هل هذا عيب في علبة الدركسيون ؟

**fine_Design** · 06-09-2015 01:05 AM

السلام عليكم و رحمة الله و بركاته ...

كان عندي سؤال مهم ، عربيتي سيفيك 83 و غيرت حجات في العفشة من جلب مقصات لكبس بيض و خلافه ،، المهم ،،، غيرت الاسكترا كلها لانها كانت مبوشة و فيها نقر و كدة و لكن الجديدة جبتها استيراد من عزبة شلبي ، تقيلة جدا و فيها حاجة غريبة ، لما مثلا باخد يوتيرن ، بلف الطارة على الاخر تماما و للاسف مش بترجع لوحدها لوضعية الاستقامة ، ده غير اني لازم اقعد اظبط استقامتها بايدي شوية يمين و شوية شمال لغاية ما تتظبط ، و للعلم انا عملت ظبط زوايا ،،،

السؤال ، هل علبة الدركسيون الي انا اشتريتها بايظة و لا ده طبيعي لفترة ، كفترة تليين مثلا ، انا مش عارف ؟؟

**Mecha** · 06-09-2015 06:16 AM

انت بتقول كبست بيض يعني القديم ودا مش صح ,لو الانواع القديمه اللي بتتفك ليها طقم اصلاح او البيضه بتتغير كلها ,بالنسبه للاسكترا فيه تشحيم للجريده وكمان رجلاش لبوش الاسكاترا ,وعندك ممكن عاوز يتحل عليها.

**fine_Design** · 06-09-2015 02:17 PM

اولا الف شكر على ردك عليا ، للاسف مفيش بيض بيتباع لوحده ، البيض بتاع المقصات بيتباع مع المقصات و للاسف الي موجود في السوق دلوقت صيني او تايواني ، و العفشجي قالي نكبس البيض احسن المقص حالته كويسة مش وجشة و حيكون افضل من التيواني بشكل عام و غير جلب المقص وطبعا كوتشات المقصات و الميزان ،
لكن انا لما سألته ان الطارة تقيلة جدا و مبتردش لوحدها في اللفات و انا ماشي قالي عادي حتطرى و بعد اسبوع لو مظبتطتش ، ابقى اروحله و يظبطها ،،
بس بشكل عام ازاي اعرف جودة علبة الدركسيون الاستيراد بعد التركيب ؟ انها كويسة و لا نص نص و لا تعبانة ؟

**Mecha** · 06-09-2015 04:17 PM

تمام ,يعني مش هتغير بيض ,وبردك الاسكترا عاده ولا باور .
المهم تعرف ضقره الدركسيون منين ,هترفع العربيه وتحل بيضتين الاسكترا وتشوف الدركسيون هيخف ولا تقيل ,لو تقيل ومبيردش كدا اسكترا لازم تعمل فيها اللي اعلاه .لو خفيفه كدا بيض المقصات وترجع للصنايعي.

**fine_Design** · 08-09-2015 12:57 PM

تمام ، انا روحت للعفشجي ، فكلي ريجلاش العلبة سنة و فعلا الطارة بقت اخف شوية و قالي بمرور الوقت حتتطبط ان شاء الله لان البيض كبسه جديد و الدنيا على ما تلين حتاخدلها كام يوم .... هل هذا صحيح ؟