الموضوع: مساعدة فى شراء سكودا فابيا او حاجة تانية

السلام عليكم ورحمة الله وبركاته
اخوكم عمرو من سوهاج
انا مقدم باذن الله فى شهر اكتوبر على شراء اول سيارة ليا فى حياتى
السيارة ستكون من الشغل للبيت ومن البيت للشغل يعنى مشوار يومى لا تعدى 25 كيلومتر
مع سفرية واحدة كل سنة للقاهرة او اسكندرية
الفلوس اللى هاتكون معايا باذن الله 45000 جنيه
ومحتار جدا جدا جدا
بعض الاصدقاء رشحو لى السيارات التالية
لانوس 97 او 98
فيرنا
لانسر 97 او 98
مع العلم انى لا احب السيارات الكورى
انا بصراحة نفسي فى عربية سكودا فابيا
وموضوع قطع الغيار ده تعالو نفكر فيه مع بعض بصوت عالى
ايه هيا القطع الى ممكن احتاجها وهتتغير كل قد ايه ؟؟؟؟؟؟
لو سيور وقلاتر وبوجيهات و موبينة فدى بسيطة انا ممكن اخلى اى حد من صحابى يجيبهم لى اصليين من القاهرة او لو فى سوهاج يبقى تمام ( انا بصراحة مسالتش على قطع غيار الفابيا هنا )
اما الصيانة الدورية انا زى ما قولتلكم انا بانزل القاهرة او اسكندرية كل صيف وهاخلى الميعاد ده لصاينة العربية سنويا فى التوكيل او مركز معتمد علشان لو فى اى حاجة فى العربية تتزبط وارجع بيها مرتاح البال
ايه رايكم لو تساعدونى ونفكر مع بعض ولو فى اقتراحات عربيات تانية ماشى
اذن الحيرة بين السيارات التالية
لانوس 97 - 98
فيرنا
لانسر 97 - 98
سكودا فابيا من 2003 - 2005
ارجو المساعدة وخصوصا من اصحاب الفابيا لانها عاجبانى جدا وقريت عنها كتير
بانتظار ردودكم وشكرا مقدما لكل من سيهتم

ايه يا رجالة الموضوع يقاله يومين وكل دى مشاهدات ومحدش عاوز يساعدنى
اخوكم فى حيرة كبيرة والله لان دى اول سيارة فى حياتى
وانت اهل الخبرة الوحيدين اللى ممكن اسالهم