ﻷ طبعا شلغتطها، دا الأستاذ محمد مجدي كان حيشترى العربية وغير رأيه
أديك طيرت زبون أهو هههههه
عرض للطباعة
في كذا نقطه معرفش اناقشك فيها لان العربيه لسه جديده معايا وفي نقط تانيه غلط
اولا انا معايا صني 2008 اللي هيا نفس 2010 وطبعا تقفيل اللانسر احسن بكتير جدا
ثانيا العفشه الملتي لينك رياضيه ولازم تدبدب شويه وانا مش حاسس بمشكله ف العفشه شخصيا
الصاج فعلا ضعيف شويه.. بس ايه أقوى منها في فئتها؟
ثالثا فلتر البنزين الاصلي ب 720 اخر مره سالت عنه بس قطه غيارها غاليا طبعا.. اننا معمره فين وفين لما بتحتاج تغير حاجه
رابعا الكاوتش الدانلوب خامس احسن كاوتش ف العالم.. هو بيعمل صوت هوا وانت ماشي انما كاوتش كويس جدا
خامسا الثبات.. لو طلعت الالماني من الموضوع.. هاتلي عربيه واحده تاخد مطب هوا علي 150 ومتتمرجحش!
هاتلي عرببه واحده ثابته وفوق الارض ب 16 سنتي ونص زيها!
سادسا وده الاهم.. كل ماحد يشتم ف العربيه واقوله طيب لو رجع بيم الزمن تجيب ايه بتمنها يسكت زي حضرتك او يقول عربيات مستعمله او يقول كروز بس اعااه ببع ف الضياع.. تظل هيا احسن قينه في سعرها.. خصوصا للي اقل من 150 الف جنيه
وبالمناسبه نتشه الفتيس دي محستش بيها خالص لحد دلوقت
Fff
انا قولت رأي شخصي في العربيه و كررت كذا مره
و معلش لو الصني اللي مع حضرتك كنت جايبها من الزيرو كنت هعرف كلامي
عموما لا هي احسن من الكروز و لا خاجه ابدا
وًتقفيلها سئ جدا بشهادة كل اللي ركبها خامات و تقفيل
مفيش حاجه اسمها عفشه مالتي لينك تدبدب
و السنترا برقبتها في كل حاجه يعيبها شكل التابلوه الداخلي
خامات افضل موتوو اهدي ثبات اعلي
وعموما اللي عاجبه العربيه ربنا يباركله
انا مقولتش نقطه مش موجوده في العربيه
انا استعملت العربيه ٧٠٠٠ كيلو و جربت فيها كل حاجه
ثبات و تسارع
انا مش مندوب شركة تانيه و مش تاجر عشان يبقي ليا مصلحة
انا بس صعبان عليل ناس كتير بتشتريها و بيركبوها يلاقوها حاجه تانيه خالص غير اللي بيسمعوه عنها
و بيبيعو كسر زيرو
انا شايفها اكتر عربيه بتتباع كسر زيرو في اقل من ٢٠٠٠ كيلو
وممكن تتابع جروبها ع الفيس يوميا ناس بتبيعها و قرفانه من نفس العيوب اللي قولتها
انا زي ما قولت لحضرتك مش بتجني عليها
بالنسبه لتقفيل الشارك انا عاوزك تصور بس باب العربيه وًتقفيله و شوف كميه الفروق اللي فيه
مش موجوده في اللانوس
او شوف الفبر اللي علي القوايم مع فرش السقف
او شوف كمية الزن اللي هتسمعها من التابلوه
انا بتكلم من واقع تجربه شخصبه و تجربه اكتر من ١٠ اعرفهم معاهم شارك ٢٠١٥
للعلم شارك ٢٠٠٨ افضل مليون مره من ٢٠١٥
حضرتك تعرف 10 عندهم شارك فيها المشاكل دي!!
على العموم العربية مش رخيصة سعرها من 140 إلى 177 الف يعني لو فيها نص الحاجات اللي انت قولتها محدش حيشتريها، وفيه بدائل كتير بالسعر ده
انا معايا صني من الزيرو.. انا المالك الاول ليها"تحديدا والدي" وهي عربيه ممتازه في فئتها انما لا تقارن بالشارك في اي وجه من الوجوه!
انا لا عندي حاجه مفارقه ف الباب ولا زنه في الطابلوه ولا كل الكلام ده
وهعتبر كلامك عن اللانوس مبالغه لان اللانوس كانت معايا لحد الشهر اللي فات وبتشخشخ من كل ناحية وبرضه انا المالك الاول ليها
حضرتك واضح انك مش حابب العربيه بس زي مانت عاوز توعي الناس اللي هتشتريها بعيوبها انا عاوز انبههم انها مفهاش العيوب دي.. قد تكون مشكله فردية عندك او بسبب انك نازل من فئات اعلي زي تويوتا وفيكترا 2008 فالستاندردز عندك اعلي من امكانيات العربية
السنترا يعيبها شكل التابلوه الداخلي وشكلها الخارجي وتصنيع تايلاندي مخدش يعرف عنه حاجه وعربيه بقالها ينه ونص بشوفها ف المعارض بس مش لاقيه اللي يشتريها..
قطع غيارها مش موجوده واعاده بيع مش معروف عنها حاجه.. بصراحه باستثناء الفتيس وفتحات التكييف الخلفيه مش عارف الناس عاجبها فيها ايه.. بس عموما انا ملاحظ انها زي السوبارو.. سمعتها حلوه ف المنتديات والجروبات بس محدش بيدفع فيها وقت الجد
وطبيعي انها تكون اكتر عربيه تتباع كسر زيرو.. ببساطه لانها اكتر عربيه بتتباع عموما وماسكه سعر حلو ف المستعمل