لو سمحتم اريد استشاره لاخواني بمصر

**ابو ماجد2009** · 01-09-2015 09:36 AM

السلام عليكم ورحمه الله
اخواني اعضائ المنتدى الكرام
اخوكم من السعودية ومحتاج مساعدتكم
لي صاحب مصري خطبتة بعد كم شهر وناوي ازورة بمصر
سوالي اية بتقدمو للصاحب الي بيخطب يعني الهدية مثلا او نظامكم بمصر
ارجو مساعدتي بالاقتراحات
اخوكم ابو ماجد

**wallace** · 01-09-2015 09:50 AM

عادي أي حاجة زي عندكم في السعودية أو أي مكان ,أي هدية علي زوقك ,برفيوم مثلاً او أي حاجة في نفس النطاق

وتنور مصر بالسلامة ان شاء الله

**salodas** · 01-09-2015 10:11 AM

لو صاحبك أوى وبينكم عشرة طويلة .... اسألة يختار هدية ايه من عدة اختيارات تكون انت محددها طبقا للميزانية بتاعتك ....
ولو هتتحرج من الموضوع ده .... يبأه ممكن بيرفيم زى ما الراجل قال فى الرد السابق او أى حاجة أنت عارف انه بيحبها ... تنور مصر ان شاء الله

**ابو ماجد2009** · 01-09-2015 10:28 AM

الف شكر للاخوان على الردود
لكل دولة عادات وتقاليد اكيد البورفيم معتقد مناسبة اقدمها له
عاوز اسال عن لو حبيت اجيب لة شي مميز وهوة طبعا يستاهل كل خير الميزانية مش مهمة توصل خمسة الاف ولا اكثر المهم شي مميز
سوالي هل لو قدمت له مثلا ثلاجة وفرن او شي للبيت بتبعى عيب عندكم او ممكن تزعل الشخص

**Ahmed abdkarim** · 01-09-2015 10:47 AM

اولا الف مبروك لصاحبك

ثانيا بلاش تجيب اى اجهزة لان هما اكيد اشترو او هما حيشتروا حاجه معينة وممكن اللى حتشترية ميعجبش احد الطرفين
فى هنا فى مصر حاجه اسمها نقطة يعنى انك تنقط صاحبك يعنى بتروح تزوره بعد الفرح و انت ماشى تسيب ظرف فيه مبلغ مالى و تكتب فيه مثلا الف مبروك ودى حاجه معروفة جدا فى مصر

**Mohamed_Hamid** · 01-09-2015 11:28 AM

ممكن تجيب له هدية بسيطة دلوقت لأنها خطوبة ولما يتجوز ان شاء الله فيه حاجة اسمها نقوط بيبقى مبلغ مالى فى مظروف كدة مع المباركة.

**MuhamedNabil** · 01-09-2015 02:58 PM

فى حاجة احلى من الظرف ممكن prepaid card فى مبلغ التحبه

**ALYSALIM** · 01-09-2015 04:28 PM

علي حسب صاحبك ممكن ساعة قيمة او موبايل والاحسن الفلوس لانه هيحتاجها جدا

**عﻻء سالمان** · 01-09-2015 06:01 PM

ابو ماجد ..كلك واجب..لو صاحبك العريس شاب فى بداية حياتة .. انت ممكن تغمزة بظرف النقطة وهوا فى الكوشة ويكون علية كلمة رقيقة ممهورة بتوقيعك..العرسان فى بداية حياتهم بيبقوا محتاجين سندة بنقول عليها فى مصر نقطة الفرح وتكون بينك وبينة محدش يﻻحظكوا.. بس انتا تكون مرتب نفسك هتنزل فين فى مصر لأن العريس مش هيكون مركز مع حد.. وأهﻻ بيك فى مصر تزيد نورها بزيارتك..