الموضوع: شيفورليه بليزر ضرووووووري

المشاركة الأصلية كتبت بواسطة ahmed_eng2001

مشكلة البليزر انها عربية قديمة و ناشفة و مش بتعجب الكثير من الناس .....
نصيحة من اخ ..... لو مش بتحب العربية دى تحديدا .... دور على ماركة تانية افضل

فيه عربيات تانية كتير و عالية عن الارض و ناعمة و فيها اوبشنز و حتريحك

الترخيص السنوى ... تقريبا 1100 جنيه ... و زود عليهم التأمين الاجبارى ... و النثريات .... حتوصل 1500 جنيه فى السنة

ممكن تركيب تكييف ان شاء الله ... انت محتاج واحد بتاع تكييف عنده امانة و بيفهم ... و ده صعب تلاقيه ... فيه واحد اسمه احمد/سيد حنفى فى المعادى ... مش متذكر اسمه كويس .... جنب مركز صحة المعادى ... كويس و شاطر

اما عن السعر ... بيفرق من عربية للتانية ... و العربيات الى مسقطة مواتير ديزل بتكون غالية شوية

العربيه دي كانت بتطلع في المسلسلات الاجنبي زمان .
وبتعمل همبكه ومنظر حكايه في الاكشن والمطاردات بالذات اللي شورت wheel base .
اعرف واحد جزار ف عنده واحده و مغرم بالهيئه دي ههههههه.
المفروض كانت بتنزل بديترويت ديزل ودي مكنه ثنائي رزله . لو مكنه الجمبو تبا عسل وشغلها حلو.

المشاركة الأصلية كتبت بواسطة ahmed_eng2001

انا كمان بحب الحجم ده ... و شوفتها كتير فى افلام الثمانينات

ايه موضوع الماكينة الديترويت الديزل الثنائى الرزلة دى ؟؟؟!!!

حضرتك تقصد انهى ماكينة جامبو فيهم ؟؟؟ ال 102 و لا ال 105 ؟؟؟

للأسف ... اغلب الى بيسقطو ماكينات الجامبو بيشيلو فتيس الغرز خالص ... لأنهم بيجيبوا الموتور بفتيسه

دي مكنه ثنائي وبتستخدم الكامه تضغط ع الرشاش عشان تحقن .وشغاله صبابات للعادم .ظهرت في السبعينات وانتشرت جدا وعزمها عالي متقدرش تقتل المكنه بالعزم بسهوله.ونزلت في كناور البراريم بمصر ~ لسه شغاله؟؟ ~منها ٦ ,٨ ,١٢ كلو نفس البستم والشميز ومنها تربو ومنها super charger وعملت صيت جامد جدا لكن عيبها الانبعاثات واستهلاك وقود عالي وعاوزه عده سبشيال وترتيب معين بالحرف في الفك والتركيب .اتمنعت من بلاد كتير لكن رجعت بحقن الكتروني لكن مش نفس الانتشار القديم خالص ,الكمنز اكتسح مكانها.
ازاي الناس تفرط في رباعي البليزر بالسهوله دي .ليه متعمرش المكنه وليه متوفقش مكنه الجمبو الايسوزو علي الفتيس القديم .الايسوزو والشيفي بارتنرز من بداية السبعينات. وادي جي ام مصر ومنصور كل شغلهم ايسوزو واللوجو بس شيفي وبعض المكونات.