سيدى الفاضل كل يوم بيعدى عليك وانت فى بلدك وبين اهلك واكل شارب نعمة من عند ربنا بص حواليك وشوف الدمار والخراب والناس الى بترمى نفسها فى البحر هربا من داعش واسواق النخاسة وبراميل الموت ودا ميمنعش ان احنا نطور بلدنا بس نحافظ عليها
صورة شديدة الالم واللى يشوف الفيديو يتألم اكتر من منظر الاسرة المتوفية وهما بيحملوا الام الغرقة والطفل اللى قذفته الامواج ويبدوا انهم غرقو وكانوا راكبين قارب نجاة مطاطى
انا لله وانا اليه راجعون
لا حول ولا قوة الا بالله
اللهم انتقم من الظالمين
يا أستاذ ألمانيا والنرويج وسويسرا هم سبب المشكلة من الأساس
استقبلوا مين بس ؟
سبب المشكلة هو رغبة الغرب في السيطرة على ثروات الشرق من مئات السنين
استولوا على ثروات الشرق وعينوا وكلاء وساعدوهم بالعتاد والسلاح لكن الولاء كامل للغرب ليضمنوا عدم مطالبة أصحاب الحق بحقوقهم.
اللاجئين بيتم قتلهم في عرض البحر بالآلاف, من غفر السواحل في اليونان وايطاليا. ولو عدو ممكن يموتوا على حدود المجر او صربيا . ولو قدروا يعدوا من كل دا ممكن يموتوا على حدود النمسا, ولو قدروا يدخلوا النمسا بسلام يستقبلوهم بقا ويعملوا الشو الإعلامي اللي انت شايفه.
هؤلاء ضحية النظام العالمي و من بعدهم ضحية المسلمين اللي همهم ياكلوا ويشربوا ويناموا ويبقوا احسن من سوريا والعراق.
عارف ان سياسات الغرب هي سبب الكوارث اللي بنعيشها حاليا و لكن ده لا يمنع الاعتراف بالروح الطيبه للشعوب الغربيه اثناء استقبالهم للاجئين بدون تذمر او تأفف منهم او استغلال حاجاتهم
هنا بشوف شباب قذره هيموتوا علي اي واحده سوريه يتجوزوها و طبعا عارفين الاسباب ايه ... قمه الانحطاط و السفاله و استغلال الاخرين
اكيد فاكر هوجه ادفع 500 جنيه و اتجوز بنت سوريه ... قمه الانحطاط و السفاله مره اخري
الشباب زعلانين اوي ان بعض الشباب السوري شغالين زي الفل و بيعملوا فلوس و مخنوقين منهم ... قمه السفاله و الانحطاط مره تالته
خلينا نفصل بين الشعوب الغربيه الكويسه و بين حكوماتها الحقيره
الشعوب المستقنيصه اللي كل همها تاكل و تشرب و تمارس الجنس يعني مش بني ادمين اساسا و كل اللي علي لسانهم "احسن من سوريا و العراق" "لو مش عاجبك حال البلد غور من هنا" "احنا في حاله حرب فالنقد ممنوع"
حسابهم عسير دنيا و اخره و لما دول الشعوب دي هتخرب ... هتخرب علي دماغهم اول ناس
منتهى السذاجة المطالبة بفصل الشعوب الغربية عن حكوماتها ........... الشعوب ديه هى اللى جابت حكوماتها و هى اللى انتخبتهم و هى اللى ايام ماضربوا العراق و ليبيا و سلحوا معارضة سوريا و غذوها لحد ما بقت مستنقع لكل ارهابيى و مرتزقة العالم ........ ماحدش فتح بقه و الشوية اللى طلعوا اتظاهروا عملوا كده عشان ولادهم اللى بيموتوا فى الحرب مش عشان خاطر ولادنا
انت اللى زيك عينه مش بتشوف غير الوحش ....... زى ما فيه شباب قذر كان بيدور على واحدة سورية يجوزها ب 500 جنيه .......... فيه كتير اوى فتحوا بيوتهم و شققهم الفاضية لأستضافة الأسر السورية بالمجان لوجه الله تعالى و فيه اللى شغلهم و اكلهم عيش و فيه اللى صرف على تعليم ولادهم و دخلهم مدارس و جامعات و الأمثلة كتييييير اوى
مصر على ظروفها الأقتصادية الصعبة من زمااان اوى و هى بتستقبل اللاجئين من كل مكان و عمرنا ما سمناهم لاجئين .......... العراقيين و الكوايته و الليبيين و السوريين و الفلسطنيين
مصر حسب تصريح المفوضية العليا لشئون اللاجئين مستقبلة اكتر من 5 مليون لاجىء
اما تريقتك على احسن من سوريا و العراق ............ فانا مش حرد عليك
يرد عليك اشرف الخلق
قال رسول الله صلى الله عليه وسلم : ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها )
ده مش معناه السكوت على الظلم و لا الفساد ...... لأ ده معناه انى لازم اصلح من غير ما هد ....... اقاوم الغلط من غير ما احرق الدنيا كلها ......... ابدأ بنفسى و ببيتى و باولادى قبل ما ابدأ بغيرى
و الحمد لله رب العالمين على نعمة سلامتنا و سلامة اولادنا و اهالينا
بمرور الوقت وتكرار الاحداث دى يتاكد ليا أنى كنت صح لما قررت أن بلاد العرب بيئه غير امنه لتربيه الاطفال أنا لا أمن على أولادى فى مصر أضمن منين أن اللى بيحصل فى سوريا الان لا يحدث فى مصر بعد كام سنه
الشعب المثقف الواعى اللى بتوصفه ده هى اللى اختار تجار الدين وانتخبهم مره للبرلمان ورجع انتخبهم للمره التانيه بعدها بشهور للرئاسه
لو كان فعلا شعب مثقف وواعى مكنش عمل كده
بالمناسبه اللى فى السجون من قيادات الاخوان عايشيين احسن عيشه من اكل وشرب ونوم وترفيه ومحدش هيقدر ينفد عليهم الاحكام اللى صدرت بحقهم والايام بيننا