الشكل المتوقع لسيفيك ٢٠١٦

**devil_storm** · 01-09-2015 06:42 AM

ده الشكل المتوقع لسيفيك ٢٠١٦ اللي حيتم الكشف عنه يوم ١٦ سبتمبر
بصراحه لو طلعت بالشكل ده فعلا حتبقي جامده جدا جدا

**SAMEH_FOUAD** · 01-09-2015 09:47 AM

صباح الجمدان هو دة الشغل

**mif** · 01-09-2015 03:54 PM

شكلها جامدة جدا فعلا

المهم المكن اللى حيبقى فيها حيكون ايه امكانياته

**devil_storm** · 01-09-2015 07:24 PM

يا رجاله مش ده شكلها النهائي، ده تصميم توقعي ذي ما قلت بس الشكل النهائي حيكون قريب منه بنسبه ٩٠٪
لو طلع شكلها النهائي كده و خامتها الداخليه كويسه حتبقي رهيبه و هوندا حتستعيد مكانتها تاني حتي لو نزلت بسعر عالي خصوصا بعد غياب الاوكتافيا و الجيتا من المنافسه بسبب مشاكلهم و عدم اعتماديتهم و بعد نزول الاوكتافيا بالعفشه التورشن بيم بسعر غالي علي الفاضي

**devil_storm** · 01-09-2015 07:32 PM

المشاركة الأصلية كتبت بواسطة mif

شكلها جامدة جدا فعلا

المهم المكن اللى حيبقى فيها حيكون ايه امكانياته

هي حتنزل الاول في امريكا بماتوريين تيربو ١٥٠٠ و ٢٠٠٠ ، لسه مقلوش مواتير الشرق الاوسط حتبقي اذاي بس اتوقع حيكون الماتور الحالي ١٦٠٠ مع تطوير بسيط لزياده الهورس باور و ممكن يجلنا الماتور ١٥٠٠ تيربو في فئه سعرها اغلي شويه ذي ما منصور عمل في الاسترا التيربو لو التوكيل جدع

**ahmad--ezzat** · 01-09-2015 08:25 PM

والسعر المتوقع 280 الف للفل اوبشن :d

**devil_storm** · 02-09-2015 01:36 PM

المشاركة الأصلية كتبت بواسطة ahmad--ezzat

والسعر المتوقع 280 الف للفل اوبشن :d

يا باشا سعرها اساسا بره لسه لم يحدد يبقي حتعرف سعرها في مصر اذاي! عموما انا مأجر هوندا سيفك حاليا و بصراحه فاقت توقعاتي بكتير، معرفش اذاي في يوم من الايام كنت بقارن الالنترا بتاعتي بيها! فعلا الهوندا حاجه تانيه و ممتعه جدا و تستاهل بصراحه سعرها الغالي بعد تجربتها، بامانه فرق واضح في متعه القياده بينها و بين الالنترا
حتي لما اجرت الكرولا ٢٠١٥ والله رحت رجعتها بعد ٣ ايام و اجرت الهوندا تاني، متعه القياده و دقه التوجيه و العفشه الممتازه و الثبات في المناورات و انوار العدادات اللي تحسسك ان سايق مكوك فضاء، حتي الباسات معجبتنيش زيها!
انا لما كنت بلاقي ناس بتكلم عن الهوندا كده كنت بتريق عليها خصوصا سامح اللي كنت علي طول شايفه متعصب جدا للهوندا بس بعد تجربتها فتره بتعرف يعني ايه هوندا فعلا و ان سامح عنده حق في التعصب ده ... ان شاء الله لو ربنا اراد و رزقني انا حبقي هونداوي اكيد

العربيه دي عيبها القاتل فعلا سعرها بس بعد التجربه انا شايف ان سعرها المبالغ فيه قصاد الاداء اللي بتدهولك و اتمني العربيه دي ترجع تنافس تاني

**SAMEH_FOUAD** · 03-09-2015 03:23 PM

مانا كنت بقولك كدة يا devil كنت بتقولى لأ , اللالنترا , والكلام دة انتهى وكلة بقى بيقارن ببعض , وخلينا نغير الفكرة بقى

وكانت صولات وجولات بسبب المقارنة مابين السيفيك والالنترا

عموما حصل خير , ونتمنى نشوفك هونداوى معانا

وشوف بعد كام سنة عرفت الحقيقة

-

-

الموضوع: الشكل المتوقع لسيفيك ٢٠١٦

LinkBack

أدوات الموضوع

عرض

الشكل المتوقع لسيفيك ٢٠١٦ - انشر الموضوع فى :

-

-

-

-

-

-

المواضيع المتشابهه

النترا ٢٠١٦ الشكل الجديد

حد يبدل فلوانس ٢٠١٦ ب كورولا ٢٠١٥ ،او ٢٠١٦

الشكل المتوقع للشارك 2016

ايه المتوقع في المعرض

الشكل المتوقع للفئة الخامسة الجديدة

الكلمات الدلالية لهذا الموضوع

المفضلات

المفضلات

ضوابط المشاركة