عاوز اعرف طريقه تشغيل البلوتوث والاوتو بارك

**ASCOM** · 03-09-2015 12:36 AM

من فضلكم انا اشتريت باسات 2010
وعاوز اعرف طريقه تشغيل التليفون على البلوتوث للعربيه لانو مش عارف يقرا بلوتوث الموبايل ولما غيرت عده الموبايل قرا البلوتوث بتاعها بس بيكتبلي رساله انه فشل الاتصال
وازاي اغير اسم اليوزر القديم اللي متسجل على العربيه
وياريت اعرف طريقه الاوتو بارك والاوتو هووولد

**mshamy** · 03-09-2015 01:47 PM

[youtube]https://www.youtube.com/watch?v=zbrXuzCXWlc[/youtube]أولا الف مبروك العربية و ربنا يديلك خيرها و يكفيك شرها وشر الطريق
بالنسبة لموضوع البلووتوث حضرتك لازم بتغير الوحدة اللي تحت كرسي اليمين بوحده جديده (بتكون اصدار 2012 و انت طالع) علشان تتعرف على الموبايلات الحديثة
وحضرتك بتقدر تلغي اليوزر القديم من قائمة التليفون و تعمل بروفيل جديد باسمك او اسم التليفون
بلنسبة للأوتوبارك:
1- وحضرتك بتقرب ع المكان اللي عايز تركن فيه سرعتك المفروض لا تزيد عن 20-30 كيلو/س
2- بتطغط زرار الأوتوبارك حيظهرلك منظر العربية على الشاشة امامك و الرصيف جنبها
3- لو مكان الركنة يمين يبقى بتشغل ذراع الإشارة يمين و العكس صحيح و بالتالي الرصيف حينقل يمين او شمال
4- اول ما تعدى ع مكان الركنة لو العربية شافت ان المكان يسمح حتلاقي ظهر لك سهم بيوضح لك الركنة للخلف
5- حيظهرلك رسالة ع الشاشة انك تجيب الفتيس على وضع الرجوع وبعدين ضغطة بنزين خفيفة
6- حتلاقى العربية بتلف الدريكسيون و بترجع لوحدها بس خلي رجلك ع الفرامل
7-بعد العربية ما ترجع بظهرها طبعا حتحتاج تعدل وشها ..حتلاقي رسالة ظهرت انك تجيب الفيتيس على وضع القياده و دوسة بنزين خفيفة و رجلك برضه ع الفرامل
ده فيديو توضيحي

https://www.youtube.com/watch?v=zbrXuzCXWlc

**mshamy** · 03-09-2015 01:50 PM

أولا الف مبروك العربية و ربنا يديلك خيرها و يكفيك شرها وشر الطريق
بالنسبة لموضوع البلووتوث حضرتك لازم بتغير الوحدة اللي تحت كرسي اليمين بوحده جديده (بتكون اصدار 2012 و انت طالع) علشان تتعرف على الموبايلات الحديثة
وحضرتك بتقدر تلغي اليوزر القديم من قائمة التليفون و تعمل بروفيل جديد باسمك او اسم التليفون
بلنسبة للأوتوبارك:
1- وحضرتك بتقرب ع المكان اللي عايز تركن فيه سرعتك المفروض لا تزيد عن 20-30 كيلو/س
2- بتطغط زرار الأوتوبارك حيظهرلك منظر العربية على الشاشة امامك و الرصيف جنبها
3- لو مكان الركنة يمين يبقى بتشغل ذراع الإشارة يمين و العكس صحيح و بالتالي الرصيف حينقل يمين او شمال
4- اول ما تعدى ع مكان الركنة لو العربية شافت ان المكان يسمح حتلاقي ظهر لك سهم بيوضح لك الركنة للخلف
5- حيظهرلك رسالة ع الشاشة انك تجيب الفتيس على وضع الرجوع وبعدين ضغطة بنزين خفيفة
6- حتلاقى العربية بتلف الدريكسيون و بترجع لوحدها بس خلي رجلك ع الفرامل
7-بعد العربية ما ترجع بظهرها طبعا حتحتاج تعدل وشها ..حتلاقي رسالة ظهرت انك تجيب الفيتيس على وضع القياده و دوسة بنزين خفيفة و رجلك برضه ع الفرامل
https://www.youtube.com/watch?v=zbrXuzCXWlc

**ASCOM** · 04-09-2015 04:00 AM

ألف شكر لكي يا باشا انا عملت زي مننا قلت والحمد لله تمام
أنا بس عاوز اعرف الكارت اللي تحت الكرسى بتاع البلوتوث أجيبه منين هل بيتباع برة التوكيل ولا لازم في التوكيل ويكلفني كام

**mshamy** · 04-09-2015 09:31 AM

المشاركة الأصلية كتبت بواسطة ASCOM

ألف شكر لكي يا باشا انا عملت زي مننا قلت والحمد لله تمام
أنا بس عاوز اعرف الكارت اللي تحت الكرسى بتاع البلوتوث أجيبه منين هل بيتباع برة التوكيل ولا لازم في التوكيل ويكلفني كام

لا شكر على واجب
أحدث إصدار موديول بلوتووث هو3c8035730E
سعره من على ebay في حدود 150 دولار غير الشحن و الجمارك
التوكيل سعره غالي جدا حوالي 4500 جنيه تقريبا

**ASCOM** · 05-09-2015 01:45 AM

شاكر جدا معاليك على المعبونات المفيده دي
بس بخصوص ebay انا لو طلبتو بيوصلني طرد لحد العنوان بتاعي والموقع بيخصم ثمن الطرد شامل الجنارم والشحن ولا انا روح استلمها من المطار او المينا ؟؟؟وهل التوكيل يرضى يركبهالي ويبرمجها على الكمبيوتر ةلا اتصرف ازاي ؟؟وهل ممكن دي تتباع استيراد
معلش انا اسف كترت اسئله

**mshamy** · 05-09-2015 09:26 AM

المشاركة الأصلية كتبت بواسطة ASCOM

شاكر جدا معاليك على المعبونات المفيده دي
بس بخصوص ebay انا لو طلبتو بيوصلني طرد لحد العنوان بتاعي والموقع بيخصم ثمن الطرد شامل الجنارم والشحن ولا انا روح استلمها من المطار او المينا ؟؟؟وهل التوكيل يرضى يركبهالي ويبرمجها على الكمبيوتر ةلا اتصرف ازاي ؟؟وهل ممكن دي تتباع استيراد
معلش انا اسف كترت اسئله

و حضرتك بتشتري من ebay بتتفق مع البائع على طريقة الشحن (بتدفع ثمن السلعة + الشحن فقط ) و يستحسن انك تطلب شحن عن طريق ال international courier زي fedex or DHL لآن دول بيوصلوا لحد باب البيت و هما بيخلصوا الجمارك و حضرتك بتدفع الجمارك عند الإستلام
بالنسبة للتركيب حضرتك مش محتاج التوكيل في حاجة اول حاجة تطفي العربية و تشيل المفتاح و بعد كده مجرد انك بترجع كرسي الراكب الى الخلف حتلاقى العلبة الفوم تحت الكرسي ...شيل الغطاء بحرص علشان ماتكسرش الفوم و بعدين شيل الفيشة بتاعة الداتا و كابل ال GSM و بعدين تركب القطعة الجديدة و ترجع الغطاء تاني بحرص برضه و بعدين تدور عربيتك عادي جدا و تبتدي تعمل ال pairing

الربط ده في صور و فيديو توضيحي
http://www.myturbodiesel.com/wiki/bl...stall-and-faq/

بالنسبة للإستيراد لازم تنزل تدور بنفسك في الحرفيين ولازم تاخد بالك من تاريخ التصنيع و رقم القطعة علشان ما تشتريش حاجة ممكن ما تشتغلش