الموضوع: ازاي اضمن عدم خيانة المحامي للأمانة ؟

السلام عليكم ورحمة الله وبركاته

انا اخويا كان عامل توكيل لمحامي (توكيل استخراج سجل تجاري وبطاقة ضريبية) دا حسب علمي, و اعتقد كمان ان المحامي كان يقدر يوقع بداله في الشراكة مع شخص آخر.

اللي عاوز اعرفه هو الآتي:

1- ان حاليا السجل والبطاقة تم استخراجهم. هل التوكيل له قيمة حاليا؟ وهل الغاء التوكيل أفضل ؟

2- المحامي كان قال انه هيبقى محامي قانوني للشركة, هل دي حاجة ممكن المحامي يعملها بدون علم اخويا؟ وهل ليها مصاريف او التزام على أخويا من أي نوع؟

3- لما أخويا يستلم الحاجات بتاعته من المحامي, ينتبه لأيه؟ ويسأله عن أيه بالتحديد عشان يبقى عارف حقوقه أو ينتبه لأي شئ ممكن يكون حصل بدون علم أخويا ؟

4- المحامي قال لأخويا انه عمله نسختين من السجل التجاري او البطاقة الضريبية, هيديه واحدة ويخلي واحدة معاه. المحامي رأية ان لو الورق ضاع من اخويا يبقى فيه بديل جاهز عند المحامي بدون اي مشاكل او عطلة ؟ هل دا فيه ضرر على اخويا من اي نوع؟

وشكرا لكم مقدما.