الموضوع: مين اختار يعمل مشروع بدل من الوظيفه و ربنا كرمة ؟

المشاركة الأصلية كتبت بواسطة m.gomaa

والله كلام جميل
أنا شغال موظف و نفسى أفتح حاجه خاصة بيا، متردد و كل شويه عمال أحسبها لحد لما تعبت،
بس بصراحة مرة كنت موجود فى مكان عام و سمعت واحد بيكلم واحد تانى على أنه عايز يفتح مشروع بس خايف و متردد فلئيت التانى بيرد عليه بمقوله عجبتنى بصراحة، قاله المهم تبدأ حتى لو بدأت غلط علشان هتتعلم الصح و تكمل بعد كده، حسيت إن الكلام منطقى برده لكن طول ما الواحد متردد و قلقان هيفضل زى ما هو.

انا مشوفتش حد ظروفة ممتازة غير صاحب المشروع الخاص

المشاركة الأصلية كتبت بواسطة Typerr

لكل مجتهد نصيب وانا كمان هسيب السغل وهفتح شركه كاميرات مراقبه وانظمه Information system

الف مبروك مقدما

المشاركة الأصلية كتبت بواسطة Karim Alaa

انا معملتش مشروع بس شغال فرى لانسر مع نفسى على النت مصمم و مبرمج مواقع انترنت و الحمد لله تمام و مش هنكر انى ناوى اشترى وظيفه حكومه من باب الاستقرار النفسى فقط نفسى مع الوقت اعمل مشروع صيدليه بس لسه بدرى

بالتوفيق يا رب

المشاركة الأصلية كتبت بواسطة طارق _عبد السلام

التردد في البدايه بيكون شىء طبيعى وصحى ولكن التردد الذى لايعوق

انا افتكر جدا وانا بشترى اول خط انتاج لانى كنت وقتها بفتح مصنع ملابس اول كمبياله مضيت عليها حسيت انى بتخنق وحسيت ان قدامى جدا مش شايف بعده حاجه وكان عندى قلق كبير ازاى هسدد لكن ولله الحمد الشغل بيجيب شغل وسددت الكمبيالات وحصل شويه تعثر بعدها في البدايه نظرا لمحاربه من هم في مجالك ولكن دايما افتكر انك لما تقع تقوم وتنفض هدومك وتمشى تانى لكن فيها ناس لما تقع بتحب تتمرغ في التراب

ابدأ وان شاء الله ستوفق لكن في بدايتك زود من جهدك ومكسبك دوره تانى وتالت وعلى قدر المستطاع ماتاخدش من شغلك كتير وباذن الله هتكبر والامور تظبط معاك

نشكرك علي النصيحة و ربنا يوفقك في مشروعك