ده الشكل المتوقع لسيفيك ٢٠١٦ اللي حيتم الكشف عنه يوم ١٦ سبتمبر
بصراحه لو طلعت بالشكل ده فعلا حتبقي جامده جدا جدا
http://nileup.com/up/uploads/nilemotors_14410784551.jpg
عرض للطباعة
ده الشكل المتوقع لسيفيك ٢٠١٦ اللي حيتم الكشف عنه يوم ١٦ سبتمبر
بصراحه لو طلعت بالشكل ده فعلا حتبقي جامده جدا جدا
http://nileup.com/up/uploads/nilemotors_14410784551.jpg
صباح الجمدان هو دة الشغل
يكفى الاسم ....................هوندا ......................
شكلها جامدة جدا فعلا
المهم المكن اللى حيبقى فيها حيكون ايه امكانياته
يا رجاله مش ده شكلها النهائي، ده تصميم توقعي ذي ما قلت بس الشكل النهائي حيكون قريب منه بنسبه ٩٠٪
لو طلع شكلها النهائي كده و خامتها الداخليه كويسه حتبقي رهيبه و هوندا حتستعيد مكانتها تاني حتي لو نزلت بسعر عالي خصوصا بعد غياب الاوكتافيا و الجيتا من المنافسه بسبب مشاكلهم و عدم اعتماديتهم و بعد نزول الاوكتافيا بالعفشه التورشن بيم بسعر غالي علي الفاضي
هي حتنزل الاول في امريكا بماتوريين تيربو ١٥٠٠ و ٢٠٠٠ ، لسه مقلوش مواتير الشرق الاوسط حتبقي اذاي بس اتوقع حيكون الماتور الحالي ١٦٠٠ مع تطوير بسيط لزياده الهورس باور و ممكن يجلنا الماتور ١٥٠٠ تيربو في فئه سعرها اغلي شويه ذي ما منصور عمل في الاسترا التيربو لو التوكيل جدع
والسعر المتوقع 280 الف للفل اوبشن :d
يا باشا سعرها اساسا بره لسه لم يحدد يبقي حتعرف سعرها في مصر اذاي! عموما انا مأجر هوندا سيفك حاليا و بصراحه فاقت توقعاتي بكتير، معرفش اذاي في يوم من الايام كنت بقارن الالنترا بتاعتي بيها! فعلا الهوندا حاجه تانيه و ممتعه جدا و تستاهل بصراحه سعرها الغالي بعد تجربتها، بامانه فرق واضح في متعه القياده بينها و بين الالنترا
حتي لما اجرت الكرولا ٢٠١٥ والله رحت رجعتها بعد ٣ ايام و اجرت الهوندا تاني، متعه القياده و دقه التوجيه و العفشه الممتازه و الثبات في المناورات و انوار العدادات اللي تحسسك ان سايق مكوك فضاء، حتي الباسات معجبتنيش زيها!
انا لما كنت بلاقي ناس بتكلم عن الهوندا كده كنت بتريق عليها خصوصا سامح اللي كنت علي طول شايفه متعصب جدا للهوندا بس بعد تجربتها فتره بتعرف يعني ايه هوندا فعلا و ان سامح عنده حق في التعصب ده ... ان شاء الله لو ربنا اراد و رزقني انا حبقي هونداوي اكيد
العربيه دي عيبها القاتل فعلا سعرها بس بعد التجربه انا شايف ان سعرها المبالغ فيه قصاد الاداء اللي بتدهولك و اتمني العربيه دي ترجع تنافس تاني
مانا كنت بقولك كدة يا devil كنت بتقولى لأ , اللالنترا , والكلام دة انتهى وكلة بقى بيقارن ببعض , وخلينا نغير الفكرة بقى
وكانت صولات وجولات بسبب المقارنة مابين السيفيك والالنترا
عموما حصل خير , ونتمنى نشوفك هونداوى معانا
وشوف بعد كام سنة عرفت الحقيقة
فاكر انا الحورات دي في قسم الهيونداي من ٣ او ٤ سنين، كانت ايام :w6266d الالنترا برده كويسه علي سعرها بس مش ممتعه ذي السيفك خالص، هي منظر فعلا ذي مانت قولت و انا اخدت قرار اني ابعها ان شاء الله، عموما حصل خير يا باشا و اديني اعترفت بغلطي و انا كمان اتمني ابقي هونداوي و اكيد يحصلي الشرف.