المشاركة الأصلية كتبت بواسطة أشرف فتحى
فى ضوابط للتصدير والأستيراد
يعنى على سبيل المثال ممنوع تصدير الأسمده الأزوتيه من مصر لأن الناتج المحلى بالكامل غير كافى للزراعه فى مصر.
ممنوع تصدير الضب المصرى والحيوانات المعرضه للإنقراض.
ممنوع استيراد اللمبات التانجستين نهائيا...العامله بتوهج الشعيرات...والاتجاه لدعم استيراد لمبات الليد واللمبات الموفره والطاقه النظيفه بشكل عام...
لكن للأسف مفيش جرأه فى اتخاذ القرارات او دعم الأستثمار....
يعنى كل مسئول عاوز يطلع منها سليم مش ملطوط....فالقرار اللى اتاخد بفكر اتغير على حاله لغايه ما تحصل مصيبه...
كمثال..
بما اننا فى منتدى سيارات....ضريبه وارد ومبيعات السيارات كانت بقيمه عاليه جدا لحمايه الصناعه المحليه ودعمها سعريا ضد المنتج المستورد ..وعلى اعتبار ان السيارات من السلع التكميليه او غير الضروريه او الترفيهيه ..سميها زى ما تحب....
الكلام ده كان معمول لاتجاه ووقت..غير الاتجاه والوقت دلوقت...
وزى ما واضح من التعليقات كده.....فكر مسئولى الحكومات المتعاقبه بأفكار مختلفه بين انفتاح وانغلاق وتأميم وتعويم وخصخه ثم اعاده شراء الشركات المخصصه لمشاريع قوميه لدعم صناعات صغيره ..وفكر شريحه كبيره من البسطاء أمثالى.
وبالاقتباس من تعليق الأخ صاصا.....احنا مش هنفهم اكتر من الحكومه ولا هنعدل عليها......!