارك واحده من هذه الشركات .... انا اعترض بالطبع على هذه الجملة ..... احنا كنا بنقوم بعمليات الحفر و الاستخراج بدون الاستعانة بأى شركات خارجية فى الستينات ....
مش حينفع نستخدم التكنولوجيا القديمة بالطبع .... بس احنا كنا بنعمل كدة بالفعل .... و تركنا الموضوع ده كالعادة .... كسل و استسهال ... و الكثير من الاطماع


" حصه الشريك الاجنبي ...شركتنا ايني Eni الايطاليه في مرحله الاستكشاف 100%. بمعني انها تتكفل بكل المصاريف و نسترجع المصاريف في مرحله الانتاج و في حاله عدم تحقيق اكتشاف تجاري تتحمل الشركه وحدها كامل التكلفه "

نقطة صغيرة فقط للاضافة ...ماذا يحدث فى حالة تحقيق الاكتشافات لعائد تجارى ؟؟!!... لو ابار الاستكشافية دى انتاجها كان معقول ..... الحكومة بتتحمل نصف تكاليف الاستكشاف
و مش عاوز اقول لحضراتكم بيتعمل ايه فى نتائج الابار دى ... ( حسبى الله و نعم الوكيل )


" بعد ذلك في مرحله الانتاج ستكون النسبه غالبا بالمناصفه بين مصر و الشريك الاجنبي و لمصر اولويه كما قلنا في شراء حصه الشريك الاجنبي .. كل هذا سيتحدد و يعلن في مرحله الانتاج "

الكلام ده مش مظبوط ..... النسبة مش مناصفة .... لازم طرف نسبته بتكون اعلى من الطرف الاخر .. و بالفعل لمصر الاولوية فى شراء حصة الشريك الاجنبى من الغاز ..... بالسعر العالمى ... و هذا الكلام بيتحدد فى العقود الاولية ... مش بعد مرحلة الانتاج

" الشي الجيد ان مصر لديها وحدات/ مصانع ضخمه لاساله الغاز وتصديره في دمياط و ادكو و لدينا ايضا خطي انابيب لتصدير الغاز .. ولدينا وحدات معالجه و تخزين في حقول اخري في مناطق الجميل و حقل التمساح و غيرها .. يعني احنا جاهزين للاستفاده بسرعه من هذا الكشف "

مفيش وحدات معالجة و لا تخزين فى حقل التمساح ..... و حقول التمساح واحدة من اكبر الحقول و الابار المنتجة للغاز لشركة بتروبل ( شريك اينى المصرى )

السؤال الجميل ..... ايه العلاقة بين حقول اسرائيل و الحقول المصرية ؟؟!!! هل هما على نفس الخزان ؟؟ هل هما بالفعل بيحفروا من تحت المياه لداخل مياهنا الاقليمية ؟ الله اعلم

ان شاء الله خير وياريت الحكومة تلتفت لموضوع الغاز اللي ناهباه اسرائيل وقبرص ووتحل موضوع الشركات الاجنبية دي وتعملنا شركة زي ارامكو السعودية تفكنا من العالم دي
الموضوع ان شركة ايني قالت في بداية الخبر اكثر من 200ترليون غير مؤكد و30 تريليون مؤكد
مش عارف الكلام ده صحيح ولا ايه لانها بتصرفي كل الاخبار انه احتمال يكون اكبر حقل في العالم
يارب الخير لمصر