شيفورليه بليزر ضرووووووري

**ahmed_eng2001** · 10-09-2015 09:38 PM

المشاركة الأصلية كتبت بواسطة mecha

العربيه دي كانت بتطلع في المسلسلات الاجنبي زمان .
وبتعمل همبكه ومنظر حكايه في الاكشن والمطاردات بالذات اللي شورت wheel base .
اعرف واحد جزار ف عنده واحده و مغرم بالهيئه دي ههههههه.
المفروض كانت بتنزل بديترويت ديزل ودي مكنه ثنائي رزله . لو مكنه الجمبو تبا عسل وشغلها حلو.

انا كمان بحب الحجم ده ... و شوفتها كتير فى افلام الثمانينات

ايه موضوع الماكينة الديترويت الديزل الثنائى الرزلة دى ؟؟؟!!!

حضرتك تقصد انهى ماكينة جامبو فيهم ؟؟؟ ال 102 و لا ال 105 ؟؟؟

للأسف ... اغلب الى بيسقطو ماكينات الجامبو بيشيلو فتيس الغرز خالص ... لأنهم بيجيبوا الموتور بفتيسه

**samyyousef** · 10-09-2015 10:29 PM

انا ارشح بليزر s 10 اصغر و افضل من k5 و انعم بكتير...يا سلام لو لئيت واحدة موديل قبل 1995

**ahmed_eng2001** · 11-09-2015 12:06 AM

المشاركة الأصلية كتبت بواسطة samyyousef

انا ارشح بليزر s 10 اصغر و افضل من k5 و انعم بكتير...يا سلام لو لئيت واحدة موديل قبل 1995

متفق معاك تماما ... بس ليه موديل قبل 95 ؟

**samyyousef** · 11-09-2015 12:28 AM

المشاركة الأصلية كتبت بواسطة ahmed_eng2001

متفق معاك تماما ... بس ليه موديل قبل 95 ؟

الشكل الجديد اللي بدا منذ 1995 قرات رفيوز عليه مش كويسة، في حين ان كل الموديلات اللي قبله و اللي بتستعملها القوات الجوية حتى الوقت الراهن محدش اشتكى منها
تحياتي

**ahmed_eng2001** · 11-09-2015 12:39 AM

مشكور على المعلومة الجديدة ..... الى اعرفه ان الموديلات الى بعد ال 95 بيسموها بليزر ملوكى .... و دى ناعمة و واسعة و مريحة جدا ... الموديلات لى قبل 95 ... واسعة و جميلة جدا ... و بصراحة انا بحب الموديل ده عن الموديل الملوكى

**Mecha** · 11-09-2015 01:49 AM

المشاركة الأصلية كتبت بواسطة ahmed_eng2001

انا كمان بحب الحجم ده ... و شوفتها كتير فى افلام الثمانينات

ايه موضوع الماكينة الديترويت الديزل الثنائى الرزلة دى ؟؟؟!!!

حضرتك تقصد انهى ماكينة جامبو فيهم ؟؟؟ ال 102 و لا ال 105 ؟؟؟

للأسف ... اغلب الى بيسقطو ماكينات الجامبو بيشيلو فتيس الغرز خالص ... لأنهم بيجيبوا الموتور بفتيسه

دي مكنه ثنائي وبتستخدم الكامه تضغط ع الرشاش عشان تحقن .وشغاله صبابات للعادم .ظهرت في السبعينات وانتشرت جدا وعزمها عالي متقدرش تقتل المكنه بالعزم بسهوله.ونزلت في كناور البراريم بمصر ~ لسه شغاله؟؟ ~منها ٦ ,٨ ,١٢ كلو نفس البستم والشميز ومنها تربو ومنها super charger وعملت صيت جامد جدا لكن عيبها الانبعاثات واستهلاك وقود عالي وعاوزه عده سبشيال وترتيب معين بالحرف في الفك والتركيب .اتمنعت من بلاد كتير لكن رجعت بحقن الكتروني لكن مش نفس الانتشار القديم خالص ,الكمنز اكتسح مكانها.
ازاي الناس تفرط في رباعي البليزر بالسهوله دي .ليه متعمرش المكنه وليه متوفقش مكنه الجمبو الايسوزو علي الفتيس القديم .الايسوزو والشيفي بارتنرز من بداية السبعينات. وادي جي ام مصر ومنصور كل شغلهم ايسوزو واللوجو بس شيفي وبعض المكونات.

**ahmed_eng2001** · 27-09-2015 09:25 PM

اعتذر عن التاخر فى الرد .... الزهايمر بعيد هنك :)

لا اعتقد ان لسة فيه كناور فى البراريم .... كنت شفتها فى بريمة كانت تبع سنتافى زمان ... و بس ...
بس ماكينات slick line و خاصة بتاعة هليبرتون كلها ديترويت ديزل ... ماكينة قديمة و شكلها من سنة 1950 ... و لسة شغالة

الناس الى بتسقط مواتير الجاز ... فى الغالب بتستغل العربية تجاريا ... يعنى بيعمل بيها شغل ... او بيحمل بيها حاجة .. يعنى مش للركوب الشخصى ... و طبعا حاجة زى فتيس الغرز بيكون ملهوش لازمة معاه ... و يتعب نفسه ليه فى توفيق الفتيس

**Mecha** · 28-09-2015 01:05 AM

مفيش كناور !!!!!! ,اومال مواسير الحفر بيحملوها علي ايه ,تستحمل الصحرا وسيكس ويل واوناش وعزم خرافي .والنبي متقلش مرسيدس دي عربيه تغم ههههههه,علي الله الاوشكوش متكونشي حصلت الكناور بالمره.

**ahmed_eng2001** · 28-09-2015 11:16 PM

ايوة فعلا .... المرسيدس

انا شفت كنور مرة شد بسكت فيه مواسير حفر .... شده لغاية لما طلعه على الظهر ... و مشى بيه شوية و نزله فى مكان تانى

العربيات النقل لما بتغرز ... بيجيبو الكنور يشدهم

ايه هى الاوشكوش دى ؟؟

**Mecha** · 29-09-2015 03:17 PM

ادي الأوشئوش شبه كناور البراريم وسيكس ويل.ايه اللي جري في الدنيا.مرسيدس تزيح كنورث .ازاي ??? .دا بعينيه المرشيدس بتاع لمعي بتغرز في الموف وتحرق اسطوانه وتيجي الكنورث تنقذها دا غير كسر الكوارين ودول مرشيدس لمعي العتيق مابالك بكوارث الجديد الالكتروني .
المرشيدس دي بتشيل الباسكت علي ضهرها بونش ولا ونش علي تريلا ولا تلت تراي ولا ازاي .معقوله تستحمل 50 طن زي الكنورث.ايه ال slick line .ياريت تفسير يا هندسه