السلام عليكم
مش عارف ده الزلزال رقم كام اللي ضرب مصر خلال السنتين اللي فاتوا
عموما ده زلزال جديد وخفيف ضرب مطروح والاسكندرية والقاهرة الساعة 3 صباحا
عرض للطباعة
السلام عليكم
مش عارف ده الزلزال رقم كام اللي ضرب مصر خلال السنتين اللي فاتوا
عموما ده زلزال جديد وخفيف ضرب مطروح والاسكندرية والقاهرة الساعة 3 صباحا
تحذيرات ما قبل الطامة
ربنا يلطف بينا ويحسن خاتمتنا
متوقع حدوث كارثه طييعيه كبيره كجزاء عادل لما يحدث في البلد من اكتر من 60 سنه
ربنا ينجينا من المهالك
من غير ما اى امم تضحك علينا
هو اذا فى اتنين عندهم سرطان او اى مرض خبيث وكل واحد مثلا عمره 50 سنة واحد منهم طول عمره راجل صالح فى بيته وفى شغله والمكان الى ساكن فيه وكل من يعرفه من اهله او جيرانه او زملائه فى الشغل يشهد له بكده طوال عمره والتانى العكس تمام كان طول عمره راجل مسجل خطر ومجرم وفيه كل الصفات البشعه وكل الناس تشهد بكده طول عمره
طيب هو الله عز وجل اراد أن يعاقب الراجل الطيب الصالح أكيد لا
لأن الابتلاء الشديد ده ان شاء الله بتكون حكمة الله وهو أعلي وأعلم ان الراجل ده يترفع درجات أكتر إذا صبر ورضي بما اصابه وبدل مثلا ما كان عمله ربنا يجزيه به درجة فى الجنة الله عز وجل يرفع من مكانه درجات تانية مكافاه له
وفى النهاية من يأمر الارض أن تتزلزل
لا إله إلا الله وحده لا شريك له له المُلك وله الحمد وهو على كل شي قدير
علي الاقل الشعب السوداني محترم و طيب و متدين فعلا
ربنا يحفظلهم بلدهم
طبعا بير الغاز الجديد من عند ربنا امال حضرتك شايف البير ده رضا من عند مين ؟
طبعا من غير ما اوجه كلامى لحد عشان عارف الكلام الى هقولو دة هيزعل صاحب الموضوع والكلام الى هقولو دة مالوش علاقه بى
للاسف كل واحد مش عارف يحقق هدفو او بمعنى اصح غير قادر على انجاز اى شئ فى حياتو
يطلع يشتم فى البلد والدنيا وفى الاخر يقول البلد هيحصل فيها زالزال وبركاين الغضب هينزل علينا وهنولع وكمان
طلع هنا عندنا نجا*****ه كتير وبلاوى سوده
فعلا كل واحد بيعلق فشلو فى حياتو العمليه على الغير
كل واحد عايز يقعد فى على مكتب والتكيف ويشتغل موظف فى الحكومه غير كده يبئا الحكومه فشله وبلد زباله وربنا هينتقم مننا
لكن ننزل نتعب ونشقا ونحفر فى الصخر مينفعش
فى الوقت الى فى ناس فشله فى بلدنا وبتفكر تسيب البلد وتهاجر
فى ناس جت من بلاد تانيه زاى السورين فتحو مشاريع هنا وكبرو وكسبو واصبحو من الاغنياء
لكن عشان بيحبو الشغل
مش بيحبو المكاتب والتكيفات
ممكن اكون نموذج قياس لحضرتك
انا فشلت حاليا فى حياتى العملية فى الدنيا وانا بعترف بكده
كنت شغال وقاعد على مكتب وفى تكييف فى الاوضه وموظف ثابت ومتعين فى الدولة فى شركة بترول من اكبر الشركات
وكنت بنزل اتعب واشقي كل يوم وتقريبا بحفر فى الصخر زى كل الناس الى بتنزل
بعد فشلي ده وقبل منه بفترة طويلة من كذا سنه بحاول اشوف اى فرصه للسفر مش عارف ودلوقتى بقي تقريبا مستحيل
ممكن بسهولة اعمل مشروع واكون من الاغنياء لانى عندي خبرة كبيرة سواء فى السوق او فى معرفة طريقة التخليص لاى حاجة
وبحب الشغل جدا أكيد وخصوصا بعد ما دوقت طعم العاطل لمده 15 شهر واكتر حتى الان
وطول عمرى وان صغير كنت بحاول اشتغل اى حاجة علشان اأكون راجل واتحمل المسئولية صبي نقاش وصبي سباك وصبي كهربائي فى ورش المراكب فى حلوان وغيره وغيره وبياع ملابس فى الشارع وبعد الدراسه فى المطابخ والفنادق وبعد كده موظف ثابت من عام 2006
طيب حضرتك اذا صدقت الكلام ده كله حتعتبرنى مجنون مش كده لان ازاى اعمل كده
ولان الهدف انى اكون غني واجمع فلوس
زى ما حضرتك ذكرت فى الكلام ان ده الغرض وفعلا هدف جمع الفلوس امر مطلوب وضرورى جدا وبشدة
والاجابة حتكون انى تاكدت ان الفلوس لازم تكون من سكة حررام
فى الوظيفة الاخيرة مثلا علشان تشتغل بضمير وتكون شخص محترم ولا تقبل الحرام كل زملائك ورؤسائك بيرفضوك فى انفسهم لانهم هما فاسدين وبيسرقوا اموال الشركة وبيفضلوا وراك بطريقة غير مباشرة علشان يخلوك تزهق من حياتك وانت الى تسيبهم وتمشي وفعلا اعترف انى فشلت فى التحمل بعد محاولة كذا سنة
ودلوقتى عمرى 36 ومش لاقي شغل ومعرفتش اتجوز واكون اسرة ولكن فضل الله انى باكل واشرب واتعالج وربنا لم يتركنى ابدا ولم يجعلنى اطلب من احد شي وان شاء الله مسلم امرى كله لله واذا لاقيت اى فرصة اكيد حمسك فيها بشرط تكون حلال وكمان صحتى تساعدنى لان الامور اتغيرت من الصحة و قوة التحمل والحمد لله فضل الله عظيم ونعمه عز وجل لا تُعد ولا تُحصي
سبحان الله والحمد لله ولا إله إلا الله والله أكبر
اللهم صل وسلم وبارك على نبينا محمد خير خلقك
استكمالا لما سبق السبب الرئيسي انى تركت الشغل غير طبيعة التعامل والعلاقات العامة انى كنت شغال فى ادارة كويسة وفيها شغل دائم وكمان حساس وهام وبعد كده نقلونى مبني تانى بعيد عن ادراتي العامة وحطوا اسمي على السكرتارية وبقيت من غير شغل ولا إدارة تابع ليها ولا مدير ولا اى حاجة وفضلت سنتين عمال اطلب منهم ان الوضع يتغير لانى كل السنين الماضية كنت مثال كويس جدا لموظف مجتهد وكل ادارة او غرفة جلست فيها للشغل الحمد لله تركت بصمة لا يمكن تتمسح فى تنظيم وطبيعة الشغل وجميع روسائى وزملائي لم يكن هناك ابدا شئ أُخذ علي فيه انى مخطئ خطأ كبير بل العكس صحيح دائما كنت بحاول اتعلم اى حاجة ممكن تفيد الشغل بقدر استطاعتى وان كنت لا أخلوا من الاخطاء الطبيعية
يعني السبب اني كنت بتخانق علشان عايز اشتغل بس مش خناق لكن محاولات مستميته لتعديل الوضع ورفع الظلم والافتراء بدون سبب عن نفسي والنتيجة ان كل رؤسائي وزملائي الى بتربطني بهم علاقات طيبة جدا والمفروض ان فيه بنا مودة وغيره مثل اى زملاء من مشاركة المناسبات والتهنئة بالاعياد والمواسم وعدد ساعات العمل اليومي الى ممكن يكون اكتر من البيت واحنا متجمعين فى مكان واحد كلهم عملوا من بنها . بنها . بنها .... ههههه ولا اى حاجة خالص ولا أكن فى حاجة حصلت
وانتهى الامر انى سيبت الشغل ومشيت بدون اى تصرف رسمي بس قبل ما امشي خالص كتبت للمديرة الكبيرة بشكل غير رسمي ان حصل كذا وكذا وكذا وطبعا كل حاجة حصلت امام عينها شخصيا فى غرفتها يعنى معها وقلت لها اني كتبت الكلام ده علشان نوقف نتحاسب بيه امام الله لان مع مرور الوقت كل ما كنت افكرها بمشكلتى تعمل نفسها مش عارفه حاجة ... وإن شاء الله يوم القيامة نتحاسب وأكون ماسك رقبتها علشان كانت سبب وقتلتني وده بجد لان القتل مش بس نزول الدم ده قتل معنوى وإن شاء الله له جزاء القتل المادى وطبعا وضعي دلوقتى واضح انى ميت لما مش عارف اكون انسان طبيعي واكون اسرة وكمان معرض انى مش اعرف اكل واشرب بس ده بمقايس الدنيا ولكن الله يسبب اسباب وكل واحد مسئول عن موظف فاكر ان هو الى بياكل الموظف ده ولازم الكل يسمع الكلام مهما كان والا حيموت ومش حيعيش لان انا الى بديلوا الفلوس والمكافات اخر الشهر وكل واحد لازم يقدم اكتر علشان ياخد أكتر ... فده تكبر على الله نعوذ بالله من ذلك وان شاء الله كما قيل انه لن يدخل الجنة شخص فى قلبه ذرة من كبر أو تكبر وان شاء الله انا فرحان وسعيد جدا بكل ده لان من كان سبب فى الاذي سينال عقابه وكمان انا حاخد حقي بالكامل وبالتاكيد اذا عفي عنى الله حكون انا الكسبان وحالى أحسن برحمة الله
ويقال ان الظالم اذا عرف ما أعد الله للمظلوم لبخل عليه بالظلم
والمظلوم اذا عرف ما أعد الله له كان هرب من الظالم علشان ميحاولش يصلح ظلمه فبصراحة انا انتهزت الفرصة وهربت هههههههه بجد
سبحان الله
الحمد لله
إن شاء الله خير كبير وأمل كبير فى فضل الله
:openflower3::openflower3::openflower3:
اللهم صل وسلم وبارك على نبينا محمد خير خلقك
للمرة الثالثة استكمالا لما سبق بما ان الموضوع اتفتح
من العجائب الفريدة فى سوق العمل المصري ولا أظن انه موجود فى اى مكان أخر إلا اذا كان مثلنا
طبعا المصدر الوحيد للبحث عن وظيفة هى اعلانات الوظائف فى الجرايد او غيره وطبعا اى حد اى كانت خبرته وتخصصه بيكون صعب انه يجد وظيفة تنفع له يقدم علشنها
وطريقة التقديم والمقابلة بتكون على شكلين اما بيكون فى تواصل قبل المقابلة الشخصية من خلال التعرف على السيرة الذاتية ثم الاستدعاء للمقابلة الشخصية أو الذهاب للمقابلة الشخصية مباشرة
طبعا خلال أكتر من خمس او ست سنوات الأخيرة واثناء ما كنت شغال كنت بحاول ابحث عن مكان افضل بشكل عام لانى كنت حاسس بقوة ان النهاية حتكون قريبه بسبب ماسبق ذكره طبعا ممكن نقول ان عدد الوظائف الي تقدمت لها تقريبا 30 وظيفة
المهم العجائب تبدأ الأن
طبعا مجهز سيرة ذاتية ممتازة من حيث الشكل ومصور الورق المهم وطبعا الواحد بيكون نازل المقابلة وعنده شي من الأمل وإذ بمجرد ما يشوف صاحب العمل أو المكلف بالمقابلة السيرة الذاتية ينظر نظرة رهيبة مع علامات الذهول والدهشة وبكون متهم أنى مجنون مباشرة وبعد لحظات يبدأ الحوار الملخص جدا لأنه بيعتقد بكل جديه وصدق ان الشخص الى قاعد معاه ده مجنون ليه بقي .. هو بيكون عايز يقولى يا بنى ازاى تسيب الشغل ده ده احنا كلنا بننزل كل يوم نتبهدل ونتمرمط علشان نقدر نعيش ونجيب فلوس وأنت تبقي شغال فى مكان فلوسه كتير وتسيبه إذا كل الناس هدفها الفلوس بس مفيش حاجة اسمها انتاج او عمل مبني على نظام واضح واهداف مستقبلية ولا الكلام ده خالص وطبعا ينتهى الامر فورا بالنسبة للمقابلة وبعد كام مرة اتعودت على كده
مع ان العادى ان انت شخص صاحب عمل وطالب حد علشان يشتغل معاك في حاجة محددة المفروض انك تشوف الشخص الى بيتقدم للوظيفة حيقدر يقوم بيها ولا لا بالشكل الى انت عايزه وبعد كده تكون فترة اختبار وبعد كده قرار الاستمرار من عدمه ده الطبيعي
الجزء الثانى المقابلات التى يسبقها ارسال سيرة ذاتية بالضبط زى الاولي بس حصل مرة موقف لا يمكن انساه بعد التواصل وكده على التليفون او الايميل روحت المقابلة ولبست رسمي زى ما طلبوا وكله ميه ميه بعد كده دقائق من المقابلة والحديث عن الشغل السابق اذ بالسيدة المسئولة بتقولى أنت عارف ان احنا طلبناك مخصوص تيجي علشان نعرف انت سيبت الشركة دى ليه
وطبعا ده تفسيره مش حينفع يتقال خالص لانى مش هعرف اعبر عنه
سبحان الله وبحمده سبحان الله العظيم
لو هتكلم عن نفسي
انا قاعد علي مكتب و في التكييف و الشغل بتاعي يعني مش شغال عند حد و بكسب كويس نسبيا الحمد لله و ان شاء الله تعالي هغور من هنا في خلال شهور بعون الله
الحكايه مش حكايه شغل و لا حكايه فلوس
الحكايه حكايه حياه ادميه و ان الناس تكون كويسه مع بعض و بتحب بعض
و بعدين معلش لو مؤاخذه في اللفظ يعني
لو الشعب كله بيتفشخ كنت هقول امين و ده حال البلد
لكن ناس عماله تغرف من خير البلد و احنا بيترمي لينا الفتات
لا معلش ده ظلم و استبداد
و اللي راضي بكده ... هتلف الايام و هيتظلم و محدش هيعبره
بلاش اقول امثله عشان محدش يزعل و يتقمص
انا مش مربي دقني و لا عمري ربيتها و لا هربيها و لا انا اخوان و لا يحزنون (عشان دماغك مش توديك لبعيد)
و التدين مش بالدقن
ارحمونا يرحمكم الله و كفايه تدخل في نفوس الناس
مكرر
- أنا مش مصدق إللى أنا بأقراه :b4_039::b4_039:
صح معاك التدين مش بالدقن وانت شهادة لله عليك الفاظ كلها تدين وايمان
ويا سيدي يعني هما كل تجار الدين كانوا مربيين دقنهم
اي حد يستخدم الايات القرانية والاحاديث لاثبات وجهه نظره دا تاجر دين , مربي دقنك مش مربي دقنك اسمك تاجر دين
بالمناسبة انا لما قلت انت ربيت دقنك مكنتش اقصد انك ربيتها خارجيا ولكن كان قصدي داخليا , بس لان حضرتك نبيه موصلتلكش
كفايه كلام يا جماعه فى السياسه وخلونا نفرح بالموضوع الاصلى احنا عندنا بترول دلوقتى يا جماعه يستحق الفرحه وعلى فكره المشككين فى بترول من عدمه انا ساكن مقابل العين المكتشفه وشايف الللهب بتاعها ليل نهار ادامى على بعد امتار على فكره
- فى كائنات مش مصدقة نفسها.
- هتتجن خلاص عماله تعض فى صوابعها من الحسرة والآلم والندم من سنين ومفيش نتيجة.
- افتتح قناة السويس الجديدة.
- 30 تريليون قدم مكعب غاز طبيعى قليل الشوائب.
- روسيا هتبنلنى المفاعل النووى فى الضبعة.
- الصين هتتعاون فى بناء العاصمة الإدارية الجديدة.
+ فهو دوت شعورهم لما الأمل كل يوم بينطفى من حياتهم.
ياباشا انت لسه متعرفش الشخص دا
هو دا اسلوبه لا فاهم حاجة ولا عارف اي حاجة في اي حاجة ويدخل يلطم ويشتم في البلد والحكومة
ولما نرد عليه بالارقام والاخبار من مواقع حيادية يكون تصرفة ياما يعمل ميت وكانه مشفش المشاركة او يخلي غيره يرد عنه ويعمله اعجاب او يقعد يتريق .
هو مش لاقي رد منطقي ولا عارف يرد لانه معندوش العلم ولا بيقري الحاجة الوحيدة اللي شاطر فيها ان ينشر طاقته السلبية علي الناس .
اللي بيقلك الفلوس بتتصرف علي جيب المسئولين ويقلك الشعب استفاد ايه
رديت عليه قبل كدا
قلته الكهربا اللي كانت بتقطع ودلوقت مش بتقطع , هو دا مش فايدة للمواطن ولا برضوا في جيب المسئولين
قلته تم علاج 120 الف مواطن بعلاج فيرس سي , الفلوس بتاعه العلاج دا مش استفاد بيها المواطن يهرب ويتريق ويقلك يعني هما اللي اخترع العلاج ويقلك معلجهمش بجهاز الكفتة ليه , علي اساس انهم مش دافعين فلوس في العلاج اللي استوردوه من بره
منظومة الخبز ومنظومة التومين مش المواطن برضو الاستفاد بيها يقلك مسروقة من مرسي , يا اخي ان شاء الله تبقي مسروقة من ابو جلمبوا مين اللي طبقها ونفزها وصرف عليها واشتغل بجهد وقوة علشان يقدر يطبقها !!!
معهد القلب اللي تم تطوير مش دا فايدة للمواطن
اللي زي دا لو رديت عليه من السنه اللي جايه بالمنطق والارقام مش حيبص , فانسب رد عليه انك تعامله بطريقته
منور يا حج باسم اخبار السودان الشقيق ايه :)
اهو فتح موضوع جديد وحيقعد يعدد فيه :)
بالنسبه للكهرباء
لسه بتقطع ... مش زي الاول بس و الله لسه بتقطع ... و الله لسه بتقطع و مازر بورد الكمبيوتر اتحرق و الهارد اتحرق و بروسيسور البلاي استيشن 4 اتحرق ... و الله اتحرقوا بسبب قطع الكهرباء علي مدار عده اشهر
الكهرباء بتقطع بالايام في الصعيد اللي محدش حاسس بيه ... و الله بتقطع بالايام في المدن المتطرفه زي القصير و الشيخ زويد ... و الله بتقطع في القري الفقيره ده لو دخلها كهرباء اساسا ... مش عشان انتوا قاعدين في النور 24 ساعه يبقي كل البلد كده ... بصوا لغيركم الله يصلح حالكم
بالنسبه لعلاج فيروس سي
ياريت مصدر موثوق عن موضوع علاج مواطنين عاديين زينا كده بالمجان ... اصلي اعرف ناس كتير عندها المرض ده بسبب قذاره مستشفيات بلدنا و مش لاقيين العلاج المجاني ده
بالنسبه لمنظومه التموين و الخبز
و الله فكره المنظومه دي موجوده من ايام حسني مبارك ... و الله كانت من ايامه و الحاج مرسي اخد الفكره و نسبها لنفسه و قال ايه انجاز ليه ... و برضه دلوقتي بيتكرر نفس الحوار
بالنسبه للسودان الشقيق
هو مفيش غير السودان ؟؟؟ بباسبورك المصري ممكن تدخل اكتر من 45 دوله (غير السودان) بدون تأشيره او بتأشيره من المطار
النهارده 16 دوله بموافقات امنيه
بكره هيبقي 200 دوله بموافقات امنيه
نحن نسير في طريق كوريا الشماليه بسرعه الصاروخ
- ولو قطعت فى سيناء عشان أحنا بنحرب الإرهابيين تجار الدين إللى لا ليهم وطن ولا دين.
اقسم بالله العظيم بالذى رفع السماء بلا عمد ان الزالزال قبل ما يحدث بيومين فقط حسيت بوقوعة وكنت كتبت موضوع قبل كدة انى بشعر بزالزال وعندى الموهبة الغريبة دى قبل حدوثها بشكل غريب وتوقعت بزلزال قبل كدة هنا فى المنتىدى
وما رضيت اكتب فى منتدى بتنباء بزالزال لانى بعرف ان الحوار هيقلب سياسى وشتم وتلاسن زى ما حصل دلوقت .......اوف اوف
وكمان خفت يتقال علية بعمل رعب وارهاب فى البلد وبكرهه مصر لو تنبئت بزالزال !! وكانى انا السبب فية........ والحوار المعروف................ الخ الخ وفى الاخر اتجاب من بيتى من قفايا دون اى ذنب
ودة اخر كلامى ونصحى ليكم
اذا اراد الله ان يهلك قوما اكثر فيهم الجدل