الموضوع: عايزة رأيكم انهي احسن Hyundai grand I10 ولا kia picanto ؟

المشاركة الأصلية كتبت بواسطة a7medalaa

البيكانتو و الجراند i10 الاتنين نفس الموتور 1250 cc و نفس الفتيس و نفس العفشة نيجي للفروق الجراند ال wheel base بتاعتها اعرض فبالتالي أوسع و ثباتهانظريا هيبقي افضل البيكانتو تقفيل كوري الجراند تقفيل هندي البيكانتو تزيد في الهايلاين الوكيل (تمنها 116 الف) فتحة سقف و جنوط سبور و كراسي جلد
الجراند الهايلاين تمنها 111 الف تزيد بلوتوث و كاسيت بتاعها شكله نضيف متناسق مع التابلوه غير كاسيت البيكانتو اللي تحته فراغ ده و تزيد multifunction في الدركسيون و زجاج فيميه و fog lights و مرايات ضم (بتتقفل و تتفتح بالكهرباء)

رأيي لو هتجيبي هايلاين بيكانتو 116 الف يبقي هاتيها احسن من الجراند عشان فتحة سقف ممتعة جدا و الفرش الجلد و الجنوط

اما لو هنقارن بين الفئة اللي ب 112 الف في البيكانتو و بين ال 111 الف في الجراند يبقي الجراند تكسب بلا شك (مالتي - بلوتوث - فيميه - فوج - مرايات ضم ) و ارخص الف جنيه

انزلي توكيل كيا اتفرجي و توكيل هيونداي سيبيك من المعارض عشان بيبقي عايز يبيع اللي عنده

انا نزلت توكيل كيا واتفرجت بس مكنش عنده الهايلاين ولسة مشفتش توكيل هيونداي بس واضح من كلام حضرتك ان مفيش فروق كبيرة وان الهيونداي ارخص شوية وفيها امكانيات احسن لو مش حاجيب اعلي فئة في البيكانتو
شكرا لحضرتك وفرت علي كتير

المشاركة الأصلية كتبت بواسطة svneleven

البيكانتو 1250 cc مش 1300 فيه ناس بتقول عليها 1200 لكن هي كلها 1250 و ما فيش 3 سلنر كلها 4 سلندر واضح أن الراجل اللي قال كده عاوز يبيع ال i10. المهم ال بيكانتو عربية أكثر من ممتازة و بتجري و تستحمل السفر. ال i10 الجديدة ما اعرفش عنها حاجة غير أن شكلها كويس.

انا كنت باعمل جولة وسألت وده الوحيد اللي قالي الكلام ده هو كان موزع تبع هيونداي تقريبا توكيل غبور

المشاركة الأصلية كتبت بواسطة mohssenrashed

جراند i10 اوسع من جوه من البيكانتو و شكل جديد و امكانيات احسن من اليكانتو .... انا جبتها من 7 شهور و معايا تيريوس 2007 و بطلت اركبها عشان ال جراند اريح و تكيف احسن و باور كهربا.

ربنا يباركلك فيها ^_^ بس عندي سؤال هو يعني ايه دركسيون باور ؟

المشاركة الأصلية كتبت بواسطة tata2011

انا لسه شارى بيكانتو وكنت محتار بينها وبين ال i10 لكن الحمد لله جبت البيكانتو والحقيقة لقتها ممتازة وعلى فكرة انا كنت جايبها للاستخدام جوه المدينة لكن لقتها ماشاء الله تروح اى حتة

ماشاء الله ربنا يباركلك فيها بصراحة هي بتلفت نظري كل ما اشوفها وشفتها في التوكيل بس حاسة انها كبيرة عليا تقريبا من كتر ما اتعودت علي كان البيبسي اللي انا ركباها مفاهيمي باظت خالص :d

المشاركة الأصلية كتبت بواسطة mohssenrashed

يعني بالبلدي الدركسيون خفيف جدااا ... في نوعين باور كهربا و باور زيت ..... باور الكهربا خفيف جدا و مريح جدا في السواقة

طيب وانهي واحدة فيهم الباور بتاعها كهربا؟!