احباط

**ehabpopo** · 03-09-2015 11:59 AM

ربنا يكون في عونك ... من دبى ل ماسر ام الدنيا ... انت انتقلت نقلة لا تحسد عليها ...
ده الواحد بيروح الساحل اسبوع ... برجع القاهرة مش طايق نفسى ... هههههههههههههههههههههههه
ربنا المستعان ... ومشكلة صاحب الشغل في دبى تتحل وترجع شغلك تانى ... البلد دى مافيهاش امل ...... انسى

**tottihr** · 03-09-2015 07:32 PM

المشاركة الأصلية كتبت بواسطة ehabpopo

ربنا يكون في عونك ... من دبى ل ماسر ام الدنيا ... انت انتقلت نقلة لا تحسد عليها ...
ده الواحد بيروح الساحل اسبوع ... برجع القاهرة مش طايق نفسى ... هههههههههههههههههههههههه
ربنا المستعان ... ومشكلة صاحب الشغل في دبى تتحل وترجع شغلك تانى ... البلد دى مافيهاش امل ...... انسى

الحمدالله على كل شي مصر برده ام الدنيا

**destaroser** · 04-09-2015 01:57 AM

في واحد معرفه هاجر من مصر من ١٧ سنه وراح امريكا وحابب عيشته هناك جدا ومعندهوش استعداد حتي انه ينزل مصر زيارات ...دلوقتي بيحاول يعمل بيزنس هناك بس عايز سيوله وشركاء فبيختار ناس من قرايبه من مصر ...

كنت في شرم الشيخ من حوالي شهر اتفقت مع سنتر اني اطلع معاهم غطس ...الانستركتور كان امريكاني بيتكلم عربي اسمه فرانك ..عنده ٥٥ سنه تقريبا ولاقيته بيتكلم عربي
قالي انا مقيم في مصر من ١٥ سنه قعدت في الغردقه ودهب ومرسي علم بعد ما طلعت معاش وفتحت سنتر الغطس ده واتجوزت مصريه بعد ما انفصلت عن الأمريكانية وبحب مصر جدا لدرجه اني بروح امريكا مره واحده كل سنتين عدي علينا ايام صعبه قوي خلال ال ٣ سنين اللي فاتت ويدوب كنا بنغطي التكلفه بس دلوقتي اعتبارا الوضع ابتدئ يتحسن

قولت سبحان الله المصري سافر امريكا والأمريكي لاقي لقمه عيشه هنا

الزملاء الأفاضل دينا بيقول لا ضرر ولا ضرار ...تريقتك علي بلدك بتثير اشمئزاز زمايلك انت كارهه وليك أسبابك ممكن تحتفظ بيها لنفسك من غير ما تأذي مشاعر الناس وتدخلنا في مشاحنات

**tottihr** · 04-09-2015 03:22 PM

يا باشا احنا مش بنكره مصر احنا بنكره الظروف و الأشخاص الى عمله كده فى مصر لما تبقى مهندس وقاعد على القهوة و دكتور و بتقبض ٨٠٠ جنيه تقريبا لما تبقى كل حاجة ماشية بلوسطة هتلقى الناس كله مش مبسوطة لكن مش بنكره مصر لانه فى الاول و فى الاخر دى بلدنا و ملهاش ذنب

**reda elgohary** · 04-09-2015 06:02 PM

إستمر ف مكانك حتى تجد الأفضل .
كلنا مش راضيين عن شغلنا .

**destaroser** · 04-09-2015 08:02 PM

المشاركة الأصلية كتبت بواسطة tottihr

يا باشا احنا مش بنكره مصر احنا بنكره الظروف و الأشخاص الى عمله كده فى مصر لما تبقى مهندس وقاعد على القهوة و دكتور و بتقبض ٨٠٠ جنيه تقريبا لما تبقى كل حاجة ماشية بلوسطة هتلقى الناس كله مش مبسوطة لكن مش بنكره مصر لانه فى الاول و فى الاخر دى بلدنا و ملهاش ذنب

حضرتك مش بتكرها بس غيرك بيستغل اي بوست ويشتم فيها غيرك حرفوا الاسم اللي ربنا نزله في القران من باب التريقه
والله في ناس ظروفها اوحش من ظروفنا ومش عندهم واسطه وقله شغل لا دول عندهم حرب اهليه وجماعات مسلحه انما لما بيجي سيره البلد بتلاقي ناس في قمه الوطنيه .

اللي راح الصين عارف ان الصين بلد شيوعي مفيهاش حريه الغرب ممنوع عليهم حاجات كتير وعارفين كمان ان في حاجات كتير بتمشي بتفتيح الدماغ علي رأي الشعب المصري
كل يوم الصبح امام وزاره الدفاع بتاعتهم في العاصمه الناس بتقف في ساحه عشان يشهدوا مراسم رفع العلم ونزوله
وأما سالت ليه الناس واقفه مع انه كل يوم قالولي " علم الصين بيترفع " الصين في القلب